1 تِمُوتَاوُس 2:10 - الكتاب المقدس بالعربي الدارجي هنا تشاد

¹⁰ لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.

1 تِمُوتَاوُس 2:10 Referenca të Kryqëzuara

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

رُؤية 2:19

أَنَا نَعَرِفْ خِدِمْتَكْ. نَعَرِفْ مَحَبِّتَكْ وَ إِيمَانَكْ وَ صَبْرَكْ فِي التَّعَبْ. وَ نَعَرِفْ كَدَرْ خِدِمْتَكْ الْهَسَّعْ أَخَيْر مِنْ الْأَوَّلْ.

أعمال الرُسُل 9:36

وَ مَرَةْ وَاحِدَةْ قَاعِدَةْ فِي حِلَّةْ يَافَا أُسُمْهَا طَابِيتَةْ وَ بِكَلَامْ يُونَانِي، دَا دُورْكَاسْ مَعَنَاتَهْ غَزَالَةْ. وَ هِي كُلَ مِنْ التَّلَامِيذ. وَ كُلِّ يَوْم، هِي قَاعِدَةْ تِسَاعِدْ الْمَسَاكِينْ وَ هِي دَايْماً شَغَّالَةْ بِعَمَلْ الْخَيْر.

أمْثال 31:31

كَفُّوهَا تَعَبْهَا فِي شَانْ خِدْمِتْهَا وَ أَشْكُرُوهَا قِدَّامْ نَاسْ حِلِّتْهَا.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

أعمال الرُسُل 9:39

وَ بُطْرُسْ قَمَّ مَشَى مَعَاهُمْ. وَ وَكِتْ جَاءْ فِي الْبَيْت، وَدَّوْه فَوْق فِي الْبَكَانْ الْهِي رَاقْدَةْ فَوْقَهْ. وَ كُلَّ الْعَجَايِزْ الْمِسْكِينَاتْ قَاعِدَاتْ يَبْكَنْ وَ مَشَنْ لِبُطْرُسْ أَشَانْ يِوَصِّفَنْ لَيَّهْ اللُّبَاسْ وَ الْخُلْقَانْ الدُّورْكَاسْ خَيَّطَتْهُمْ وَكِتْ هِي حَيَّةْ.

أمْثال 31:25

هِي مَعْرُوفَةْ بِالْعِزّ وَ الشَّرَفْ وَ فَرْحَانَةْ أَشَانْ عِنْدَهَا عَشَمْ فِي الْمُسْتَقْبَلْ.

1 تِمُوتَاوُس 2:9

وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ،

1 تِمُوتَاوُس 2:11

خَلِّي كُلِّ مَرَةْ تَقْعُدْ سَاكِتْ أَشَانْ تَسْمَعْ التَّعْلِيمْ وَ تِتَابِعَهْ بِكُلَّ أَدَبْ.