1 تِمُوتَاوُس 2:1 - الكتاب المقدس بالعربي الدارجي هنا تشاد

¹ وَ أَوَّلْ شَيّءْ، نِوَصِّي الْأَخْوَانْ يَسْأَلَوْا اللّٰهْ بِشِدَّةْ بِصَلَاةْ وَ دُعَا وَ شُكُرْ فِي شَانْ كُلَّ النَّاسْ.

1 تِمُوتَاوُس 2:1 Referenca të Kryqëzuara

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

يَعْقُوب 5:16

فِي شَانْ دَا، أَعْتَرُفُوا بِذُنُوبْكُو أَمْبَيْنَاتْكُو وَ أَسْأَلَوْا اللّٰهْ أَمْبَيْنَاتْكُو أَشَانْ يَشْفِيكُو. دُعَا هَنَا نَادُمْ صَالِحْ عِنْدَهْ قُدْرَةْ شَدِيدَةْ.

أفَسُس 5:20

أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

2 تِمُوتَاوُس 2:24

وَ خَدَّامْ الرَّبّ مَا وَاجِبْ يِهَارِجْ. وَ لَاكِنْ وَاجِبْ يِسَوِّي الزَّيْن لِكُلَّ النَّاسْ وَ يَعَرِفْ كِكَّيْف يِعَلِّمْهُمْ وَ يَصْبُرْ لَيْهُمْ.

1 تِمُوتَاوُس 2:4

هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ.

فِلِبِّي 1:3

فِي أَيِّ وَكِتْ كَنْ فَكَّرْت لَيْكُو، نَشْكُرْ اللّٰهْ رَبِّي.

عِبْرَانِيِّين 6:11

وَ نِدَوْرُوا كَدَرْ أَيِّ وَاحِدْ مِنْكُو يِوَصِّفْ دَايْماً النِّيَّةْ الْعَدِيلَةْ الْمِثِلْ دِي وَ عَشَمْكُو يَبْقَى بَلَا شَكَكْ لَحَدِّي الْأَخِيرْ.

تِيطُس 3:2

وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

تِيطُس 2:11

أَكِيدْ، نِعْمَةْ اللّٰهْ بَانَتْ فِي الْمَسِيحْ أَشَانْ تِنَجِّي كُلَّ النَّاسْ.

1 تِمُوتَاوُس 5:5

لَاكِنْ الْمَرَةْ الْأَرْمَلَةْ الْمَا عِنْدَهَا نَادُمْ يِفَكِّرْ فَوْقهَا، هِي تُخُطّ عَشَمْهَا ثَابِتْ فِي اللّٰهْ وَ تِنْكَرِبْ فِي دُعَاهَا وَ صَلَاوَاتْهَا، لَيْل وَ نَهَارْ.

1 كُرُنْتُس 15:3

وَ دَاهُو الْكَلَامْ الْمُهِمّ قُبَّالْ كُلَّ شَيّءْ الْأَنَا عَلَّمْتَهْ لَيْكُو وَ أَنَا كُلَ عَلَّمَوْنِي لَيَّهْ. الْمَسِيحْ مَاتْ فِي شَانْ ذُنُوبْنَا مِثِلْ مَكْتُوبْ فِي الْكِتَابْ.

أعمال الرُسُل 17:30

«اللّٰهْ مَا حَاسَبْ النَّاسْ فِي زَمَنْ الْجَهَلْ وَ لَاكِنْ هَسَّعْ اللّٰهْ يِنَادِي كُلَّ النَّاسْ فِي أَيِّ بَكَانْ أَشَانْ يُتُوبُوا مِنْ ذُنُوبْهُمْ.

1 تَسَلونِيكِي 3:12

وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

رَوْمَا 6:17

وَ الْحَمْدُ للّٰهْ، أَوَّلْ إِنْتُو بِقِيتُوا عَبِيدْ لِلذَّنِبْ لَاكِنْ هَسَّعْ تِتَابُعُوا بِكُلَّ قُلُوبْكُو التَّعْلِيمْ الْاللّٰهْ نَزَّلَهْ لَيْكُو.

رَوْمَا 1:8

أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا.

زَبُور 72:19

بَارَكْ اللّٰهْ الْأُسْمَهْ مَجِيدْ إِلَى الْأَبَدْ وَ خَلِّي كُلَّ الْأَرْض تِنْمَلِي بِمَجْدَهْ. آمِينْ! آمِينْ!

2 كُرُنْتُس 8:6

وَ أَوَّلْ تِيطُسْ بَدَا خِدْمَةْ الرَّحْمَةْ أَمْبَيْنَاتْكُو وَ أَشَانْ دَا، طَلَبْنَا مِنَّهْ يِكَمِّلْ الْخِدْمَةْ دِي مَعَاكُو.

أفَسُس 3:13

وَ أَشَانْ كُلَّ الْكَلَامْ دَا، نَطْلُبْ مِنْكُو مَا تَحْزَنَوْا لَيِّ فِي تَعَبِي. أَنَا قَاعِدْ نَتْعَبْ مِثِلْ دَا فِي شَانْكُو إِنْتُو وَ دَا يَبْقَى لِفَايْدِتْكُو الْمَجِيدَةْ.

عَزْرا 6:10

وَ رُجَالْ الدِّينْ يِقَدُّمُوا الضَّحَايَا دَوْل لِرَبّ السَّمَاوَاتْ أَشَانْ هُو يَرْضَى بِرِيحَةْ الضَّحَايَا. وَ مِثِلْ دَا، هُمَّنْ يَسْأَلَوْا اللّٰهْ لِلْمَلِكْ وَ لِأَوْلَادَهْ أَشَانْ اللّٰهْ يِبَارِكْهُمْ.

إرْمِيا 29:7

فَتُّشُوا السَّلَامْ لِلْمَدِينَةْ الْأَنَا وَدَّيْتكُو فَوْقهَا فِي الْغُرْبَةْ. وَ أَسْأَلَوْا اللّٰهْ لِلْمَدِينَةْ دِي أَشَانْ سَلَامْهَا هِي، سَلَامْكُو إِنْتُو كُلَ.»

أفَسُس 6:18

وَ خَلُّوا الرُّوحْ الْقُدُّوسْ يُقُودْكُو فِي صَلَاوَاتْكُو وَ أَسْأَلَوْا اللّٰهْ فِي كُلَّ وَكِتْ بِكُلَّ أَنْوَاعْ هَنَا دُعَا وَ طَلَبْ. وَ مِثِلْ دَا، أَقْعُدُوا وَاعِيِّينْ وَ أَنْكَرْبُوا فِي صَلَاوَاتْكُو وَ أَسْأَلَوْا اللّٰهْ لِكُلَّ الصَّالِحِينْ.

فِلِبِّي 4:6

مَا تِهِمُّوا لِأَيِّ شَيّءْ لَاكِنْ فِي كُلِّ حَالْ، أَشْكُرُوا اللّٰهْ وَ قَدُّمُوا لَيَّهْ طَلَبْكُو بِصَلَاةْ وَ دُعَا.