1 تِمُوتَاوُس 1:9 - الكتاب المقدس بالعربي الدارجي هنا تشاد

⁹ وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.

1 تِمُوتَاوُس 1:9 Referenca të Kryqëzuara

غَلاطِية 3:19

وَ كَنْ كَيْ دَا، مَالَا اللّٰهْ نَزَّلْ التَّوْرَاةْ لِمُوسَى؟ اللّٰهْ زَادْ لِجُدُودْنَا التَّوْرَاةْ بِكُلَّ شُرُوطَهْ بِسَبَبْ ذُنُوبْ النَّاسْ. وَ دَوَّرْ النَّاسْ يِتَابُعُوا شُرُوطْ التَّوْرَاةْ لَحَدِّي النَّادُمْ الْمِنْ ذُرِّيَّةْ إِبْرَاهِيمْ الْاللّٰهْ وَاعَدَهْ بِالْبَرَكَةْ يَجِي. وَ التَّوْرَاةْ دَا، الْمَلَائِكَةْ نَزَّلَوْه فِي إِيدْ وَسِيطْ وَ هُو مُوسَى.

1 بُطْرُس 4:18

<كَنْ يَبْقَى قَاسِي لِلنَّادُمْ الصَّالِحْ لِيَلْقَى النَّجَاةْ، كِكَّيْف يَبْقَى لِلْعَاصِي وَ الْمُذْنِبْ؟>

رَوْمَا 5:20

وَ شُرُوطْ التَّوْرَاةْ جَوْا أَشَانْ قُدْرَةْ الْخَطَا أَنْشَافَتْ بِزِيَادَةْ. لَاكِنْ فِي الْبَكَانْ الْكِتِرْ فَوْقَهْ الذَّنِبْ، رَحْمَةْ اللّٰهْ كُلَ كِتْرَتْ بِزِيَادَةْ.

غَلاطِية 5:23

وَ النَّفَسْ الْبَارِدْ وَ ثَبِّتِينْ النَّفْس. الْأَشْيَاءْ دَوْل، مَا فِي شَرْط وَاحِدْ ضِدُّهُمْ.

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

رَوْمَا 6:14

خَلَاصْ، الذَّنِبْ مَا عِنْدَهْ قُدْرَةْ فَوْقكُو بَتَّانْ أَشَانْ هَسَّعْ إِنْتُو مَا تِحِتْ شُرُوطْ التَّوْرَاةْ لَاكِنْ إِنْتُو تِحِتْ رَحْمَةْ اللّٰهْ.

رَوْمَا 1:30

وَ قَطَّاعِينْ وَ عُدْوَانْ اللّٰهْ. هُمَّنْ شَمَّاتِينْ وَ مُسْتَكْبِرِينْ وَ فَشَّارِينْ وَ يِفَتُّشُوا أَيِّ طَرِيقَةْ لِيِسَوُّوا الشَّرّ وَ عَايْقِينْ وَالْدَيْنهُمْ.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

تِيطُس 1:16

يُقُولُوا يَعَرْفُوا اللّٰهْ لَاكِنْ بِعَمَلْهُمْ يَكْفُرُوا بَيَّهْ. نَاسْ مِثِلْ دَوْل مَكْرُوهِينْ وَ عَاصِيِينْ وَ مَا يَنْفَعَوْا لِأَيِّ عَمَلْ هَنَا خَيْر.

1 بُطْرُس 3:20

زَمَانْ، الْأَرْوَاحْ دَوْل أَبَوْا مَا تَابَعَوْا كَلَامْ اللّٰهْ وَكِتْ اللّٰهْ الصَّبُورْ قَاعِدْ يَرْجَى لَحَدِّي نُوحْ يِكَمِّلْ السَّفِينَةْ. وَ نَاسْ شِيَّةْ بَسْ رِكْبَوْا فِي السَّفِينَةْ وَ عَدَدْهُمْ تَمَانَةْ وَ هُمَّنْ دَوْل نِجَوْا بِسَبَبْ الْأَلْمِي الرَّفَعْ السَّفِينَةْ.

عِبْرَانِيِّين 11:31

وَ بِالْإِيمَانْ، الشَّرْمُوطَةْ رَاحَابْ مَا هِلْكَتْ مَعَ الْعَاصِيِينْ أَشَانْ هِي ضَيَّفَتْ النَّاسْ الْجَوْا رَاغَوْا الْبَلَدْ.

2 تَسَلونِيكِي 2:8

وَ فِي الْوَكِتْ دَا بَسْ، نَاكِرْ الْحَقّ يِبِينْ وَ الرَّبّ عِيسَى يَكْتُلَهْ بِنَفْخَةْ وَاحِدَةْ مِنْ خَشْمَهْ وَ يِدَمِّرَهْ بِنُورْ جَيْتَهْ.

رَوْمَا 4:13

وَ اللّٰهْ وَاعَدْ إِبْرَاهِيمْ وَ ذُرِّيّتَهْ هُمَّنْ يَوْرُثُوا الدُّنْيَا. وَ اللّٰهْ وَاعَدْ إِبْرَاهِيمْ مَا أَشَانْ هُو تَابَعْ شُرُوطْ التَّوْرَاةْ، لَاكِنْ بِسَبَبْ إِيمَانَهْ الْبِقِي بَيَّهْ صَالِحْ.

مَتَّى 10:21

«وَ فِي الْوَكِتْ الْجَايِ دَا، نَادُمْ وَاحِدْ يِسَلِّمْ أَخُوهْ لِلْمَوْت وَ أَبُو عِيَالْ يِسَلِّمْ وِلَيْدَهْ لِلْمَوْت وَ الْعِيَالْ يَبْقَوْا عَاصِيِينْ لِوَالْدَيْنهُمْ وَ يِسَبُّبُوا لَيْهُمْ الْمَوْت.

حِزْقِيال 21:25

يَا إِنْتَ مَلِكْ بَنِي إِسْرَائِيلْ! يَا إِنْتَ كَتَّالْ الدِّمَمْ وَ كَافِرْ! يَوْمَكْ قَرَّبْ وَ وَكِتْ عِقَابَكْ جَاءْ.

إرْمِيا 23:11

وَ دَاهُو كَلَامْ اللّٰهْ: «الْأَنْبِيَاء وَ رُجَالْ الدِّينْ كُلُّهُمْ أَنَّجَّسَوْا لَحَدِّي فِي بَيْتِي الْمُقَدَّسْ كُلَ أَنَا لِقِيتْ عَلَامَةْ فَسَالِتْهُمْ.

أمْثال 30:17

الْعَيْن التَّحْقِرْ الْأَبُو وَ مَا تِطِيعْ الْأَمّ، غُرْبَاتْ الْوَادِي يِسِلُّوهَا وَ الصُّقُورَةْ يَاكُلُوهَا.

أمْثال 30:11

فِي نَاسْ وَاحِدِينْ يَلْعَنَوْا أَبَّهَاتْهُمْ وَ مَا يِبَارُكُوا أَمَّهَاتْهُمْ.

أمْثال 28:24

الْيَسْرِقْ أَبُوهْ وَ أَمَّهْ وَ يُقُولْ: «دَا مَا خَطَا»، هُو دَا نَادُمْ الْيِجِيبْ الْخَرَابْ.

أمْثال 28:17

كَاتِلْ الدِّمَّةْ يَجْرِي لِلْهَاوِيَةْ. خَلُّوهْ، مَا تِوَقُّفُوهْ!

أمْثال 20:20

الْيَلْعَنْ أَبُوهْ وَ أَمَّهْ نُورَهْ يُمُوتْ فِي أُسْط الضَّلَامْ.

2 أخبار 32:21

وَ خَلَاصْ، اللّٰهْ رَسَّلْ مَلَكْ وَ دَمَّرْ كُلَّ الرُّجَالْ الْفُرَّاسْ وَ الْكُبَارَاتْ وَ الْقُيَّادْ الْفِي الْمُعَسْكَرْ هَنَا مَلِكْ بَلَدْ أَشُورْ. وَ خَلَاصْ، مَلِكْ بَلَدْ أَشُورْ قَمَّ قَبَّلْ بَلَدَهْ بِعَيْب. وَكِتْ وِصِلْ هِنَاكْ، مَشَى لِبَيْت إِلٰـهَهْ وَ وَاحِدِينْ مِنْ عِيَالَهْ حَلَالَهْ مَشَوْا وَرَايَهْ وَ كَتَلَوْه بِالْسَّيْف.

2 مُلوك 19:37

وَ يَوْم وَاحِدْ، سَنْحَرِيبْ مَشَى فِي بَيْت نِسْرُوكْ إِلٰـهَهْ لِيَعَبُدَهْ. وَ عِيَالَهْ الْإِتْنَيْن أَدْرَمَلِكْ وَ شَرَاصَرْ دَخَلَوْا ضَرَبَوْه وَ كَتَلَوْه بِالْسَّيْف وَ عَرَّدَوْا مَشَوْا لِبَلَدْ أَرَرَاطْ. وَ وِلَيْدَهْ أَسَرْ حَدُّونْ حَكَمْ فِي بَدَلَهْ.

2 صَمُوِيل 16:11

وَ دَاوُدْ قَالْ لِأَبِشَايْ وَ لِكُلَّ مَسَائِيلَهْ: «شِيفُوا وِلَيْدِي، هُو الْمَرَقْ مِنْ صُلْبِي. هُو كُلَ يِدَوْر يَكْتُلْنِي وَ دَا مَالَا يَبْقَى عَجِيبْ كَنْ النَّادُمْ مِنْ قَبِيلَةْ بَنْيَامِينْ دَا قَاعِدْ يَلْعَنْ فَوْقِي؟ خَلِّي يُقُولْ اللَّعَنَةْ دِي كَنْ اللّٰهْ بَسْ أَمَرَهْ بَيْهَا.

تَثْنِية 27:16

«وَ مَلْعُونْ الْمَا يِكَرِّمْ أَمَّهْ وَ أَبُوهْ.» وَ كُلَّ الشَّعَبْ يُقُولُوا: «آمِينْ!»

لاوِيِّين 20:9

وَ الْيَلْعَنْ أَبُوهْ أَوْ أَمَّهْ يِلْعَاقَبْ بِالْمَوْت. هُو لَعَنْ أَبُوهْ وَ أَمَّهْ، هُو مَسْؤُولْ مِنْ مَوْتَهْ.

خُروج 21:14

وَ كَنْ نَادُمْ يُقُمّ بِنِيّتَهْ ضِدّ جَارَهْ وَ يَكْتُلَهْ بِنَجَاضَةْ، هُو دَا يِشِيلُوهْ وَ يَكْتُلُوهْ حَتَّى كَانْ لَجَأْ فِي مَدْبَحِي كُلَ.

خُروج 20:13

«مَا تَكْتُلْ دِمَّةْ.

1 بُطْرُس 2:7

وَ لَيْكُو إِنْتُو الْمُؤمِنِينْ، الْمَسِيحْ هُو الْحَجَرْ الْعِنْدَهْ قِيمَةْ كَبِيرَةْ. وَ لَاكِنْ لِلنَّاسْ الْمَا مُؤمِنِينْ، هُو بِقِي مِثِلْ الْكَلَامْ الْمَكْتُوبْ فِي الْكِتَابْ الْبُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

عِبْرَانِيِّين 12:16

أَنْقَرْعُوا أَشَانْ نَادُمْ مَا يَبْقَى زَنَّايْ وَلَّا كَافِرْ مِثِلْ عِيسُو الْعِصِي اللّٰهْ. هُو بَاعْ حَقّ الْبُكُورِيَّةْ فِي شَانْ أَكْلَةْ وَاحِدَةْ بَسْ.

غَلاطِية 5:21

وَ الطَّمَعْ وَ السَّكَرْ وَ السَّفَاهَةْ وَ شَيّءْ آخَرْ الْمِثِلْهُمْ. نُقُولْ لَيْكُو مِثِلْ أَوَّلْ قُلْتَهْ لَيْكُو، النَّاسْ الْيِسَوُّوا الْأَشْيَاءْ دَوْل مَا يَوْرُثُوا شَيّءْ فِي مَمْلَكَةْ اللّٰهْ.

غَلاطِية 5:18

وَ كَنْ الرُّوحْ الْقُدُّوسْ قَاعِدْ يُقُودْكُو، إِنْتُو مَا قَاعِدِينْ تِحِتْ شُرُوطْ التَّوْرَاةْ.

1 تِمُوتَاوُس 4:7

أَنْقَرِعْ مَرَّةْ وَاحِدْ مِنْ الْقِصَصْ الْبَاطْلِينْ وَ الْكَلَامْ الْمِثِلْ كَلَامْ الْعَجَايِزْ الْخَرْفَانَاتْ. دَرِّبْ نَفْسَكْ أَشَانْ تَبْقَى نَادُمْ تَقِي.

1 تِمُوتَاوُس 6:20

يَا تِمُوتَاوُسْ، أَحْفَضْ الْأَمَانَةْ الْاللّٰهْ أَنْطَاهَا لَيْك. أَنْقَرِعْ مِنْ الْكَلَامْ الْمَا يَنْفَعْ وَ الْكَلَامْ الْيِخَالِفْ الْحَقّ وَ دَا الْكَلَامْ الْيُقُولُوا هُو عِلِمْ، لَاكِنْ هُو دَا بَسْ الْكِدِبْ.

2 تِمُوتَاوُس 2:16

وَ أَنْقَرِعْ مِنْ الْكَلَامْ الشَّيْن الْمَا عِنْدَهْ فَايْدَةْ. النَّاسْ الْيِتَابُعُوا الْكَلَامْ دَا يِزِيدْهُمْ كُفُرْ بِزِيَادَةْ.

2 تِمُوتَاوُس 3:2

وَ فِي الزَّمَنْ دَا، النَّاسْ يِحِبُّوا نُفُوسْهُمْ بِزِيَادَةْ وَ يِحِبُّوا الْقُرُسْ بِلْحَيْن. وَ يَبْقَوْا فَشَّارِينْ وَ مُسْتَكْبِرِينْ وَ يِكَلُّمُوا كَلَامْ كُفُرْ وَ يَبْقَوْا عَايْقِينْ وَالْدَيْنهُمْ وَ نَسَّايِينْ الْخَيْر وَ فَاسْدِينْ.

تِيطُس 1:6

كُلِّ شَيْخ وَاجِبْ يَبْقَى نَادُمْ مَا عِنْدَهْ عَيْب. خَلِّي يَبْقَى رَاجِلْ مَرْتَهْ وَاحِدَةْ بَسْ وَ عِيَالَهْ مُؤمِنِينْ وَ مَا فِي نَادُمْ وَاحِدْ يُقُولْ فَوْقهُمْ كَدَرْ هُمَّنْ فَاسْدِينْ وَلَّا عَاصِيِينْ.

تِيطُس 1:10

أَشَانْ فِي نَاسْ كَتِيرِينْ عَاصِيِينْ وَ غَشَّاشِينْ وَ يِحَجُّوا كَلَامْ سَاكِتْ وَ كَتِيرِينْ مِنْهُمْ يَهُودْ.

يَهُوذَا 1:15

أَشَانْ يِشَارِعْ كُلَّ النَّاسْ وَ يِعَاقِبْ كُلَّ الْفَسْلِينْ فِي أَيِّ فَسَالَةْ السَّوَّوْهَا. وَ هُو يِعَاقِبْ الْمُذْنِبِينْ الْفَسْلِينْ فِي أَيِّ كَلَامْ الْفَسِلْ الْحَجَّوْه فِي اللّٰهْ.»