1 تِمُوتَاوُس 1:8 - الكتاب المقدس بالعربي الدارجي هنا تشاد

⁸ وَ أَنِحْنَ نَعَرْفُوا شُرُوطْ التَّوْرَاةْ هُمَّنْ عَدِيلِينْ كَنْ نِعَلُّمُوهُمْ بِطَرِيقَةْ صَحِيحَةْ.

1 تِمُوتَاوُس 1:8 Referenca të Kryqëzuara

رَوْمَا 7:16

وَ كَنْ أَنَا قَاعِدْ نِسَوِّي الشَّيّءْ الْفِي نَفْسِي مَا نِدَوْر نِسَوِّيهْ، مِثِلْ دَا أَنَا نِسْتَفِقْ مَعَ شُرُوطْ التَّوْرَاةْ وَ نُقُولْ هُمَّنْ عَدِيلِينْ وَ عِنْدُهُمْ الصَّحِيحْ.

2 تِمُوتَاوُس 2:5

وَ بِمَثَلْ تَانِي، كَنْ نَادُمْ يَجْرِي فِي مُسَابَقَةْ، مَا يُقُولُوا هُو سَبَقْ إِلَّا كَنْ جَرَى حَسَبْ الشُّرُوطْ.

غَلاطِية 3:21

التَّوْرَاةْ يِخَالِفْ وَعَدْ اللّٰهْ وَلَّا؟ لَا، أَبَداً. كَنْ أَوَّلْ النَّاسْ يَقْدَرَوْا يَلْقَوْا الْحَيَاةْ الْأَبَدِيَّةْ بِطَبِّقِينْ شُرُوطْ التَّوْرَاةْ الْاللّٰهْ أَنْطَاهُمْ، خَلَاصْ هُمَّنْ يَبْقَوْا صَالِحِينْ بِالشُّرُوطْ دَوْل.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

رَوْمَا 7:18

نَعَرِفْ مَا فِي شَيّءْ عَدِيلْ قَاعِدْ فَوْقِي، يَعْنِي فِي طَبِيعْتِي الْإِنْسَانِيَّةْ. عِنْدِي نِيَّةْ نِسَوِّي الْخَيْر لَاكِنْ مَا نَقْدَرْ.

رَوْمَا 7:22

فِي قَلْبِي، أَنَا نِرِيدْ وَصَايَا اللّٰهْ

نَحَمْيا 9:13

«وَ إِنْتَ نَزَلْت لَيْهُمْ فِي رَاسْ جَبَلْ سِينَاء وَ حَجَّيْت لَيْهُمْ مِنْ السَّمَاءْ وَ أَنْطَيْتهُمْ قَوَانِينْ عَدِيلِينْ وَ التَّوْرَاةْ الْمُكَرَّمْ وَ شُرُوطْ وَ وَصَايَا زَيْنِينْ.