1 تِمُوتَاوُس 1:13 - الكتاب المقدس بالعربي الدارجي هنا تشاد

¹³ وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

1 تِمُوتَاوُس 1:13 Referenca të Kryqëzuara

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

1 بُطْرُس 2:10

وَ مَكْتُوبْ فِي الْكِتَابْ: <أَوَّلْ إِنْتُو مَا شَعَبْ اللّٰهْ لَاكِنْ هَسَّعْ إِنْتُو بِقِيتُوا شَعَبَهْ. أَوَّلْ رَحْمَةْ اللّٰهْ مَا جَاتْ فَوْقكُو لَاكِنْ هَسَّعْ رَحْمَتَهْ جَاتْ فَوْقكُو خَلَاصْ.>

أعمال الرُسُل 9:13

وَ حَنَانِيَّا رَدَّ لَيَّهْ وَ قَالْ: «يَا رَبِّنَا، سِمِعْت خَبَرْ مِنْ نَاسْ كَتِيرِينْ يُقُولُوا الرَّاجِلْ دَا سَوَّى عَمَلْ شَيْن فِي نَاسَكْ الصَّالِحِينْ فِي مَدِينَةْ الْقُدُسْ.

عِبْرَانِيِّين 4:16

وَ خَلَاصْ، خَلِّينَا نِقَرُّبُوا لِلّٰهْ الرَّحِيمْ بِأَمَانْ أَشَانْ هُو يَرْحَمْنَا. وَ نَلْقَوْا مِنَّهْ النِّعْمَةْ التِّسَاعِدْنَا وَكِتْ نِحْتَاجَوْا لَيْهَا.

أعمال الرُسُل 3:17

«يَا أَخْوَانِي، أَنَا نَعَرِفْ إِنْتُو وَ كُبَارَاتْكُو أَبَيْتُوا الْمَسِيحْ أَشَانْ مَا عِرِفْتُوهْ.

لُوقا 23:34

وَ عِيسَى قَالْ: «يَا أَبُويِ، سَامِحْهُمْ أَشَانْ مَا فِهْمَوْا الشَّيّءْ الْهُمَّنْ قَاعِدِينْ يِسَوُّوهْ.» وَ الْعَسْكَرْ سَوَّوْا أَمْ عِيَيْدَاتْ أَشَانْ يِقَسُّمُوا أَمْبَيْنَاتْهُمْ خُلْقَانَهْ.

1 تِمُوتَاوُس 1:16

وَ لَاكِنْ دَاهُو السَّبَبْ الْبَيَّهْ رَبِّنَا رَحَمَانِي. أَنَا أَكْبَرْ مُذْنِبْ وَ لَاكِنْ الْمَسِيحْ عِيسَى وَصَّفْ بَيِّ صَبْرَهْ الْعَظِيمْ وَ سَوَّانِي مَثَلْ وَاضِحْ لِكُلَّ النَّاسْ الْيِآمُنُوا بَيَّهْ وَ يَلْقَوْا الْحَيَاةْ الْأَبَدِيَّةْ.

فِلِبِّي 3:6

وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

غَلاطِية 1:13

أَكِيدْ تَعَرْفُوا حَالِي وَكِتْ أَنَا لِسَّاعْ نِتَابِعْ دِينْ الْيَهُودْ. سِمِعْتُوا أَنَا تَعَّبْت بِشِدَّةْ نَاسْ اللّٰهْ أُمَّةْ الْمَسِيحْ وَ دَوَّرْت نِدَمِّرْهُمْ مَرَّةْ وَاحِدْ.

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

1 كُرُنْتُس 7:25

وَ فِي الشَّيّءْ الْبُخُصّ النَّاسْ اللِّسَّاعْ مَا أَخَدَوْا، مَا عِنْدِي وَصِيَّةْ مِنْ رَبِّنَا. لَاكِنْ اللّٰهْ رَحَمَانِي وَ جَعَلَانِي نَادُمْ صَادِقْ وَ أَشَانْ دَا نُقُولْ لَيْكُو فِكْرِي.

أعمال الرُسُل 22:4

وَ أَنَا عَذَّبْت نَاسْ الْيِتَابُعُوا دَرِبْ عِيسَى الْمَسِيحْ وَ دَوَّرْت نَكْتُلْهُمْ وَ رَبَطْ رُجَالْ وَ عَوِينْ وَ دَسَّيْتهُمْ فِي السِّجِنْ.

أعمال الرُسُل 9:5

وَ شَاوُولْ سَأَلَهْ وَ قَالْ: «يَا السَّيِّدْ، إِنْتَ يَاتُو؟» وَ الْحِسّ قَالْ: «أَنَا عِيسَى الْإِنْتَ قَاعِدْ تِتَعِّبَهْ.

أعمال الرُسُل 9:1

وَ لَاكِنْ شَاوُولْ لِسَّاعَهْ زَعْلَانْ وَ قَاعِدْ يِهَدِّدْهُمْ بِالْكَتِلْ لِتَلَامِيذ الرَّبّ عِيسَى. وَ مَشَى لِكَبِيرْ رُجَالْ الدِّينْ

لُوقا 12:47

«وَ الْعَبِدْ الْعِرِفْ الشَّيّءْ السِّيدَهْ يِدَوْرَهْ وَ مَا جَاهِزْ لِجَيْتَهْ وَ مَا سَوَّى الشَّيّءْ السِّيدَهْ يِدَوْرَهْ، الْعَبِدْ دَا يَفُرْشُوهْ فَرِشْ شَدِيدْ.

هُوشَع 2:23

وَ نَزْرَعْ لَيِّ زِرَاعَةْ فِي الْأَرْض وَ نَرْحَمْ الْأُمَّةْ النَّادَوْهَا مَا نَرْحَمْهَا. وَ نُقُولْ لَيْهُمْ النَّادَوْهُمْ مَا شَعَبِي: ‹إِنْتُو شَعَبِي› وَ هُمَّنْ يُقُولُوا لَيِّ: ‹إِنْتَ إِلٰـهْنَا.›»

عَدد 15:30

«‹وَ كَنْ نَادُمْ مِنْ بَنِي إِسْرَائِيلْ أَوْ أَجْنَبِي قَاعِدْ مَعَاهُمْ كُلَ كَنْ سَوَّى ذَنِبْ بِنِيّتَهْ، النَّادُمْ دَا سَوَّى جَرِيمَةْ ضِدّ اللّٰهْ. وَ بِسَبَبْ دَا، وَاجِبْ يَفْصُلُوهْ مِنْ أَهَلَهْ.

لاوِيِّين 13:16

وَ كَنْ الْجِسِمْ الْبِنْشَافْ أَحْمَرْ غَيَّرْ وَ بِقِي أَبْيَضْ، خَلِّي الْمَرْضَانْ يِقَبِّلْ لِرَاجِلْ الدِّينْ.