1 تِمُوتَاوُس 1:11 - الكتاب المقدس بالعربي الدارجي هنا تشاد

¹¹ وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

1 تِمُوتَاوُس 1:11 Referenca të Kryqëzuara

غَلاطِية 2:7

بِالْعَكْس، بِقِي لَيْهُمْ وَاضِحْ كَدَرْ اللّٰهْ كَلَّفَانِي بِبَلِّغِينْ بِشَارَةْ الْمَسِيحْ لِلنَّاسْ الْمَا يَهُودْ مِثِلْ هُو كَلَّفْ بُطْرُسْ بِبَلِّغِينْ بِشَارَةْ الْمَسِيحْ لِلْيَهُودْ.

تِيطُس 1:3

وَ فِي الْوَكِتْ الْاللّٰهْ حَدَّدَهْ، هُو نَزَّلْ كَلَامَهْ فِي الْمَسِيحْ. وَ اللّٰهْ مُنَجِّينَا كَلَّفَانِي بِالْكَلَامْ دَا وَ أَمَرَانِي أَشَانْ نِبَلِّغَهْ.

1 تِمُوتَاوُس 6:15

وَ دَا يَبْقَى فِي الْوَكِتْ الْاللّٰهْ حَدَّدَهْ وَ وَاجِبْ لِلّٰهْ الشُّكُرْ. هُو السُّلْطَانْ الْوَاحِدْ وَ مَلِكْ الْمُلُوكْ وَ رَبّ الْأَرْبَابْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

رَوْمَا 2:16

وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

2 تِمُوتَاوُس 1:14

كَلَامْ الْحَقّ، هُو أَمَانَةْ مِنْ اللّٰهْ. أَحْفَضَهْ بِقُدْرَةْ الرُّوحْ الْقُدُّوسْ الْقَاعِدْ فِي أُسُطْنَا.

2 تِمُوتَاوُس 1:11

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ وَ مُعَلِّمْ.

1 تِمُوتَاوُس 6:20

يَا تِمُوتَاوُسْ، أَحْفَضْ الْأَمَانَةْ الْاللّٰهْ أَنْطَاهَا لَيْك. أَنْقَرِعْ مِنْ الْكَلَامْ الْمَا يَنْفَعْ وَ الْكَلَامْ الْيِخَالِفْ الْحَقّ وَ دَا الْكَلَامْ الْيُقُولُوا هُو عِلِمْ، لَاكِنْ هُو دَا بَسْ الْكِدِبْ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

كُلُوسِي 1:25

أَنَا بِقِيتْ خَدَّامْ لِجَمَاعَةْ الْمُؤمِنِينْ أَشَانْ اللّٰهْ كَلَّفَانِي بِالْخِدْمَةْ دِي وَ نَخْدِمْ فِي شَانْكُو. وَ خِدِمْتِي هِي نِبَلِّغْ كَلَامْ اللّٰهْ الْكَامِلْ.

أفَسُس 3:10

وَ حِكْمَةْ اللّٰهْ وَسِيعَةْ وَ عَجِيبَةْ. وَ فِي الزَّمَنْ الْحَاضِرْ، اللّٰهْ يِدَوْر يِوَصِّفْ حِكْمَتَهْ بِعَمَلَهْ فِي أُسُطْ أُمَّةْ الْمَسِيحْ أَشَانْ كُلَّ الْحُكَّامْ وَ الْكُبَارَاتْ الْقَاعِدِينْ فِي السَّمَاوَاتْ يِشِيفُوهَا وَ يَفْهَمَوْهَا.

أفَسُس 2:7

وَ هُو سَوَّى لَيْنَا زَيْن بِالْمَسِيحْ عِيسَى أَشَانْ فِي كُلَّ الزَّمَنْ الْجَايِ، يِبَيِّنْ رَحْمَتَهْ الْكَبِيرَةْ بِلْحَيْن الْمَا عِنْدَهَا حَدّ.

أفَسُس 1:12

وَ اللّٰهْ عَزَلَانَا أَنِحْنَ الْبِقِينَا الْأَوَّلَانِيِّينْ الْخَطَّيْنَا عَشَمْنَا فِي الْمَسِيحْ لِنَشْكُرُوهْ وَ نِمَجُّدُوهْ.

أفَسُس 1:6

خَلِّي نَشْكُرُوهْ فِي شَانْ نِعْمَتَهْ الْمَجِيدَةْ النَّزَّلَاهَا فَوْقنَا بِإِبْنَهْ الْيِحِبَّهْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

1 كُرُنْتُس 9:17

كَنْ نِسَوِّي الْخِدْمَةْ دِي أَشَانْ أَنَا نِدَوْرهَا بَسْ، الْأُجْرَةْ وَاجْبَةْ لَيِّ. لَاكِنْ أَنَا مَا عَزَلْت الْخِدْمَةْ دِي بِنِيّتِي. اللّٰهْ بَسْ كَلَّفَانِي بَيْهَا.

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

زَبُور 138:2

نَسْجُدْ عَلَيْ بَيْتَكْ الْمُقَدَّسْ وَ نِمَجِّدْ أُسْمَكْ أَشَانْ رَحْمَتَكْ وَ أَمَانَكْ. أَشَانْ إِنْتَ كَبَّرْت أُسْمَكْ وَ وَعَدَكْ زِيَادَةْ مِنْ كُلِّ شَيّءْ.