1 تَسَلونِيكِي 5:7 - الكتاب المقدس بالعربي الدارجي هنا تشاد

⁷ أَشَانْ بِاللَّيْل بَسْ، يُنُومُوا النَّوَّامِينْ وَ بِاللَّيْل بَسْ، يَسْكَرَوْا السَّكَّارَى.

1 تَسَلونِيكِي 5:7 Referenca të Kryqëzuara

2 بُطْرُس 2:13

وَ يَلْقَوْا ظُلُمْ بِسَبَبْ الظُّلُمْ السَّوَّوْه. وَ فِي أُسْط النَّهَارْ يِسَوُّوا شَهْوَاتْهُمْ. وَ فِي عَاوَازِيمْكُو، حُضُورْهُمْ عَيْب وَ وَسَخْ. مَا يِخَلُّوا مِنْهُمْ سَفَاهِتْهُمْ وَ وَكِتْ يِلْعَشَّوْا مَعَاكُو، فَرْحَانِينْ بِغَشُّهُمْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

1 كُرُنْتُس 15:34

قَبُّلُوا فِي الدَّرِبْ الْعَدِيلْ التَّعَرْفُوهْ وَ خَلُّوا مِنْكُو الذُّنُوبْ. قُلْت الْكَلَامْ دَا أَشَانْ نَاسْ وَاحِدِينْ مِنْكُو مَا يَعَرْفُوا اللّٰهْ. وَ دَا عَيْب لَيْكُو.

أعمال الرُسُل 2:15

إِنْتُو قُلْتُوا النَّاسْ دَوْل سَكْرَانِينْ. وَ دَا مَا صَحِيحْ. يَاتُو الْيَسْكَرْ فِي السَّاعَةْ تِسْعَةْ هَنَا الْفَجُرْ؟

أفَسُس 5:14

وَ أَيِّ شَيّءْ الْيِنْشَافْ يِنْعَرِفْ بِالصَّحِيحْ. أَشَانْ دَا، نُقُولُوا: «يَا النَّايِمْ، قُمّ فَوْق! قُمّ مِنْ أُسْط الْمَيْتِينْ وَ الْمَسِيحْ يِضَوِّي نُورَهْ فَوْقَكْ.»

أيُّوب 33:15

هُو يِحَجِّي فِي حِلِمْ وَ فِي الرُّؤْيَةْ بِاللَّيْل وَكِتْ الْإِنْسَانْ نَايِمْ نَوْم شَدِيدْ فِي فُرَاشَهْ.

أيُّوب 4:13

وَكِتْ أَفْكَارْ الْبِخَوُّفُوا يَجُوا مِنْ حِلِمْ اللَّيْل وَ وَكِتْ نَوْم شَدِيدْ كَرَبْ النَّاسْ،

يُوحَنَّا 2:10

وَ قَالْ لَيَّهْ: «نَاسْ آخَرِينْ يَنْطُوا ضِيفَانْهُمْ الْخَمَرْ الْحَلُو أَوَّلْ. وَ بَعَدْ الضِّيفَانْ شِرْبَوْا كَتِيرْ، يَنْطُوهُمْ الْخَمَرْ الْمَا حَلُو. وَ لَاكِنْ إِنْتَ أَخَّرْت الْخَمَرْ الْحَلُو وَ هَسَّعْ بَسْ أَنْطَيْتَهْ لَيْنَا.»

أفَسُس 5:18

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ.