1 تَسَلونِيكِي 5:23 - الكتاب المقدس بالعربي الدارجي هنا تشاد

²³ خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

1 تَسَلونِيكِي 5:23 Referenca të Kryqëzuara

يَهُوذَا 1:24

اللّٰهْ قَادِرْ وَ يَقْدَرْ يَحْفَضْكُو أَشَانْ مَا تَقَعَوْا. هُو بَسْ يِوَدِّيكُو فِي حَضَرَتَهْ الْمَجِيدَةْ بَلَا أَيِّ عَيْب، فَرْحَانِينْ فَرْحَةْ شَدِيدَةْ.

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

1 تَسَلونِيكِي 3:13

وَ خَلِّي الرَّبّ يِثَبِّتْ قُلُوبْكُو أَشَانْ تُكُونُوا صَالِحِينْ وَ بَلَا عَيْب قِدَّامْ أَبُونَا اللّٰهْ فِي الْيَوْم الرَّبِّنَا عِيسَى يَجِي فَوْقَهْ مَعَ جَمَاعْتَهْ الصَّالِحِينْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

فِلِبِّي 1:10

أَشَانْ تَعَرْفُوا كِكَّيْف تِمَيُّزُوا دَايْماً الشَّيّءْ الْأَفْضَلْ. وَ خَلَاصْ تِعِيشُوا بِنِيَّةْ مُخْلِصَةْ وَ بَلَا عَيْب وَ تَبْقَوْا جَاهِزِينْ لِلْيَوْم الْيَجِي فَوْقَهْ الْمَسِيحْ.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

فِلِبِّي 1:6

وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.

لاوِيِّين 20:8

«وَ أَحْفَضَوْا قَوَانِينِي وَ طَبُّقُوهُمْ أَشَانْ أَنَا اللّٰهْ بَسْ نِخَصِّصْكُو.

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

عِبْرَانِيِّين 2:11

أَشَانْ هُو الْيِخَصِّصْ النَّاسْ لِلّٰهْ وَ النَّاسْ الْبِقَوْا خَاصِّيْن لِلّٰهْ، هُمَّنْ كُلُّهُمْ عِنْدُهُمْ أَبُو وَاحِدْ. أَشَانْ دَا، بَلَا عَيْب عِيسَى أَكَّدْ كَدَرْ هُمَّنْ أَخْوَانَهْ.

كُلُوسِي 1:22

وَ لَاكِنْ هَسَّعْ، اللّٰهْ سَوَّى صُلُحْ مَعَاكُو بِوَاسِطَةْ إِبْنَهْ الْجَاءْ بِجِسِمْ إِنْسَانِي. وَ إِبْنَهْ مَاتْ لِيِسَوِّيكُو نَاسْ خَاصِّينْ وَ يِقَدِّمْكُو لِلّٰهْ بَلَا خَطَا وَ بَلَا عَيْب.

1 كُرُنْتُس 14:33

أَشَانْ اللّٰهْ مَا يَرْضَى بِالْبَرْجَالْ. هُو يَرْضَى بِالسَّلَامْ. وَ مِثِلْ قَاعِدْ يَبْقَى فِي كُلَّ جَمَاعَاتْ الْمُؤمِنِينْ الصَّالِحِينْ،

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

لُوقا 1:46

وَ مَرْيَمْ قَالَتْ: «نِمَجِّدْ اللّٰهْ بِكُلَّ قَلْبِي

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

رَوْمَا 15:5

اللّٰهْ يَنْطِي الصَّبُرْ وَ الشَّجَاعَةْ وَ خَلِّي يَنْطِيكُو كُلُّكُو فِكِرْ وَاحِدْ لِتِتَابُعُوا دَرِبْ الْمَسِيحْ عِيسَى

2 تَسَلونِيكِي 3:16

وَ هَسَّعْ، خَلِّي رَبّ السَّلَامْ ذَاتَهْ يَنْطِيكُو السَّلَامْ فِي كُلِّ وَكِتْ وَ فِي كُلِّ شَيّءْ. الرَّبّ مَعَاكُو كُلُّكُو.

فِلِبِّي 4:9

وَ طَبُّقُوا دَايْماً كُلَّ شَيّءْ الْعَلَّمْتُوهْ مِنِّي وَ لِقِيتُوهْ مِنِّي، كَنْ مِنْ كَلَامِي السِّمِعْتُوهْ وَلَّا مِنْ حَالِي الشِّفْتُوهَا. وَ اللّٰهْ رَبّ السَّلَامْ يُكُونْ مَعَاكُو.

2 كُرُنْتُس 5:19

وَ مَعَنَاتَهْ اللّٰهْ سَوَّى الصُّلُحْ بِوَاسِطَةْ الْمَسِيحْ. وَ هُو شَالْ نِيَّةْ أَشَانْ مَا يِحَاسِبْ نَاسْ الدُّنْيَا حَسَبْ خَطَايَاهُمْ. وَ كَلَّفَانَا بِبَلِّغِينْ بِشَارَةْ الصُّلُحْ.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

يُوحَنَّا 17:19

وَ فِي شَانْهُمْ أَنَا نِخَصِّصْ نَفْسِي أَشَانْ هُمَّنْ كُلَ يَبْقَوْا خَاصِّينْ لَيْك بِالصَّحِيحْ.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

1 تَسَلونِيكِي 4:3

الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

رَوْمَا 16:20

وَ اللّٰهْ رَبّ السَّلَامْ مَا يِأَخِّرْ يَرْحَكْ إِبْلِيسْ تِحِتْ رِجْلَيْكُو. عَلَيْكُمْ رَحْمَةْ رَبِّنَا عِيسَى.

رَوْمَا 15:33

اللّٰهْ رَبّ السَّلَامْ يُكُونْ مَعَاكُو كُلُّكُو. آمِينْ.

أعمال الرُسُل 20:32

«وَ هَسَّعْ نِأَمِّنْكُو لِلّٰهْ وَ لِكَلَامْ نِعْمَتَهْ الْكَلَّمْتُكُو بَيْهَا. أَشَانْ الْكَلَامْ دَا يَقْدَرْ يِقَوِّي إِيمَانْكُو. وَ بِالْكَلَامْ دَا، تَلْقَوْا الْوَرَثَةْ الْاللّٰهْ يَنْطِيهَا لِكُلَّ النَّاسْ الْخَاصِّيْن لَيَّهْ.

لاوِيِّين 20:26

«أَبْقَوْا خَاصِّيْن لَيِّ أَشَانْ أَنَا اللّٰهْ قُدُّوسْ. وَ أَنَا عَزَلْتُكُو مِنْ الشُّعُوبْ أَشَانْ تَبْقَوْا هِنَيّ.

1 تَسَلونِيكِي 2:19

أَيْوَى، نِدَوْرُوا نِشِيفُوكُو بَتَّانْ أَشَانْ إِنْتُو بَسْ عَشَمْنَا وَ فَرَحْنَا. وَ فِي يَوْم جَيَّةْ رَبِّنَا عِيسَى، شُنُو الدَّلِيلْ الْيِوَصِّفْ خِدْمِتْنَا مَا فَشَلَتْ؟ الدَّلِيلْ هُو إِنْتُو وَ إِيمَانْكُو.

حِزْقِيال 37:28

وَكِتْ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ، الْأُمَمْ يَعَرْفُوا كَدَرْ أَنَا اللّٰهْ بَسْ نِخَصِّصْ بَنِي إِسْرَائِيلْ.“›»

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

1 تَسَلونِيكِي 3:11

وَ هَسَّعْ، خَلِّي اللّٰهْ أَبُونَا ذَاتَهْ وَ رَبِّنَا عِيسَى يِسَهُّلُوا لَيْنَا الدَّرِبْ أَشَانْ نَجُوكُو.

1 تَسَلونِيكِي 5:22

أَنْقَرْعُوا مِنْ أَيِّ شَيّءْ فَسِلْ.

يَعْقُوب 1:4

وَ خَلِّي صَبُرْكُو يَبْقَى تَمَامْ أَشَانْ بَيَّهْ تَبْقَوْا كَامِلِينْ وَ قَادْرِينْ وَ مَا فِي شَيّءْ يِقَصِّرْ لَيْكُو.