1 تَسَلونِيكِي 5:15 - الكتاب المقدس بالعربي الدارجي هنا تشاد

¹⁵ أَنْقَرْعُوا، نَادُمْ مِنْكُو مَا يِسَوِّي شَيّءْ فَسِلْ لِلنَّاسْ السَّوَّوْا لَيَّهْ شَيّءْ فَسِلْ. شِيلُوا نِيَّةْ أَشَانْ تِسَوُّوا دَايْماً الْخَيْر أَمْبَيْنَاتْكُو وَ لِكُلَّ النَّاسْ.

1 تَسَلونِيكِي 5:15 Referenca të Kryqëzuara

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

غَلاطِية 6:10

وَ أَشَانْ دَا، فِي أَيِّ وَكِتْ عِنْدِنَا فُرْصَةْ، خَلِّي نِسَوُّوا الْخَيْر لِكُلَّ النَّاسْ وَ خَاصَّةً لِأَهَلْ الْإِيمَانْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

لاوِيِّين 19:18

مَا تِشِيلُوا تَارْ وَ مَا تَكُرْبُوا فِي قُلُوبْكُو لِعِيَالْ شَعَبْكُو. حِبّ أَخُوكْ مِثِلْ تِحِبّ نَفْسَكْ! وَ أَنَا بَسْ اللّٰهْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

2 تِمُوتَاوُس 2:24

وَ خَدَّامْ الرَّبّ مَا وَاجِبْ يِهَارِجْ. وَ لَاكِنْ وَاجِبْ يِسَوِّي الزَّيْن لِكُلَّ النَّاسْ وَ يَعَرِفْ كِكَّيْف يِعَلِّمْهُمْ وَ يَصْبُرْ لَيْهُمْ.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

زَبُور 38:20

وَ الْيِسَوُّوا لَيِّ الشَّرّ فِي بَدَلْ الْخَيْر يَتْهَمَوْنِي فِي شَانْ الزَّيْن الْأَنَا نِفَتِّشَهْ.

تِيطُس 3:2

وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

أفَسُس 5:15

فَكُّرُوا تَمَامْ فِي حَالْكُو. مَا تِعِيشُوا بِحَالْ الْمُغَفَّلِينْ لَاكِنْ بِحَالْ الْفَاهِمِينْ.

1 كُرُنْتُس 14:1

أَشَانْ دَا، أَنْكَرْبُوا فِي الْمَحَبَّةْ وَ بَتَّانْ أَتْمَنَّوْا بِنِيَّةْ وَاحِدَةْ أَشَانْ تَلْقَوْا بَرَكَاتْ الرُّوحْ الْقُدُّوسْ. وَ مِنْ الْبَرَكَاتْ دَوْل، أَتْمَنَّوْا زِيَادَةْ أَشَانْ تِتْنَبَّأَوْا.

1 كُرُنْتُس 6:7

كَنْ وَدَّيْتُوا أَخُوكُو فِي الْمَحْكَمَةْ، إِنْتُو فَشَلْتُوا خَلَاصْ. أَخَيْر تَقْبَلَوْا الظُّلُمْ وَ تَصْبُرُوا فَوْقَهْ. أَخَيْر تِخَلُّوا نَادُمْ يَسْرِقْ مِنْكُو.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

رَوْمَا 12:9

حِبُّوا أَيِّ نَادُمْ بِمَحَبَّةْ صَحِيحَةْ. أَكْرَهَوْا الشَّرّ مَرَّةْ وَاحِدْ وَ أَكُرْبُوا الْخَيْر قَوِي.

لُوقا 6:35

«لَاكِنْ حِبُّوا عُدْوَانْكُو وَ سَوُّوا لَيْهُمْ الْخَيْر وَ دَيُّنُوهُمْ وَ مَا تَرْجَوْا مِنْهُمْ شَيّءْ وَ خَلَاصْ تَلْقَوْا أَجُرْ كَبِيرْ. وَ مِثِلْ دَا، تَبْقَوْا عِيَالْ اللّٰهْ الْعَالِي. هُو يِسَوِّي زَيْن لِلنَّاسْ الْفَسْلِينْ الْمَا يَشْكُرُوهْ.

مَتَّى 5:39

وَ لَاكِنْ أَنَا نُقُولْ لَيْكُو مَا تِقَبِّلْ الْفَسِلْ لِلنَّادُمْ السَّوَّى لَيْك الْفَسِلْ. وَ كَنْ نَادُمْ دَقَّاكْ فِي شِدْقَكْ الزَّيْنَةْ، أَنْطِيهْ الْإِسْرَةْ كُلَ.

أمْثال 25:21

كَنْ عَدُوكْ جِيعَانْ، أَنْطِيهْ يَاكُلْ وَ كَنْ عَطْشَانْ، أَنْطِيهْ يَشْرَبْ.

أمْثال 24:29

وَ مَا تُقُولْ: «الشَّيّءْ السَّوَّاهْ فَوْقِي، نِسَوِّيهْ فَوْقَهْ. نِقَبِّلْ لِأَيِّ نَادُمْ حَسَبْ فِعِلَهْ!»

أمْثال 24:17

مَا تَفْرَحْ وَكِتْ عَدُوكْ يَقَعْ وَ مَا تِنَطِّطْ وَكِتْ رِجِلَيْنَهْ يِتَّرْتَعَوْا.

أمْثال 20:22

مَا تِلْكَفَّى الْفَسَالَةْ السَّوَّوْهَا لَيْك، أَتْوَكَّلْ عَلَيْ اللّٰهْ وَ هُو يِنَجِّيكْ.

زَبُور 7:4

أَوْ سَوَّيْت الْفَسَالَةْ لِسِيدْ زَيْنِي أَوْ بَلَا سَبَبْ نَهَبْت خَصِيمِي،

1 صَمُوِيل 24:13

مِثِلْ الْمَثَلْ الْقَدِيمْ بُقُولْ: ‹مِنْ نَاسْ الْفَسْلِينْ بَسْ تَجِي الْفَسَالَةْ.› وَ لَاكِنْ أَنَا كَيْ، مَا نُخُطّ إِيدِي فَوْقَكْ!»

تَثْنِية 16:20

وَ فَتُّشُوا دَرِبْ الْعَدَالَةْ أَشَانْ تَحْيَوْا وَ تِشِيلُوا الْبَلَدْ الْيَنْطِيهَا لَيْكُو اللّٰهْ إِلٰـهْكُو.

تكوين 45:24

وَ طَلَبْ مِنْ أَخْوَانَهْ أَشَانْ مَا يِهَارُجُوا فِي الدَّرِبْ وَ خَلَّاهُمْ مَشَوْا.

1 بُطْرُس 2:17

كَرُّمُوا كُلَّ النَّاسْ. حِبُّوا كُلَّ أَخْوَانْكُو الْمُؤمِنِينْ. أَخَافَوْا اللّٰهْ. كَرُّمُوا الْمَلِكْ.

أفَسُس 5:33

وَ بُخُصُّكُو إِنْتُو كُلَ. أَيِّ رَاجِلْ مِنْكُو وَاجِبْ يِحِبّ مَرْتَهْ مِثِلْ يِحِبّ نَفْسَهْ وَ أَيِّ مَرَةْ وَاجِبْ تِكَرِّمْ رَاجِلْهَا.

1 كُرُنْتُس 16:10

وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا.

رُؤية 22:9

وَ لَاكِنْ هُو قَالْ: «لَا، مَا تَسْجُدْ لَيِّ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْأَنْبِيَاء وَ مِثِلْ كُلَّ النَّاسْ الْيِتَابُعُوا كَلَامْ الْكِتَابْ دَا. أَعَبُدْ اللّٰهْ.»

أمْثال 17:13

الْيِبَدِّلْ الْخَيْر بِالشَّرّ، الشَّرّ مَا يِكِسّ مِنْ بَيْتَهْ.

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

1 تَسَلونِيكِي 5:21

جَرُّبُوا كُلَّ شَيّءْ. الشَّيّءْ الْعَدِيلْ، أَكُرْبُوهْ قَوِي.

أعمال الرُسُل 16:28

وَ لَاكِنْ بُولُسْ نَادَاهْ بِحِسّ عَالِي وَ قَالْ لَيَّهْ: «مَا تِسَوِّي لِنَفْسَكْ شَيّءْ فَسِلْ. أَنِحْنَ كُلِّنَا قَاعِدِينْ.»