1 تَسَلونِيكِي 5:13 - الكتاب المقدس بالعربي الدارجي هنا تشاد

¹³ حِبُّوهُمْ بِمَحَبَّةْ شَدِيدَةْ بِسَبَبْ خِدْمِتْهُمْ. وَ أَقْعُدُوا بِسَلَامْ أَمْبَيْنَاتْكُو.

1 تَسَلونِيكِي 5:13 Referenca të Kryqëzuara

مَرْخُوس 9:50

«الْمِلِحْ عَدِيلْ. لَاكِنْ كَنْ طَعَامَهْ بِقِي مَا فِيهْ، شُنُو يِقَبِّلَهْ؟ أَبْقَوْا طَاعِمِينْ مِثِلْ الْمِلِحْ وَ خَلِّي السَّلَامْ يَقْعُدْ أَمْبَيْنَاتْكُو.»

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

يَعْقُوب 3:18

وَ نَتِيجَةْ الْعَدَالَةْ مَزْرُوعَةْ فِي السَّلَامْ لِلنَّاسْ الْيِسَوُّوا عَمَلْ السَّلَامْ.

أفَسُس 4:3

الرُّوحْ الْقُدُّوسْ جَعَلَاكُو شَعَبْ وَاحِدْ. جَاهُدُوا أَشَانْ الْوِحْدَةْ مَا تَتْلَفْ وَ أَحْفَضَوْا الْوِحْدَةْ دِي بِالسَّلَامْ.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

يُوحَنَّا 15:17

وَ دِي هِي الْوَصِيَّةْ النَّنْطِيهَا لَيْكُو. أَرَّايَدَوْا أَمْبَيْنَاتْكُو.

زَبُور 133:1

دَا عَدِيلْ وَ سَمَحْ لِلْأَخْوَانْ كَنْ يُكُونُوا سَوَا!

2 تِمُوتَاوُس 2:22

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

2 تَسَلونِيكِي 3:16

وَ هَسَّعْ، خَلِّي رَبّ السَّلَامْ ذَاتَهْ يَنْطِيكُو السَّلَامْ فِي كُلِّ وَكِتْ وَ فِي كُلِّ شَيّءْ. الرَّبّ مَعَاكُو كُلُّكُو.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

غَلاطِية 6:6

كَنْ نَادُمْ قَاعِدْ يِعَلِّمْكُو كَلَامْ اللّٰهْ، وَاجِبْ تَنْطُوهْ مِنْ الْمَالْ الْعِنْدُكُو.

غَلاطِية 4:14

وَ تَعَبِي دَا بِقِي لَيْكُو قَاسِي لَاكِنْ بَيْدَا كُلَ، إِنْتُو مَا حَقَرْتُونِي وَ لَا طَرَدْتُونِي. لَا، إِنْتُو ضَيَّفْتُونِي مِثِلْ أَنَا مَلَكْ اللّٰهْ وَلَّا مِثِلْ أَنَا الْمَسِيحْ عِيسَى ذَاتَهْ.

مَتَّى 10:40

«وَ أَيِّ نَادُمْ الْقِبِلَاكُو قِبِلَانِي. وَ النَّادُمْ الْقِبِلَانِي قِبِلْ اللّٰهْ الرَّسَّلَانِي.

تكوين 45:24

وَ طَلَبْ مِنْ أَخْوَانَهْ أَشَانْ مَا يِهَارُجُوا فِي الدَّرِبْ وَ خَلَّاهُمْ مَشَوْا.

1 تَسَلونِيكِي 5:14

يَا أَخْوَانِي، أَسْمَعَوْا وَصَايَانَا. حَذُّرُوا الْعَاطِلِينْ وَ ثَبُّتُوا الْخَوَّافِينْ وَ سَاعُدُوا الضَّعِيفِينْ. وَ أَصْبُرُوا لِكُلَّ النَّاسْ.