1 تَسَلونِيكِي 5:11 - الكتاب المقدس بالعربي الدارجي هنا تشاد

¹¹ وَ خَلَاصْ بِالْكَلَامْ دَا، أَشَّاجَعَوْا أَمْبَيْنَاتْكُو وَ أَسَّاعَدَوْا فِي إِيمَانْكُو بِزِيَادَةْ مِثِلْ إِنْتُو قَاعِدِينْ تِسَوُّوهْ.

1 تَسَلونِيكِي 5:11 Referenca të Kryqëzuara

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

عِبْرَانِيِّين 10:25

خَلِّي دَايْماً نِلِمُّوا وَ مَا نِتَابُعُوا عَادَاتْ النَّاسْ الْوَاحِدِينْ الْمَا يِدَوْرُوا يِلِمُّوا. تَعَرْفُوا كَدَرْ يَوْم جَيَّةْ الْمَسِيحْ قَرَّبْ وَ أَشَانْ دَا، أَشَّاجَعَوْا بِزِيَادَةْ.

رَوْمَا 15:2

خَلِّي أَيِّ نَادُمْ مِنِّنَا يِسَوِّي الشَّيّءْ الْيَعَجِبْ أَخُوهْ وَ دَا، لِخَيْرَهْ وَ لِيِقَوِّيهْ فِي الْإِيمَانْ.

عِبْرَانِيِّين 3:13

أَشَّاجَعَوْا أَمْبَيْنَاتْكُو كُلَّ يَوْم. أَيْوَى، كُلَّ الْأَيَّامْ نِنَادُوهُمْ «الْيَوْم»، أَشَانْ الذَّنِبْ مَا يُغُشّ نَادُمْ مِنْكُو وَ يِقَوِّي رَاسَهْ.

1 تَسَلونِيكِي 4:18

أَشَانْ دَا، أَشَّاجَعَوْا أَمْبَيْنَاتْكُو بِالْكَلَامْ دَا.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

1 كُرُنْتُس 14:12

وَ لَيْكُو إِنْتُو كُلَ نَفْس الشَّيّءْ. إِنْتُو مُنْكَرِبِينْ فِي قُدْرَةْ الرُّوحْ الْقُدُّوسْ أَمْبَيْنَاتْكُو وَ دَا عَدِيلْ. لَاكِنْ أَنْكَرْبُوا زِيَادَةْ فِي الْبَرَكَاتْ الْيِقَوُّوا جَمَاعَةْ الْمُؤمِنِينْ.

أفَسُس 4:12

وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

يَهُوذَا 1:20

وَ لَاكِنْ لَيْكُو إِنْتُو، يَا أَخْوَانِي النِّحِبُّكُو، سَوُّوا نُفُوسْكُو قَوِيِّينْ فِي إِيمَانْكُو الْمُقَدَّسْ. خَلُّوا الرُّوحْ الْقُدُّوسْ دَايْماً يُقُودْ صَلَاوَاتْكُو.

أفَسُس 4:16

وَ بَيَّهْ هُو، الْجِسِمْ يَبْقَى وَاحِدْ وَ كُلَّ الْمَفَاصِلْ يِنْرَبْطُوا أَمْبَيْنَاتْهُمْ. وَ وَكِتْ أَيِّ عُضُو يِسَوِّي خِدِمْتَهْ عَدِيلْ، الْجِسِمْ الْكَامِلْ يَكْبُرْ وَ يَبْقَى قَوِي بِمَحَبَّةْ.

1 كُرُنْتُس 10:23

إِنْتُو تُقُولُوا: «كُلِّ شَيّءْ حَلَالْ.» وَ لَاكِنْ نُقُولْ مَا كُلِّ شَيّءْ عِنْدَهْ فَايْدَةْ. تُقُولُوا: «كُلِّ شَيّءْ حَلَالْ.» لَاكِنْ مَا كُلِّ شَيّءْ يِقَوِّي الْإِيمَانْ.

2 بُطْرُس 1:12

أَكِيدْ تَعَرْفُوا الْكَلَامْ دَا وَ قَاعِدِينْ ثَابْتِينْ فِي الْحَقّ الْبَلَّغَوْه لَيْكُو. وَ لَاكِنْ نِدَوْر دَايْماً نِذَكِّرْكُو بَيَّهْ.

2 كُرُنْتُس 12:19

أَكُونْ إِنْتُو تُقُولُوا فِي قُلُوبْكُو فِي طُولْ الْوَكِتْ دَا أَنِحْنَ نِدَافُعُوا لِنُفُوسْنَا قِدَّامْكُو. لَا! مَا كَيْ. نِحَجُّوا لَيْكُو بِأُسُمْ الْمَسِيحْ قِدَّامْ اللّٰهْ. يَا أَخْوَانِي النِّحِبُّوكُو، كُلَّ شَيّءْ السَّوَّيْنَاهْ دَا، هُو فِي شَانْكُو بَسْ أَشَانْ إِيمَانْكُو يَبْقَى قَوِي.

1 كُرُنْتُس 14:29

وَ خَلِّي إِتْنَيْن وَلَّا تَلَاتَةْ نَاسْ يِتْنَبَّأَوْا وَ خَلِّي الْآخَرِينْ يِمَيُّزُوا كَلَامْهُمْ.

رَوْمَا 15:14

يَا أَخْوَانِي، أَنَا بِنَفْسِي مُؤَكِّدْ كَدَرْ إِنْتُو مَلَانِينْ بِالْخَيْر وَ بِالْعِلِمْ وَ قَادْرِينْ تِلْوَاصَوْا أَمْبَيْنَاتْكُو.

1 تِمُوتَاوُس 1:4

قُولْ لَيْهُمْ مَا وَاجِبْ يُخُطُّوا بَالْهُمْ بَتَّانْ فِي قِصَصْ بَاطْلِينْ وَ لَا فِي الْقَرَمْ الطُّوَالْ بِلْحَيْن دَوْل. الْكَلَامْ الْمِثِلْ دَا يِسَبِّبْ الْمُنَاقَشَاتْ الْمَا عِنْدُهُمْ فَايْدَةْ وَ مَا يِوَافِقْ مَعَ الشَّيّءْ الْاللّٰهْ يِدَوْر يِسَوِّيهْ فِي النَّاسْ. دَرِبْ اللّٰهْ هُو بِالْإِيمَانْ.

1 تَسَلونِيكِي 4:10

وَ دَا بَسْ الْإِنْتُو قَاعِدِينْ تِسَوُّوهْ أَشَانْ تِحِبُّوا كُلَّ الْأَخْوَانْ الْفِي بَلَدْ مَقِدُونِيَةْ. لَاكِنْ يَا أَخْوَانِي، نِوَصُّوكُو أَشَانْ تِرَّايَدَوْا بِزِيَادَةْ بَتَّانْ.

1 كُرُنْتُس 14:5

وَ أَنَا نِدَوْر كُلُّكُو تِحَجُّوا بِلُغَّاتْ لَاكِنْ نِدَوْر زِيَادَةْ كَدَرْ تِتْنَبَّأَوْا. الْيِتْنَبَّأْ لِلنَّاسْ أَخَيْر مِنْ الْيِكَلِّمْ بِلُغَّاتْ. أَشَانْ الْيِكَلِّمْ بِلُغَّاتْ مَا يِقَوِّي جَمَاعَةْ الْمُؤمِنِينْ إِلَّا كَنْ نَادُمْ وَاحِدْ يِفَسِّرْ كَلَامَهْ لَيْهُمْ.