1 تَسَلونِيكِي 5:10 - الكتاب المقدس بالعربي الدارجي هنا تشاد

¹⁰ الْمَسِيحْ مَاتْ فِي شَانَّا وَ بَيْدَا، كَنْ أَنِحْنَ حَيِّينْ وَلَّا مَيْتِينْ كُلَ فِي يَوْم جَيْتَهْ، نِعِيشُوا مَعَايَهْ سَوَا.

1 تَسَلونِيكِي 5:10 Referenca të Kryqëzuara

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

1 تَسَلونِيكِي 4:17

وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

2 كُرُنْتُس 5:15

وَ هُو مَاتْ لِكُلَّ النَّاسْ أَشَانْ النَّاسْ الْحَيِّينْ مَا يِعِيشُوا بَتَّانْ لِنُفُوسْهُمْ لَاكِنْ يِعِيشُوا لِلْمَسِيحْ الْمَاتْ وَ بَعَثْ فِي شَانْهُمْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 تِمُوتَاوُس 2:6

الْأَنْطَى نَفْسَهْ ضَحِيَّةْ أَشَانْ يَفْدَى كُلَّ النَّاسْ. وَ دِي بَسْ شَهَادَةْ اللّٰهْ الْقَدَّمَاهَا فِي الْوَكِتْ الْمُوَافِقْ.

1 تَسَلونِيكِي 4:13

يَا أَخْوَانِي، نِدَوْرُوا نِأَوْرُوكُو بِحَالَةْ الْمُؤمِنِينْ الْأَتْوَفَّوْا أَشَانْ مَا تَحْزَنَوْا مِثِلْ النَّاسْ الْمَا عِنْدُهُمْ عَشَمْ فِي رَبِّنَا.

1 كُرُنْتُس 15:3

وَ دَاهُو الْكَلَامْ الْمُهِمّ قُبَّالْ كُلَّ شَيّءْ الْأَنَا عَلَّمْتَهْ لَيْكُو وَ أَنَا كُلَ عَلَّمَوْنِي لَيَّهْ. الْمَسِيحْ مَاتْ فِي شَانْ ذُنُوبْنَا مِثِلْ مَكْتُوبْ فِي الْكِتَابْ.

يُوحَنَّا 15:13

وَ مَا فِي مَحَبَّةْ كَبِيرَةْ مِنْ مَحَبَّةْ النَّادُمْ الْيِحِبّ رُفْقَانَهْ لَحَدِّي يَفْدَاهُمْ بِرُوحَهْ.

يُوحَنَّا 10:17

«أَبُويِ يِحِبِّنِي أَشَانْ نَنْطِي حَيَاتِي لِنِشِيلْهَا بَعَدَيْن.

يُوحَنَّا 10:11

«أَنَا الرَّاعِي الْعَدِيلْ. الرَّاعِي الْعَدِيلْ هُو النَّادُمْ الْيَفْدَى غَنَمَهْ بِحَيَاتَهْ.

مَتَّى 20:28

سَوُّوا مِثْلِي أَنَا، إِبْن الْإِنْسَانْ. أَنَا مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

يُوحَنَّا 10:15

مِثِلْ أَبُويِ يَعَرِفْنِي وَ أَنَا نَعَرِفْ أَبُويِ. وَ أَنَا نَفْدَى الْغَنَمْ بِحَيَاتِي.

1 تَسَلونِيكِي 4:15

وَ حَسَبْ الْكَلَامْ الرَّبِّنَا ذَاتَهْ أَوْرَانَا بَيَّهْ، نُقُولُوا لَيْكُو كَدَرْ أَنِحْنَ الْحَيِّينْ فِي يَوْم جَيَّةْ الرَّبّ، أَبَداً مَا نِقَدُّمُوا لِأَخْوَانَّا الْمَاتَوْا خَلَاصْ.

1 تَسَلونِيكِي 5:6

أَشَانْ دَا، خَلِّي مَا نَبْقَوْا مِثِلْ النَّاسْ الْآخَرِينْ. هُمَّنْ مِثِلْ نَاسْ نَايْمِينْ أَشَانْ مَا يَعَرْفُوا الشَّيّءْ الْيَجِي فَوْقهُمْ. خَلِّي نَقْعُدُوا وَاعِيِّينْ وَ نُخُطُّوا بَالْنَا.

2 تِمُوتَاوُس 2:11

الْكَلَامْ دَا حَقّ. كَنْ مُتْنَا مَعَايَهْ، نَحْيَوْا مَعَايَهْ.