1 تَسَلونِيكِي 4:4 - الكتاب المقدس بالعربي الدارجي هنا تشاد

⁴ هُو يِدَوْر أَيِّ نَادُمْ يَعَرِفْ كِكَّيْف يَمْلُكْ نَفْسَهْ بِحَالْ صَالْحَةْ الْعِنْدَهَا إِكْرَامْ.

1 تَسَلونِيكِي 4:4 Referenca të Kryqëzuara

1 كُرُنْتُس 7:9

لَاكِنْ كَنْ مَا يَقْدَرَوْا يَلْزَمَوْا شَهْوَاتْهُمْ، أَخَيْر يَاخُدُوا. كَنْ يَاخُدُوا، دَا أَخَيْر مِنْ الشَّهْوَةْ تَاكُلْهُمْ مِثِلْ النَّارْ.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

1 بُطْرُس 3:7

وَ لَيْكُو إِنْتُو الرُّجَالْ كُلَ، خَلِّي أَيِّ رَاجِلْ يَقْعُدْ مَعَ مَرْتَهْ بِمُفَاهَمَةْ وَ يَعَرِفْ تَمَامْ كَدَرْ هِي مَا قَوِيَّةْ مِثْلَهْ. كَرُّمُوا عَوِينْكُو أَشَانْ هِنَّ كُلَ يَوْرِثَنْ مَعَاكُو نِعْمَةْ الْحَيَاةْ الْاللّٰهْ يَنْطِيهَا لَيْكُو. وَ تَابُعُوا كَلَامِي دَا أَشَانْ شَيّءْ مَا يِبَرْجِلْ صَلَاوَاتْكُو.

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

1 كُرُنْتُس 6:15

مَا عِرِفْتُوا كَدَرْ هَسَّعْ جِسِمْ الْمُؤمِنْ عُضُو مِنْ جِسِمْ الْمَسِيحْ وَلَّا؟ وَ كَنْ مِثِلْ دَا، هَلْ نِوَدِّي جِسْمِي الْهَسَّعْ عُضُو مِنْ جِسِمْ الْمَسِيحْ وَ نَنْطِيهْ لِمَرَةْ شَرْمُوطَةْ؟ أَبَداً.

1 كُرُنْتُس 7:2

لَاكِنْ مُشْكِلَةْ الزِّنَى قَاعِدَةْ وَ تِدَوْر تَكْرُبْكُو. أَشَانْ دَا، أَخَيْر أَيِّ رَاجِلْ عِنْدَهْ مَرْتَهْ حَلَالَهْ وَ أَيِّ مَرَةْ عِنْدَهَا رَاجِلْهَا حَلَالْهَا.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

رَوْمَا 6:19

فِكِرْكُو فِكِرْ إِنْسَانِي وَ أَشَانْ دَا، أَنَا قَاعِدْ نِحَجِّي لَيْكُو بِكَلَامْ هَيِّنْ مِثِلْ كَلَامْ النَّاسْ. أَوَّلْ سَلَّمْتُوا أَجْسَامْكُو مِثِلْ عَبِيدْ لِلْحَالْ الشَّيْنَةْ وَ لِلْخَطَايَا السَّوَّوْكُو خَاطِيِّينْ بِزِيَادَةْ. هَسَّعْ وَاجِبْ تِسَلُّمُوا أَجْسَامْكُو لِلْحَالْ الصَّالْحَةْ وَ تَبْقَوْا نَاسْ اللّٰهْ الصَّالِحِينْ.

رَوْمَا 1:24

وَ أَشَانْ دَا، اللّٰهْ سَلَّمَاهُمْ لِشَهْوَاتْ قُلُوبْهُمْ وَ خَلَّاهُمْ يِسَوُّوا فِعِلْ شَيْن بِأَجْسَامْهُمْ وَ يِتَلُّفُوا شَرَفْهُمْ أَمْبَيْنَاتْهُمْ.

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

2 كُرُنْتُس 4:7

وَ الْبَرَكَةْ الْعِنْدِنَا دِي مِثِلْ دَهَبْ صَافِي الْقَاعِدْ فِي مَاعُونْ هَنَا طِينَةْ. وَ دَا يِوَصِّفْ كَدَرْ الْقُدْرَةْ الْعَجِيبَةْ النَّخْدُمُوا بَيْهَا، هِي مِنْ اللّٰهْ بَسْ وَ مَا مِنِّنَا أَنِحْنَ.

1 صَمُوِيل 21:5

وَ دَاوُدْ قَالْ لِأَخِيمَلِكْ رَاجِلْ الدِّينْ: «أَيْوَى، أَكِيدْ الْعَوِينْ مَمْنُوعَاتْ لَيْنَا مِنْ أَمِسْ وَ مِنْ أَوَّلْ كُلَ. وَ دَا مِثِلْ فِي عَادْتِي وَكِتْ نَمْرُقْ لِلْحَرِبْ. حَتَّى فِي الْمُهِمَّةْ الْعَادِيَّةْ كُلَ، نَاسِي جِسِمْهُمْ طَاهِرْ. مَالَا جِسِمْهُمْ مَا يُكُونْ طَاهِرْ فِي مُهِمَّةْ مُقَدَّسَةْ مِثِلْ دِي؟»