1 تَسَلونِيكِي 4:3 - الكتاب المقدس بالعربي الدارجي هنا تشاد

³ الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.

1 تَسَلونِيكِي 4:3 Referenca të Kryqëzuara

1 بُطْرُس 4:2

وَ هُو مَا يِدَوْر يِتَابِعْ شَهْوَةْ النَّاسْ بَتَّانْ، لَاكِنْ يِدَوْر يِتَابِعْ الْاللّٰهْ يِدَوْرَهْ طُولْ الْوَكِتْ الْفَضَّلْ لَيَّهْ فِي الدُّنْيَا.

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

أفَسُس 5:17

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

كُلُوسِي 3:5

أَشَانْ دَا، قُشُّوا مَرَّةْ وَاحِدْ مِنْ أَفْكَارْكُو كُلَّ شَيّءْ الْمِنْ الْأَرْض مِثِلْ الزِّنَى وَ الْحَالْ الشَّيْنَةْ وَ الشَّهْوَاتْ الْفَسْلِينْ وَ النِّيَّةْ الْفَسْلَةْ وَ الطَّمَعْ. وَ بِالصَّحِيحْ، الطَّمَعْ هُو مِثِلْ عِبَادَةْ الْأَصْنَامْ.

1 تَسَلونِيكِي 4:4

هُو يِدَوْر أَيِّ نَادُمْ يَعَرِفْ كِكَّيْف يَمْلُكْ نَفْسَهْ بِحَالْ صَالْحَةْ الْعِنْدَهَا إِكْرَامْ.

غَلاطِية 5:19

وَ خَلَاصْ، الذُّنُوبْ الْيَجُوا مِنْ قَلِبْ الْإِنْسَانْ مَعْرُوفِينْ. هُمَّنْ الزِّنَى وَ الْخَبَاثَةْ وَ الْفَسَادْ

1 يُوحَنَّا 2:17

الدُّنْيَا وَ شَهْوَاتْهَا يُفُوتُوا وَ لَاكِنْ النَّاسْ الْيِسَوُّوا الْاللّٰهْ يِدَوْرَهْ يِعِيشُوا إِلَى الْأَبَدْ.

مَتَّى 7:21

«مَا كُلَّ النَّاسْ الْيِنَادُونِي: ‹يَا سَيِّدْنَا، يَا سَيِّدْنَا› يَدْخُلُوا فِي مَمْلَكَةْ اللّٰهْ، إِلَّا النَّاسْ الْيِسَوُّوا حَسَبْ الْأَبُويِ اللّٰهْ يِدَوْرَهْ يَدْخُلُوا.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

2 تَسَلونِيكِي 2:13

لَاكِنْ، يَا أَخْوَانِي الرَّبِّنَا يِحِبُّكُو، وَاجِبْ نَشْكُرُوا اللّٰهْ دَايْماً فِي شَانْكُو إِنْتُو. اللّٰهْ عَزَلَاكُو مِنْ الْأَوَّلْ أَشَانْ يِنَجِّيكُو وَ يِسَوِّيكُو صَالِحِينْ بِعَمَلْ الرُّوحْ الْقُدُّوسْ. وَ دَا يَبْقَى أَشَانْ إِنْتُو آمَنْتُوا بِالْحَقّ.

عِبْرَانِيِّين 10:36

هَسَّعْ دَا، وَاجِبْ تَصْبُرُوا صَبُرْ قَوِي وَ تِسَوُّوا الشَّيّءْ الْاللّٰهْ يِدَوْرَهْ أَشَانْ تَلْقَوْا مِنَّهْ الْبَرَكَةْ الْهُو وَاعَدْ بَيْهَا.

أفَسُس 6:6

أَخْدُمُوا لَيْهُمْ مَا فِي شَانْ هُمَّنْ قَاعِدِينْ يِشِيفُوكُو بَسْ. مَا تُخُطُّوا بَالْكُو فِي شُكُرْ النَّاسْ. لَاكِنْ خُطُّوا فِي فِكِرْكُو إِنْتُو عَبِيدْ لِلْمَسِيحْ وَ سَوُّوا الْيِدَوْرَهْ اللّٰهْ بِنِيَّةْ مُخْلِصَةْ.

1 كُرُنْتُس 7:2

لَاكِنْ مُشْكِلَةْ الزِّنَى قَاعِدَةْ وَ تِدَوْر تَكْرُبْكُو. أَشَانْ دَا، أَخَيْر أَيِّ رَاجِلْ عِنْدَهْ مَرْتَهْ حَلَالَهْ وَ أَيِّ مَرَةْ عِنْدَهَا رَاجِلْهَا حَلَالْهَا.

أعمال الرُسُل 15:29

مَا تَاكُلُوا لَحَمْ الْقَدَّمَوْه ضَحِيَّةْ لِلْأَصْنَامْ وَ مَا تَاكُلُوا دَمّ وَ لَا لَحَمْ الْفَطِيسْ وَ مَا تَزْنَوْا. كَنْ تِخَلُّوا مِنْكُو الْأَشْيَاءْ دَوْل، دَا سَوَّيْتُوا شَيّءْ عَدِيلْ. وَ مَعَاكُو السَّلَامْ.

زَبُور 143:10

عَلِّمْنِي لِنِسَوِّي نِيّتَكْ أَشَانْ إِنْتَ إِلٰـهِي. خَلِّي رُوحَكْ الْعَدِيلْ يِوَدِّينِي فِي أَرْض مُسْتَوِيَةْ!

زَبُور 40:8

يَا إِلٰـهِي! أَنَا نِسَوِّي رِضَاكْ وَ نَفْرَحْ وَ نَحْفَضْ تَوْرَاتَكْ فِي دَاخَلْ قَلْبِي.

1 تَسَلونِيكِي 5:18

وَ أَشْكُرُوا اللّٰهْ فِي كُلِّ حَالْ. دَا بَسْ الشَّيّءْ الْاللّٰهْ يِدَوْرَهْ مِنْكُو فِي دَرِبْ عِيسَى الْمَسِيحْ.

مَرْخُوس 3:35

وَ أَيِّ نَادُمْ الْيِسَوِّي حَسَبْ الْاللّٰهْ يِدَوْرَهْ، هُو دَا بَسْ أَخُويِ أَوْ أَخْتِي أَوْ أَمِّي.»

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

كُلُوسِي 1:9

وَ أَشَانْ دَا مِنْ يَوْم سِمِعْنَا خَبَرْ إِيمَانْكُو، أَنِحْنَ قَاعِدِينْ نَسْأَلَوْا لَيْكُو اللّٰهْ. وَ نَسْأَلَوْا لَيْكُو اللّٰهْ أَشَانْ تَعَرْفُوا الْهُو يِدَوْرَهْ وَ تَلْقَوْا حِكْمَةْ وَ فِهِمْ مِنْ الرُّوحْ الْقُدُّوسْ.

2 كُرُنْتُس 12:21

أَكُونْ وَكِتْ نَجِيكُو، اللّٰهْ يِجِيبْ لَيِّ بَتَّانْ الْعَيْب قِدَّامْكُو. وَ نَحْزَنْ فِي شَانْ النَّاسْ الْكَتِيرِينْ الْأَوَّلْ أَذْنَبَوْا وَ مَا تَابَوْا مِنْ الْحَالْ الْخَبِيثَةْ وَ الزِّنَى وَ الْفَسَادْ الْأَوَّلْ سَوَّوْهُمْ.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

يُوحَنَّا 4:34

وَ عِيسَى قَالْ: «الرَّسَّلَانِي كَلَّفَانِي بِخِدْمَةْ وَ وَاجِبْ نِكَمِّلْهَا. وَ دَا يَبْقَى لَيِّ مِثِلْ أَكْلِي.

مَتَّى 15:19

أَشَانْ مِنْ دَاخَلْ قَلِبْ الْإِنْسَانْ يَمْرُقْ الْفِكِرْ الشَّيْن وَ الْكَتِلْ وَ الزِّنَى وَ الْفَسَالَةْ وَ السِّرْقَةْ وَ الشَّهَادَةْ بِالْكِدِبْ وَ كَلَامْ الْكُفُرْ.

مَتَّى 12:50

أَشَانْ أَيِّ نَادُمْ الْيِسَوِّي حَسَبْ أَبُويِ فِي السَّمَاءْ يِدَوْرَهْ، هُو بَسْ أَخُويِ وَ أَخْتِي وَ أَمِّي.»

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

رَوْمَا 6:22

لَاكِنْ هَسَّعْ إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ. وَ النَّتِيجَةْ التَّلْقَوْهَا، هِي الْحَالْ الصَّالْحَةْ وَ هِي تِوَدِّي النَّاسْ لِلْحَيَاةْ الْأَبَدِيَّةْ.

أعمال الرُسُل 20:32

«وَ هَسَّعْ نِأَمِّنْكُو لِلّٰهْ وَ لِكَلَامْ نِعْمَتَهْ الْكَلَّمْتُكُو بَيْهَا. أَشَانْ الْكَلَامْ دَا يَقْدَرْ يِقَوِّي إِيمَانْكُو. وَ بِالْكَلَامْ دَا، تَلْقَوْا الْوَرَثَةْ الْاللّٰهْ يَنْطِيهَا لِكُلَّ النَّاسْ الْخَاصِّيْن لَيَّهْ.

أعمال الرُسُل 15:20

لَاكِنْ خَلِّي نَكْتُبُوا لَيْهُمْ جَوَابْ وَ نُقُولُوا لَيْهُمْ وَاجِبْ يِخَلُّوا مِنْهُمْ كُلَّ شَيّءْ نِجِسْ بِسَبَبْ عِبَادَةْ الْأَصْنَامْ وَ مَا وَاجِبْ يَزْنَوْا وَ مَا يَاكُلُوا لَحَمْ الْفَطِيسْ وَ مَا يَاكُلُوا دَمّ.

يُوحَنَّا 7:17

أَيِّ نَادُمْ كَنْ عِنْدَهْ نِيَّةْ يِسَوِّي كُلَّ شَيّءْ الْاللّٰهْ يِدَوْرَهْ، هُو يَعَرِفْ كَنْ كَلَامِي دَا جَايِ مِنْ اللّٰهْ أَوْ جَايِ مِنِّي أَنَا بَسْ.

عِبْرَانِيِّين 12:16

أَنْقَرْعُوا أَشَانْ نَادُمْ مَا يَبْقَى زَنَّايْ وَلَّا كَافِرْ مِثِلْ عِيسُو الْعِصِي اللّٰهْ. هُو بَاعْ حَقّ الْبُكُورِيَّةْ فِي شَانْ أَكْلَةْ وَاحِدَةْ بَسْ.

رَوْمَا 1:29

وَ قُلُوبْهُمْ أَنْمَلَوْا بِكُلَّ الذُّنُوبْ وَ الْفَسَالَةْ وَ الطَّمَعْ وَ النِّيَّةْ الْفَاسْدَةْ. هُمَّنْ مَلَانِينْ بِالْحُسُدْ وَ الْكَتِلْ وَ الْمُخَاصَمَةْ وَ الْغَشّ وَ الشَّرّ. هُمَّنْ قَوَّالِينْ

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

مَتَّى 5:32

وَ لَاكِنْ أَنَا نُقُولْ لَيْكُو أَيِّ نَادُمْ الْيِطَلِّقْ مَرْتَهْ مَا بِسَبَبْ الزِّنَى، يِسَوِّيهَا زَانِيَةْ. وَ النَّادُمْ الْيَاخُدْ الْمَرَةْ الْمُطَلَّقَةْ، هُو زَانِي.

1 تَسَلونِيكِي 4:2

تَعَرْفُوا الْوَصَايَا الْأَنْطَيْنَاهُمْ لَيْكُو بِأُسُمْ رَبِّنَا عِيسَى.

لاوِيِّين 15:18

وَ كَنْ رَاجِلْ رَقَدْ مَعَ مَرَةْ، هُمَّنْ الْإِتْنَيْن وَاجِبْ يِلْبَرَّدَوْا. وَ بَيْدَا كُلَ، يُكُونُوا نِجْسِينْ لَحَدِّي الْعَشِيَّةْ.