1 تَسَلونِيكِي 4:2 - الكتاب المقدس بالعربي الدارجي هنا تشاد

² تَعَرْفُوا الْوَصَايَا الْأَنْطَيْنَاهُمْ لَيْكُو بِأُسُمْ رَبِّنَا عِيسَى.

1 تَسَلونِيكِي 4:2 Referenca të Kryqëzuara

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

حِزْقِيال 3:17

«يَا إِبْن آدَمْ، أَنَا نُخُطَّكْ حَرَسْ فِي بَنِي إِسْرَائِيلْ. كَنْ سِمِعْت كَلَامْ مِنْ خَشْمِي، تِحَذِّرْهُمْ بَيَّهْ.

2 تَسَلونِيكِي 3:10

وَ وَكِتْ أَنِحْنَ قَاعِدِينْ مَعَاكُو، وَصَّيْنَاكُو وَ قُلْنَا لَيْكُو كَنْ نَادُمْ مَا يِدَوْر يَخْدِمْ، خَلِّي يَابَى الْأَكِلْ كُلَ.

2 تَسَلونِيكِي 3:6

وَ بَتَّانْ يَا أَخْوَانِي، نِوَصُّوكُو بِأُسُمْ الرَّبّ عِيسَى الْمَسِيحْ. أَنْقَرْعُوا مِنْ الْمُؤمِنِينْ الدَّايْماً عَاطِلِينْ وَ مَا يِتَابُعُوا التَّعْلِيمْ الْعَلَّمْنَاهْ لَيْكُو.

1 كُرُنْتُس 9:21

وَ كَنْ أَنَا قَاعِدْ مَعَ النَّاسْ الْمَا يَهُودْ، مَعَنَاتَهْ الْمَا تِحِتْ شُرُوطْ التَّوْرَاةْ، أَنَا نِسَوِّي نَفْسِي مِثِلْهُمْ هُمَّنْ الْمَا قَاعِدِينْ تِحِتْ شُرُوطْ التَّوْرَاةْ لِنِجِيبْهُمْ فِي دَرِبْ النَّجَاةْ لِلنَّاسْ الْمَا تِحِتْ شُرُوطْ التَّوْرَاةْ. وَ بِالصَّحِيحْ، أَنَا مَا أَبَيْت شُرُوطْ اللّٰهْ أَشَانْ أَنَا قَاعِدْ نِتَابِعْ شُرُوطْ الْمَسِيحْ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

1 تَسَلونِيكِي 4:3

الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.