1 تَسَلونِيكِي 4:16 - الكتاب المقدس بالعربي الدارجي هنا تشاد

¹⁶ أَشَانْ الرَّبّ عِيسَى ذَاتَهْ يَنْزِلْ مِنْ السَّمَاءْ وَ يَامُرْ بِحِسّ عَالِي. وَ حِسّ هَنَا كَبِيرْ الْمَلَائِكَةْ يِنْسَمِعْ وَ مَعَايَهْ حِسّ هَنَا بُرُنْجِي اللّٰهْ. وَ أَوَّلْ شَيّءْ، الْمُؤمِنِينْ بِالْمَسِيحْ الْمَيْتِينْ يَبْعَثَوْا.

1 تَسَلونِيكِي 4:16 Referenca të Kryqëzuara

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

1 كُرُنْتُس 15:23

لَاكِنْ أَيِّ نَادُمْ يَبْعَثْ حَسَبْ نِظَامْ اللّٰهْ. أَوَّلْ، الْبِكِرْ بَعَثْ وَ هُو الْمَسِيحْ. وَ بَعَدَيْن فِي يَوْم جَيْتَهْ، كُلَّ نَاسْ هَنَا الْمَسِيحْ يَبْعَثَوْا.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 25:31

«وَكِتْ إِبْن الْإِنْسَانْ يِقَبِّلْ بِقُدُرْتَهْ الْمَجِيدَةْ مَعَ كُلَّ مَلَائِكَتَهْ، هُو يَقْعُدْ فِي كُرْسِي حَقَّهْ وَ دَا الْكُرْسِي الْمَجِيدْ.

2 تَسَلونِيكِي 1:7

وَ هُو يَنْطِي الرَّاحَةْ لَيْكُو إِنْتُو الْقَاعِدِينْ تَتْعَبَوْا وَ يَنْطِيهَا لَيْنَا أَنِحْنَ كُلَ مَعَاكُو. هُو يَنْطِيكُو الرَّاحَةْ وَكِتْ الرَّبّ عِيسَى يِبِينْ نَازِلْ مِنْ السَّمَاءْ مَعَ مَلَائِكَتَهْ الْقَادْرِينْ.

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.

2 تَسَلونِيكِي 2:1

نِدَوْرُوا نِحَجُّوا لَيْكُو بِجَيَّةْ رَبِّنَا عِيسَى الْمَسِيحْ وَ كِكَّيْف اللّٰهْ يِلِمِّنَا مَعَايَهْ. يَا أَخْوَانِي، نِوَصُّوكُو

أعمال الرُسُل 1:11

وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

زَكَرِيَّا 9:14

وَ اللّٰهْ يِبِينْ مِنْ فَوْق لِشَعَبَهْ وَ نُشَّابَهْ يَبْرُقْ مِثِلْ بَرَّاقَةْ. اللّٰهْ الرَّبّ يَضْرُبْ الْبُوقْ وَ يَجِي بِرِيحْ شَدِيدَةْ مِنْ الْجُنُوبْ.

زَبُور 47:5

الرَّبّ أَنْرَفَعْ فِي أُسْط الزَّغْرَاطْ وَ فِي حِسّ الْبُوقْ، اللّٰهْ جَاءْ.

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

خُروج 19:16

وَ فِي الْيَوْم التَّالِتْ بِفَجُرْ، الشَّعَبْ شَافَوْا بَرَّاقَةْ وَ سِمْعَوْا حِسّ هَنَا رَعَدْ وَ شَافَوْا سَحَابَايْ كَبِيرَةْ فِي الْجَبَلْ وَ سِمْعَوْا ضَرِبِينْ شَدِيدْ هَنَا بُوقْ. فِي الْبَكَانْ دَا، كُلَّ الشَّعَبْ الْقَاعِدِينْ فِي الْفَرِيقْ رَجَفَوْا.

رُؤية 8:13

وَ شِفْت بَتَّانْ وَ سِمِعْت حِسّ هَنَا صَقُرْ الْقَاعِدْ يِطِيرْ فِي السَّمَاءْ وَ بِحِسّ شَدِيدْ قَالْ: «عَذَابْ، عَذَابْ! عَذَابْ لِسُكَّانْ الْأَرْض! أَشَانْ التَّلَاتَةْ بُرُنْجِي الْفَضَّلَوْا، قَرِيبْ الْمَلَائِكَةْ يَضُرْبُوهُمْ.»

مَتَّى 26:64

وَ عِيسَى رَدَّ لَيَّهْ وَ قَالْ: «مِثِلْ إِنْتَ قُلْتَهْ. وَ نُقُولْ لَيْكُو يَوْم وَاحِدْ يَجِي تِشِيفُوا إِبْن الْإِنْسَانْ فِي كُرْسِي جَنْب اللّٰهْ الْقَادِرْ فِي نُصَّهْ الزَّيْنَايْ وَ تِشِيفُوهْ جَايِ فِي سَحَابْ السَّمَاءْ.»

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»

يَهُوذَا 1:9

وَ فَكُّرُوا فِي مِكَايِيلْ. هُو كَبِيرْ الْمَلَائِكَةْ وَ لَاكِنْ وَكِتْ هُو قَاعِدْ يِخَالِفْ إِبْلِيسْ وَ يِغَالِطَهْ فِي جَنَازَةْ مُوسَى، هُو مَا دَوَّرْ يُخُطّ فِي إِبْلِيسْ تُهْمَةْ هَنَا كَلَامْ فَسِلْ. فِي بَدَلَهْ، هُو كَلَّمْ لَيَّهْ بَسْ وَ قَالْ: «اللّٰهْ يِعَاقِبَكْ!»

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

رُؤية 1:10

وَ فِي يَوْم الرَّبّ، رُوحْ اللّٰهْ نَزَلْ فَوْقِي وَ سِمِعْت وَرَايِ حِسّ هَنَا نَادُمْ قَاعِدْ يِكَلِّمْ. حِسَّهْ شَدِيدْ مِثِلْ حِسّ الْبُرُنْجِي.

عَدد 23:21

مَا فِي ذَنِبْ فِي ذُرِّيَّةْ يَعْقُوبْ وَ لَا ظُلُمْ فِي بَنِي إِسْرَائِيلْ. اللّٰهْ إِلٰـهُّمْ يُكُونْ مَعَاهُمْ وَ هُمَّنْ يَحْمُدُوا اللّٰهْ مَلِكْهُمْ.

يُوِيل 2:11

اللّٰهْ يَرْفَعْ حِسَّهْ قِدَّامْ دَيْشَهْ وَ عَسْكَرَهْ كُبَارْ وَ شُدَادْ يِطَبُّقُوا كَلَامَهْ. يَوْم اللّٰهْ عَظِيمْ وَ مُخِيفْ مَرَّةْ وَاحِدْ. يَاتُو يَقْدَرْ يَحْمَلَهْ؟

خُروج 20:18

وَكِتْ كُلَّ الشَّعَبْ سِمْعَوْا حِسّ الرَّعَدْ وَ شَافَوْا الْبَرَّاقَةْ وَ سِمْعَوْا حِسّ الْبُوقْ وَ شَافَوْا الْجَبَلْ قَاعِدْ يِدَخِّنْ، هُمَّنْ رَجَفَوْا مِنْ الْخَوْف وَ وَقَفَوْا بَعِيدْ.

زَبُور 47:1

يَا الشَّعَبْ، إِنْتُو كُلُّكُو صَفُّقُوا وَ أَفْرَحَوْا لِلرَّبّ بِزَغْرَاطْ!

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

1 كُرُنْتُس 15:18

وَ بَيْدَا، الْمُؤمِنِينْ بِالْمَسِيحْ الْمَاتَوْا وَدَّرَوْا سَاكِتْ.

1 كُرُنْتُس 15:20

لَاكِنْ بِالصَّحِيحْ، الْمَسِيحْ بَعَثْ مِنْ أُسْط الْمَيْتِينْ. وَ بَيْدَا، هُو يَضْمَنْ كَدَرْ الْمَيْتِينْ يَبْعَثَوْا.

1 تَسَلونِيكِي 1:10

وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

1 تَسَلونِيكِي 3:11

وَ هَسَّعْ، خَلِّي اللّٰهْ أَبُونَا ذَاتَهْ وَ رَبِّنَا عِيسَى يِسَهُّلُوا لَيْنَا الدَّرِبْ أَشَانْ نَجُوكُو.

رُؤية 8:2

وَ فِي الْبَكَانْ دَا، أَنَا شِفْت السَّبْعَةْ مَلَائِكَةْ الْوَاقْفِينْ قِدَّامْ اللّٰهْ. وَ أَنْطَوْهُمْ سَبْعَةْ بُرُنْجِي.