1 تَسَلونِيكِي 4:11 - الكتاب المقدس بالعربي الدارجي هنا تشاد

¹¹ شِيلُوا نِيَّةْ أَشَانْ تِعِيشُوا بِحَالْ هَادِيَةْ. وَ مَا تَدْخُلُوا فِي شُؤُونْ النَّاسْ. أَخْدُمُوا بِدُرَاعْكُو مِثِلْ أَنِحْنَ وَصَّيْنَاكُو بَيَّهْ.

1 تَسَلونِيكِي 4:11 Referenca të Kryqëzuara

أفَسُس 4:28

كَنْ نَادُمْ أَوَّلْ سَرَّاقْ، خَلِّي مَا يَسْرِقْ بَتَّانْ. فِي بَدَلْ السِّرْقَةْ، خَلِّي يَخْدِمْ بِوَغَرَهْ وَ دُرَاعَهْ. وَ مِثِلْ دَا، مِنْ أُجُرْتَهْ يَقْدَرْ يَكْرُبْ نَفْسَهْ وَ يِسَاعِدْ النَّاسْ الْمُحْتَاجِينْ.

جامِعة 4:6

وَ لَاكِنْ إِيدْ وَاحِدَةْ مُنْجَمَّةْ أَخَيْر مِنْ إِيدَيْ إِتْنَيْن يَخْدُمُوا دَايْماً وَ يَجْرُوا وَرَاءْ الرِّيحْ.

1 بُطْرُس 3:4

فِي بَدَلَهْ، أَنْكَرْبَنْ فِي الْجَمَالْ الدَّخْلَانِي وَ هُو جَمَالْ النَّفَسْ الْبَارِدْ وَ الْهُدُوءْ. وَ الْجَمَالْ الدَّخْلَانِي، هُو مِثِلْ حَجَرْ غَالِي الْأَبَداً مَا يَتْلَفْ وَ قِيمْتَهْ كَبِيرَةْ قِدَّامْ اللّٰهْ.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

1 تِمُوتَاوُس 2:2

خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

مَراثِي إرْمِيا 3:26

وَ دَا سَمَحْ كَنْ تَرْجَى بِهُدُوءْ وَ تُخُطّ عَشَمَكْ فِي النَّجَاةْ الْجَايَةْ مِنْ اللّٰهْ.

أمْثال 17:1

أَخَيْر تَاكُلُوا عَيْش قَرْقَاشْ بِالسَّلَامَةْ مِنْ تَاكُلُوا لَحَمْ عُدُرْ بِمُشْكِلَةْ.

1 كُرُنْتُس 4:12

وَ نَخْدُمُوا بِدُرَاعْنَا أَشَانْ نِعِيشُوا. وَكِتْ النَّاسْ يِعَيُّرُونَا، أَنِحْنَ نِبَارُكُوهُمْ. وَكِتْ يِتَعُّبُونَا، أَنِحْنَ نَصْبُرُوا.

1 بُطْرُس 4:15

وَ خَلِّي نَادُمْ مِنْكُو أَبَداً مَا يِتَعُّبُوهْ بِسَبَبْ كَتِلِينْ دِمَّةْ وَلَّا سِرْقَةْ وَلَّا جَرِيمَةْ وَلَّا دَخِلِينْ فِي شُؤُونْ النَّاسْ.

1 تِمُوتَاوُس 5:13

وَ عَوِينْ مِثِلْ دَيْل يَبْقَنْ كَمَانْ عَاطِلَاتْ وَ يُقُمَّنْ يُرُوغَنْ مِنْ بَيْت لِبَيْت. وَ مَا يَبْقَنْ عَاطِلَاتْ بَسْ لَاكِنْ يَبْقَنْ قَوَّالَاتْ وَ يِنْدَسَّنْ فِي الشَّيّءْ الْمَا يُخُصِّهِنْ وَ يِحَجَّنْ بِكَلَامْ الْمَا بِشَابِهْ.

2 كُرُنْتُس 5:9

وَ خَلَاصْ، زِيَادَةْ مِنْ كُلَّ شَيّءْ آخَرْ، نِدَوْرُوا نِسَوُّوا الشَّيّءْ الْيَرْضَى بَيَّهْ رَبِّنَا، كَنْ أَنِحْنَ نَسْكُنُوا فِي الْجِسِمْ الْأَرْضِي وَلَّا نِخَلُّوهْ.

رَوْمَا 12:11

تَابُعُوا رَبِّنَا بِنِيَّةْ وَاحِدَةْ وَ بَلَا كَسَلْ. أَنْكَرْبُوا فِي خِدْمَةْ الرَّبّ.

أعمال الرُسُل 20:35

وَ أَنَا دَايْماً وَصَّفْتُكُو بِالشَّيّءْ السَّوَّيْتَهْ فِي أُسُطْكُو كَدَرْ وَاجِبْ نَخْدُمُوا أَشَانْ نِعَاوُنُوا التَّعْبَانِينْ. وَ مَا وَاجِبْ نَنْسَوْا كَلَامْ رَبِّنَا عِيسَى وَكِتْ قَالْ: ‹فَرْحَةْ هَنَا الْبَنْطِي أَكْبَرْ مِنْ فَرْحَةْ هَنَا الْبِشِيلْ.›»

مَرْخُوس 13:34

أَيْوَى، دَا يَبْقَى مِثِلْ نَادُمْ وَاحِدْ الْيِدَوْر يِسَافِرْ. وَ قُبَّالْ مَا يُقُمّ مِنْ بَيْتَهْ هُو يِكَلِّفْ عَبِيدَهْ بِمَالَهْ وَ أَيِّ وَاحِدْ مِنْهُمْ عِنْدَهْ مَسْؤُولِيَّةْ. وَ سِيدْ الْبَيْت يَامُرَهْ لِحَارِسْ الْبَابْ أَشَانْ يَقْعُدْ وَاعِي فِي الْبَابْ.

رَوْمَا 15:20

وَ عِنْدِي نِيَّةْ دَايْماً أَشَانْ نِبَلِّغْ الْبِشَارَةْ فِي أَيِّ بَكَانْ اللِّسَّاعْ مَا بَلَّغَوْا فَوْقَهْ أُسُمْ الْمَسِيحْ. مَا نِدَوْر نَبْنِي فِي أَسَاسْ الْخَطَّاهْ نَادُمْ آخَرْ.

أعمال الرُسُل 18:3

وَ هُو قَعَدْ فِي بَيْتهُمْ وَ بَدَا يَخْدِمْ مَعَاهُمْ أَشَانْ بُولُسْ كُلَ أُسْطَى فِي نَفْس الْخِدْمَةْ مِثِلْهُمْ. خِدْمِتْهُمْ يِسَوُّوا الْخِيَمْ.

أمْثال 17:14

بِدَايَةْ الْهُرَاجْ مِثِلْ أَلْمِي السَّيْل. قُبَّالْ مَا يَاكُلَكْ، أَمْرُقْ نَفْسَكْ.