1 تَسَلونِيكِي 3:8 - الكتاب المقدس بالعربي الدارجي هنا تشاد

⁸ أَوَّلْ الْهَمّ كَتَلَانَا لَاكِنْ مِنْ سِمِعْنَا إِنْتُو ثَابْتِينْ فِي رَبِّنَا، خَلَاصْ الْحَيَاةْ بِقَتْ لَيْنَا حَلُوَّةْ بَتَّانْ.

1 تَسَلونِيكِي 3:8 Referenca të Kryqëzuara

كُلُوسِي 1:23

وَ دَا كُلَ يَبْقَى لَيْكُو كَنْ تَقْعُدُوا ثَابْتِينْ وَ قَوِيِّينْ فِي الْإِيمَانْ وَ مَا خَلَّيْتُوا عَشَمْكُو الْأَوَّلْ لِقِيتُوهْ وَكِتْ سِمِعْتُوا بِشَارَةْ الْمَسِيحْ. وَ الْبِشَارَةْ دِي، بَلَّغَوْهَا لِكُلَّ مَخْلُوقْ فِي الْأَرْض وَ أَنَا بُولُسْ بِقِيتْ خَدَّامَهْ أَشَانْ نِبَلِّغْ الْبِشَارَةْ لِلنَّاسْ.

1 كُرُنْتُس 16:13

أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ.

رُؤية 3:11

أَنَا نَجِي قَرِيبْ. أَكْرُبْ قَوِي الْإِيمَانْ الْعِنْدَكْ أَشَانْ نَادُمْ مَا يِشِيلْ مِنَّكْ تَاجَكْ هَنَا النَّجَاةْ.

عِبْرَانِيِّين 10:23

خَلِّي نَشْهَدَوْا دَايْماً لِرَبِّنَا الْعَشَمْنَا قَاعِدْ فَوْقَهْ وَ مَا نِشَكُّكُوا أَشَانْ الْأَنْطَانَا الْوَعَدْ، هُو دَايْماً صَادِقْ.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

فِلِبِّي 1:21

أَشَانْ لَيِّ أَنَا، الْحَيَاةْ إِلَّا مَعَ الْمَسِيحْ. وَ الْمَوْت عِنْدَهْ لَيِّ فَايْدَةْ بِزِيَادَةْ.

رُؤية 3:3

وَ أَشَانْ دَا، فَكِّرْ فِي الْكَلَامْ الْأَوَّلْ سِمِعْتَهْ وَ عَلَّمَوْك لَيَّهْ. وَ تَابِعْ الْكَلَامْ دَا وَ تُوبْ مِنْ ذُنُوبَكْ. وَ كَنْ إِنْتَ أَبَيْت مَا قَمَّيْت فَوْق، أَنَا نَجِيكْ بِغَفْلَةْ مِثِلْ جَيَّةْ السَّرَّاقْ وَ نَضُرْبَكْ فِي السَّاعَةْ الْإِنْتَ مَا تَعَرِفْهَا.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

أفَسُس 3:17

وَ خَلِّي الْمَسِيحْ يَسْكُنْ فِي قُلُوبْكُو بِإِيمَانْكُو. وَ خَلِّي الْمَحَبَّةْ تَبْقَى لَيْكُو مِثِلْ قَعَرْ وَ أَسَاسْ لَحَدِّي تِسَوُّوا كُلَّ شَيّءْ بِالْمَحَبَّةْ.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

زَبُور 30:5

أَشَانْ غَضَبَهْ يَقْعُدْ لِوَكِتْ شِيَّةْ وَ لَاكِنْ رِضَايَهْ يَقْعُدْ مُدَّةْ عُمُرْ. بِعَشِيَّةْ، الْبَكِي يَجِي وَ لَاكِنْ بِفَجُرْ، الزَّغْرَاطْ يِنْسَمِعْ.

2 بُطْرُس 3:17

وَ لَيْكُو إِنْتُو يَا أَخْوَانِي النِّحِبُّكُو، تَعَرْفُوا الْكَلَامْ دَا مِنْ أَوَّلْ. وَ أَشَانْ دَا، أَوْعُوا بَالْكُو وَ مَا تِخَلُّوا كِدِبْ الْعَاصِيِينْ يِوَدِّيكُو فِي دَرِبْهُمْ وَ يِتَلِّفْ إِيمَانْكُو الثَّابِتْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

يُوحَنَّا 15:7

كَنْ إِنْتُو تَقْعُدُوا ثَابْتِينْ فِيِي وَ كَلَامِي يَقْعُدْ ثَابِتْ فِي قُلُوبْكُو، أَسْأَلَوْا مِنْ اللّٰهْ أَيِّ شَيّءْ التِّدَوْرُوهْ وَ اللّٰهْ يِسَوِّيهْ لَيْكُو.

يُوحَنَّا 15:4

أَقْعُدُوا ثَابْتِينْ فِيِي وَ أَنَا نَقْعُدْ ثَابِتْ فِيكُو. الْفِرِعْ مَا يَقْدَرْ يَلْدَ وِحَيْدَهْ. الْفِرِعْ يَلْدَ أَشَانْ قَاعِدْ ثَابِتْ فِي الشَّدَرَةْ. وَ إِنْتُو كُلَ مَا تَقْدَرَوْا تِسَوُّوا الشَّيّءْ الْاللّٰهْ يِدَوْرَهْ، إِلَّا كَنْ إِنْتُو تَقْعُدُوا ثَابْتِينْ فِيِي.

1 صَمُوِيل 25:6

‹تِعِيشْ دَايْماً! وَ السَّلَامْ عَلَيْك وَ لِأَهَلَكْ وَ لِكُلَّ مَالَكْ!

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

يُوحَنَّا 8:31

وَ عِيسَى حَجَّى لِلْيَهُودْ الْآمَنَوْا بَيَّهْ وَ قَالْ: «كَنْ تَقْعُدُوا ثَابْتِينْ فِي كَلَامِي، إِنْتُو تَبْقَوْا تَلَامِيذِي بِالصَّحِيحْ.

1 تَسَلونِيكِي 3:7

وَ بِمِثِلْ دَا، يَا أَخْوَانِي، إِنْتُو شَجَّعْتُونَا بِإِيمَانْكُو وَ رَقَّدْتُوا قُلُوبْنَا فِي أُسُطْ تَعَبْنَا وَ صُعُوبَاتْنَا.