1 تَسَلونِيكِي 3:6 - الكتاب المقدس بالعربي الدارجي هنا تشاد

⁶ لَاكِنْ هَسَّعْ بَسْ، تِمُوتَاوُسْ قَبَّلْ مِنْكُو وَ جَابْ لَيْنَا خَبَرْ حَلُو. أَوْرَانَا بِإِيمَانْكُو وَ مَحَبِّتْكُو وَ قَالْ فِكِرْكُو فَوْقنَا دَايْماً فِكِرْ زَيْن وَ إِنْتُو مُشْتَاقِينْ لَيْنَا مِثِلْ أَنِحْنَ مُشْتَاقِينْ لَيْكُو.

1 تَسَلونِيكِي 3:6 Referenca të Kryqëzuara

1 كُرُنْتُس 11:2

وَ أَنَا فَرْحَانْ مِنْكُو أَشَانْ إِنْتُو قَاعِدِينْ تِفَكُّرُوا فَوْقِي وَ تِتَابُعُوا عَدِيلْ الْعَادَاتْ الْعَلَّمْتُهُمْ لَيْكُو.

إشَعْيا 52:7

مَرْحَباً بِجَيَّةْ الْمُرْسَالْ فِي الْجِبَالْ الْيِبَلِّغْ الْبِشَارَةْ وَ يِخَبِّرْ بِالسَّلَامْ وَ الْخَيْر وَ النَّجَاةْ. وَ يُقُولْ لِصَهْيُون: «إِلٰـهْكِ يَحْكِمْ!»

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

أعمال الرُسُل 18:5

وَ وَكِتْ سِيلَا وَ تِمُوتَاوُسْ جَوْا مِنْ بَلَدْ مَقِدُونِيَةْ، بُولُسْ خَلَّى خِدِمْتَهْ وَ قَمَّ يِبَلِّغْ الْبِشَارَةْ كُلَّ يَوْم. وَ يِحَجِّي لِلْيَهُودْ وَ يَشْهَدْ كَدَرْ عِيسَى بَسْ الْمَسِيحْ.

أمْثال 25:25

الْخَبَرْ الْحَلُو الْجَايِ مِنْ بَعِيدْ مِثِلْ الْأَلْمِي الْبَارِدْ فِي لِسَانْ الْعَيَّانْ.

فِلِبِّي 1:8

وَ اللّٰهْ يَشْهَدْ لَيِّ، أَنَا قَرْمَانْ بِلْحَيْن لَيْكُو كُلُّكُو بِمَحَبَّةْ الْمَسِيحْ عِيسَى.

1 يُوحَنَّا 3:23

وَ دِي هِي وَصِيّتَهْ، وَاجِبْ نِآمُنُوا بِأُسُمْ إِبْنَهْ عِيسَى الْمَسِيحْ وَ نِرَّايَدَوْا أَمْبَيْنَاتْنَا مِثِلْ هُو أَمَرَانَا بَيَّهْ.

عِبْرَانِيِّين 13:7

فَكُّرُوا عَدِيلْ فِي كُبَارَاتْكُو الْأَوَّلْ بَلَّغَوْا لَيْكُو كَلَامْ اللّٰهْ. فَكُّرُوا فَوْقهُمْ كِكَّيْف هُمَّنْ عَاشَوْا وَ مَاتَوْا. وَ خَلِّي إِيمَانْكُو يَبْقَى مِثِلْ إِيمَانْهُمْ.

عِبْرَانِيِّين 13:3

فَكُّرُوا فِي أَخْوَانْكُو الْقَاعِدِينْ فِي السِّجِنْ وَ أَجْعَلَوْا نُفُوسْكُو مِثِلْ قَاعِدِينْ مَعَاهُمْ. وَ أَخْوَانْكُو الْقَاعِدِينْ يَحْمَلَوْا التَّعَبْ، فَكُّرُوا فَوْقهُمْ أَشَانْ جِسِمْهُمْ مِثِلْ جِسِمْكُو.

فِلِمُون 1:5

أَشَانْ سِمِعْت خَبَرْ إِيمَانَكْ بِرَبِّنَا عِيسَى وَ بِمَحَبِّتَكْ لِكُلَّ الصَّالِحِينْ.

2 تِمُوتَاوُس 1:3

فِي شَانَكْ إِنْتَ، نَشْكُرْ اللّٰهْ النَّعَبُدَهْ مِثِلْ جُدُودِي عَبَدَوْه بِنِيَّةْ مُخْلِصَةْ وَ نِفَكِّرْ فَوْقَكْ دَايْماً وَكِتْ نَدْعِي لَيْل وَ نَهَارْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

1 تَسَلونِيكِي 2:17

يَا أَخْوَانِي، أَنِحْنَ أَنْفَرَقْنَا مِنْكُو لِوَكِتْ شِيَّةْ. وَ كَنْ أَنِحْنَ مَشَيْنَا بَعِيدْ مِنْكُو كُلَ، قُلُوبْنَا قَاعِدِينْ مَعَاكُو. وَ أَنِحْنَ مُشْتَاقِينْ لَيْكُو بِزِيَادَةْ وَ دَوَّرْنَا نِشِيفُوكُو بَتَّانْ.

1 تَسَلونِيكِي 2:9

يَا أَخْوَانِي، فَكُّرُوا فِي تَعَبْنَا وَ عَمَلْنَا. لَيْل وَ نَهَارْ خَدَمْنَا بِدُرَاعْنَا. مَا دَوَّرْنَا نِكَلُّفُوا نَادُمْ مِنْكُو بَيْنَا وَكِتْ أَنِحْنَ قَاعِدِينْ نِبَلُّغُوا لَيْكُو بِشَارَةْ اللّٰهْ.

كُلُوسِي 4:18

وَ خَلَاصْ، أَنَا ذَاتِي شِلْت الْقَلَمْ وَ نَكْتِبْ: «أَنَا بُولُسْ نِسَلِّمْكُو.» مَا تَنْسَوْا كَدَرْ أَنَا قَاعِدْ فِي السِّجِنْ وَ مُجَنْزَرْ. وَ عَلَيْكُمْ رَحْمَةْ الرَّبّ.

كُلُوسِي 1:4

أَشَانْ سِمِعْنَا بِإِيمَانْكُو فِي الْمَسِيحْ عِيسَى وَ سِمِعْنَا بِحُبُّكُو لِكُلَّ الصَّالِحِينْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

1 كُرُنْتُس 13:13

وَ خَلَاصْ التَّلَاتَةْ الْيَقْعُدُوا دَايْماً، هُمَّنْ الْإِيمَانْ وَ الْعَشَمْ وَ الْمَحَبَّةْ. وَ الْأَكْبَرْ مِنْهُمْ هُو الْمَحَبَّةْ.

أعمال الرُسُل 18:1

وَ بَعَدْ دَا، بُولُسْ مَرَقْ مِنْ مَدِينَةْ أَتِينَا وَ مَشَى فِي مَدِينَةْ كُرُنْتُسْ.

أعمال الرُسُل 16:1

وَ بُولُسْ مَشَى قِدَّامْ لِحِلَّةْ دَرْبَةْ. وَ بَعَدَيْن جَاءْ فِي حِلَّةْ لِسْتَرَةْ. وَ فِي لِسْتَرَةْ، تِلْمِيذْ وَاحِدْ قَاعِدْ أُسْمَهْ تِمُوتَاوُسْ. أَمَّهْ يَهُودِيَّةْ مُؤمِنَةْ بِالْمَسِيحْ وَ أَبُوهْ يُونَانِي.

1 تَسَلونِيكِي 3:7

وَ بِمِثِلْ دَا، يَا أَخْوَانِي، إِنْتُو شَجَّعْتُونَا بِإِيمَانْكُو وَ رَقَّدْتُوا قُلُوبْنَا فِي أُسُطْ تَعَبْنَا وَ صُعُوبَاتْنَا.