1 تَسَلونِيكِي 3:12 - الكتاب المقدس بالعربي الدارجي هنا تشاد

¹² وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

1 تَسَلونِيكِي 3:12 Referenca të Kryqëzuara

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

مَتَّى 22:39

وَ الْوَصِيَّةْ التَّانِيَةْ تِشَابِهَّا وَ دِي هِي: <حِبّ أَخُوكْ مِثِلْ تِحِبّ نَفْسَكْ.>

1 تَسَلونِيكِي 5:15

أَنْقَرْعُوا، نَادُمْ مِنْكُو مَا يِسَوِّي شَيّءْ فَسِلْ لِلنَّاسْ السَّوَّوْا لَيَّهْ شَيّءْ فَسِلْ. شِيلُوا نِيَّةْ أَشَانْ تِسَوُّوا دَايْماً الْخَيْر أَمْبَيْنَاتْكُو وَ لِكُلَّ النَّاسْ.

رَوْمَا 13:8

مَا تِخَلُّوا الدَّيْن يَقْعُدْ فَوْقكُو. دَيْن وَاحِدْ بَسْ قَاعِدْ فَوْقكُو وَ هُو الْمَحَبَّةْ أَمْبَيْنَاتْكُو. وَ النَّادُمْ الْيِحِبّ أَخُوهْ، هُو طَبَّقْ شُرُوطْ التَّوْرَاةْ خَلَاصْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

1 تَسَلونِيكِي 2:8

أَنِحْنَ قَاعِدِينْ نِحِنُّوا فَوْقكُو وَ أَشَانْ دَا، دَوَّرْنَا نَنْطُوكُو بِشَارَةْ اللّٰهْ. وَ زِيَادَةْ مِنْ دَا، دَوَّرْنَا نَنْطُوكُو نُفُوسْنَا أَشَانْ نِحِبُّوكُو بِلْحَيْن.

2 بُطْرُس 1:7

وَ تِزِيدُوا فِي التَّقْوَى، الْخُوَّةْ. وَ تِزِيدُوا فِي الْخُوَّةْ، الْمَحَبَّةْ.

مَتَّى 7:12

«وَ خَلَاصْ، الشَّيّءْ التِّدَوْرُوا النَّاسْ يِسَوُّوهْ لَيْكُو، دَا بَسْ الشَّيّءْ الْوَاجِبْ تِسَوُّوهْ لِلنَّاسْ. وَ دِي بَسْ زِبْدَةْ كَلَامْ التَّوْرَاةْ وَ الْأَنْبِيَاء.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

يَعْقُوب 1:17

كُلَّ شَيّءْ الْعَدِيلْ وَ كُلَّ شَيّءْ التَّمَامْ جَايِ مِنْ اللّٰهْ بَسْ وَ يَنْزِلْ مِنْ اللّٰهْ خَالِقْ الْأَنْوَارْ الْفِي السَّمَاءْ. وَ هُو مَا يِلْغَيَّرْ أَبَداً وَ مَا يِلْحَوَّلْ مِثِلْ الضُّلّ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

لُوقا 17:5

وَ الرُّسُلْ حَجَّوْا لِلرَّبّ عِيسَى وَ قَالَوْا: «زِيدْ لَيْنَا الْإِيمَانْ.»

زَبُور 115:4

وَ لَاكِنْ أَصْنَامْهُمْ مِنْ فُضَّةْ وَ دَهَبْ الصَّنَعَوْهُمْ النَّاسْ بِإِيدَيْهُمْ.

2 كُرُنْتُس 9:10

وَ اللّٰهْ الْيَنْطِي التَّيْرَابْ لِلْحَرَّاتِي وَ مَعَاشْ لِلنَّاسْ، هُو يِكَتِّرْ لَيْكُو تَيْرَابْكُو أَشَانْ تَلْقَوْا كَتِيرْ وَ تَنْطُوا زِيَادَةْ وَ يِزِيدْكُو بَرَكَةْ.