1 تَسَلونِيكِي 3:10 - الكتاب المقدس بالعربي الدارجي هنا تشاد

¹⁰ لَيْل وَ نَهَارْ نَسْأَلَوْا اللّٰهْ بِشِدَّةْ أَشَانْ يِلِمِّنَا بَتَّانْ مَعَاكُو وَ نِزِيدُوا لَيْكُو كُلَّ شَيّءْ اللِّسَّاعْ مُقَصِّرْ لَيْكُو فِي إِيمَانْكُو.

1 تَسَلونِيكِي 3:10 Referenca të Kryqëzuara

2 كُرُنْتُس 13:9

وَ كَنْ أَنِحْنَ مَا عِنْدِنَا قُدْرَةْ وَ إِنْتُو بَسْ عِنْدُكُو، خَلَاصْ أَنِحْنَ فَرْحَانِينْ. وَ نَسْأَلَوْا اللّٰهْ لَيْكُو أَشَانْ إِنْتُو تَبْقَوْا مُؤمِنِينْ كَامِلِينْ.

1 تَسَلونِيكِي 3:11

وَ هَسَّعْ، خَلِّي اللّٰهْ أَبُونَا ذَاتَهْ وَ رَبِّنَا عِيسَى يِسَهُّلُوا لَيْنَا الدَّرِبْ أَشَانْ نَجُوكُو.

2 كُرُنْتُس 1:24

وَ مَا نَعَصُرُوكُو فِي الشَّيّءْ الْبُخُصّ إِيمَانْكُو أَشَانْ نَعَرْفُوا كَدَرْ إِنْتُو ثَابْتِينْ فِي الْإِيمَانْ. لَاكِنْ، أَخَيْر لَيْنَا نَخْدُمُوا مَعَاكُو أَشَانْ فَرْحِتْكُو تِزِيدْ.

2 تِمُوتَاوُس 1:3

فِي شَانَكْ إِنْتَ، نَشْكُرْ اللّٰهْ النَّعَبُدَهْ مِثِلْ جُدُودِي عَبَدَوْه بِنِيَّةْ مُخْلِصَةْ وَ نِفَكِّرْ فَوْقَكْ دَايْماً وَكِتْ نَدْعِي لَيْل وَ نَهَارْ.

2 تَسَلونِيكِي 1:11

وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

فِلِبِّي 1:25

وَ دَا، بِقِي لَيِّ وَاضِحْ. كَنْ مَا نُمُوتْ يَبْقَى لَيْكُو أَخَيْر. وَ خَلَاصْ، نَعَرِفْ كَدَرْ نَقْعُدْ حَيّ مَعَاكُو سَوَا أَشَانْ إِنْتُو تَبْقَوْا قَوِيِّينْ وَ فَرْحَانِينْ فِي الْإِيمَانْ بِزِيَادَةْ.

2 كُرُنْتُس 1:15

وَ أَكِيدْ، عَشَمِي فَوْقكُو بِقِي قَوِي. وَ أَشَانْ دَا، دَوَّرْت نَمْشِي لَيْكُو طَوَّالِي وَ نُزُورْكُو وَ تَلْقَوْا رَحْمَةْ مَرَّتَيْن.

أعمال الرُسُل 26:7

وَ قَبَايِلْنَا الْأَتْنَا عَشَرْ قَاعِدِينْ يَعَبُدُوا اللّٰهْ بِشِدَّةْ لَيْل وَ نَهَارْ أَشَانْ هُمَّنْ مُؤمِنِينْ بِالْبُعَاثْ وَ يِدَوْرُوا اللّٰهْ يِتِمّ لَيْهُمْ كَلَامَهْ. وَ هَسَّعْ، بِسَبَبْ كَلَامِي فِي الْبُعَاثْ بَسْ، الْيَهُودْ قَاعِدِينْ يَتْهَمَوْنِي، يَا السَّيِّدْ الْمَلِكْ.

فِلِمُون 1:22

وَ مَعَ الْكَلَامْ دَا، نُقُولْ لَيْك جَهِّزْ لَيِّ بَكَانْ فِي بَيْتَكْ أَشَانْ نَجِي نَقْعُدْ مَعَاكْ. نَرْجَى اللّٰهْ يَسْمَعْ دُعَاكُو فِي شَانِي وَ يَطُلْقُونِي قَرِيبْ.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

كُلُوسِي 1:28

وَ نِبَلُّغُوا النَّاسْ بِالْمَسِيحْ. وَ نِخَبُّرُوا أَيِّ نَادُمْ وَ نِعَلُّمُوا أَيِّ نَادُمْ بِكُلِّ حِكْمَةْ أَشَانْ أَيِّ إِنْسَانْ يُكُونْ كَامِلْ فِي الْمَسِيحْ.

لُوقا 2:37

وَ بَتَّانْ مَا أَخَدَتْ رَاجِلْ وَ عِنْدَهَا 84 سَنَةْ وَ قَاعِدَةْ دَايْماً فِي فَضَايَةْ بَيْت اللّٰهْ. وَ قَاعِدَةْ تَعَبُدْ اللّٰهْ لَيْل وَ نَهَارْ بِالصَّلَاةْ وَ الصِّيَامْ.

رُؤية 4:8

وَ أَيِّ وَاحِدْ مِنْ الْأَرْبَعَةْ مَخْلُوقِينْ السَّمَاوِيِّينْ دَوْل عِنْدَهْ سِتَّةْ جَنَاحَيْ مَلَانِينْ بِعُيُونْ مِنْ فَوْق وَ مِنْ تِحِتْ. وَ قَاعِدِينْ يِغَنُّوا دَايْماً لَيْل وَ نَهَارْ وَ أَبَداً مَا خَلَّوْا غِنَيْهُمْ. وَ قَاعِدِينْ يُقُولُوا: «قُدُّوسْ، قُدُّوسْ، قُدُّوسْ اللّٰهْ الرَّبّ الْقَادِرْ الْقَاعِدْ فِي الْوَكِتْ الْفَاتْ وَ فِي الْوَكِتْ الْحَاضِرْ وَ فِي الْوَكِتْ الْجَايِ.»

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

رُؤية 7:15

أَشَانْ دَا بَسْ، هُمَّنْ وَاقْفِينْ قِدَّامْ عَرْش اللّٰهْ وَ يَعَبُدُوهْ لَيْل وَ نَهَارْ فِي بَيْتَهْ هَنَا الْعِبَادَةْ. وَ الْقَاعِدْ فِي الْعَرْش يِشِيلْ مَسْؤُولِيِّتْهُمْ.

1 صَمُوِيل 12:23

وَ كَنْ لَيِّ أَنَا، مَا نِوَقِّفْ الدُّعَا فِي شَانْكُو أَشَانْ كَنْ أَنَا وَقَّفْتَهْ، دَا ذَنِبْ ضِدّ اللّٰهْ. وَ وَاجِبْ نِوَصِّفْكُو الدَّرِبْ السَّمَحْ وَ الْعَدِيلْ.