1 تَسَلونِيكِي 3:1 - الكتاب المقدس بالعربي الدارجي هنا تشاد

¹ أَيْوَى، أَنِحْنَ مُشْتَاقِينْ لَيْكُو. وَ وَكِتْ فَقَدْنَا صَبُرْنَا خَلَاصْ، شِلْنَا نِيَّةْ أَشَانْ نَقْعُدُوا وِحَيْدنَا فِي مَدِينَةْ أَتِينَا.

1 تَسَلونِيكِي 3:1 Referenca të Kryqëzuara

أعمال الرُسُل 17:15

وَ الْأَخْوَانْ رَافَقَوْا بُولُسْ لَحَدِّي وِصْلَوْا فِي مَدِينَةْ أَتِينَا وَ خَلَاصْ قَبَّلَوْا حِلِّتْهُمْ. وَ بُولُسْ وَكَّلَاهُمْ أَشَانْ سِيلَا وَ تِمُوتَاوُسْ يَجُوا لَيَّهْ عَجَلَةْ.

1 تَسَلونِيكِي 3:5

أَشَانْ دَا، وَكِتْ فَقَدْت الصَّبُرْ مَرَّةْ وَاحِدْ، رَسَّلْت لَيْكُو تِمُوتَاوُسْ أَشَانْ نِدَوْر نَعَرِفْ كَنْ إِنْتُو ثَابْتِينْ فِي إِيمَانْكُو وَلَّا لَا. وَ فِي الْوَكِتْ دَاكْ، أَنَا قَاعِدْ نِهِمّ لَيْكُو. فِي فِكْرِي، أَكُونْ إِبْلِيسْ الْيِجَرِّبْ النَّاسْ أَنَّصَرْ فَوْقكُو وَ التَّعَبْ الْأَنَا تِعِبْتَهْ فَوْقكُو مَشَى فِي الرِّيحْ سَاكِتْ.

1 تَسَلونِيكِي 2:17

يَا أَخْوَانِي، أَنِحْنَ أَنْفَرَقْنَا مِنْكُو لِوَكِتْ شِيَّةْ. وَ كَنْ أَنِحْنَ مَشَيْنَا بَعِيدْ مِنْكُو كُلَ، قُلُوبْنَا قَاعِدِينْ مَعَاكُو. وَ أَنِحْنَ مُشْتَاقِينْ لَيْكُو بِزِيَادَةْ وَ دَوَّرْنَا نِشِيفُوكُو بَتَّانْ.

2 كُرُنْتُس 2:13

لَاكِنْ قَلْبِي مُعَلَّقْ بِلْحَيْن أَشَانْ أَخُويِ تِيطُسْ الْوَاجِبْ يَجِي قِدَّامِي مِنْ بَكَانْكُو، أَنَا مَا شِفْتَهْ. وَ أَشَانْ دَا بَسْ، قَمَّيْت مِنْ الْأَخْوَانْ الْفِي تُرُوَاسْ وَ مَشَيْت لِمَقِدُونِيَةْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 44:22

اللّٰهْ أَبَى مَا يَحْمَلَهْ بَتَّانْ بِسَبَبْ عَمَلْكُو الْفَسِلْ وَ الْمُحَرَّمَاتْ السَّوَّيْتُوهُمْ. وَ فِي شَانْ دَا، بَلَدْكُو بِقَتْ كَوْم هَنَا تُرَابْ وَ خَرَابْ وَ مَلْعُونْ وَ فَاضِيَةْ مِنْ سُكَّانْهَا لَحَدِّي الْيَوْم.

أعمال الرُسُل 17:16

وَ وَكِتْ بُولُسْ قَاعِدْ يَرْجَاهُمْ فِي مَدِينَةْ أَتِينَا، هُو شَافْ أَصْنَامْ فِي أَيِّ بَكَانْ. وَ دَا بِقِي لَيَّهْ قَاسِي بِلْحَيْن.