1 تَسَلونِيكِي 2:7 - الكتاب المقدس بالعربي الدارجي هنا تشاد

⁷ أَنِحْنَ رُسُلْ الْمَسِيحْ وَ عِنْدِنَا حَقّ لِنَطُلْبُوا مِنْكُو شَيّءْ كَتِيرْ، لَاكِنْ أَنِحْنَ مَا شِلْنَا مِنْكُو شَيّءْ. وَكِتْ أَنِحْنَ قَاعِدِينْ فِي أُسُطْكُو، حَنَّيْنَا فَوْقكُو مِثِلْ الْأَمّ التِّحِنّ فِي عِيَالْهَا.

1 تَسَلونِيكِي 2:7 Referenca të Kryqëzuara

1 تَسَلونِيكِي 2:11

وَ تَعَرْفُوا كَدَرْ أَنِحْنَ بِقِينَا مَعَ أَيِّ نَادُمْ مِنْكُو مِثِلْ الْأَبُو مَعَ عِيَالَهْ.

إشَعْيا 66:13

وَ مِثِلْ أَمّ تِصَبِّرْ وِلَيْدهَا، أَنَا كُلَ نِصَبِّرْكُو. أَيْوَى! فِي مَدِينَةْ الْقُدُسْ تَصْبُرُوا.»

إشَعْيا 49:23

وَ مُلُوكْ يِرَبُّوهُمْ وَ مَيَارِمْ يِرَضِّعَنْهُمْ. يَقَعَوْا فِي الْأَرْض وَ يَسْجُدُوا قِدَّامْكِ وَ يَلْحَسَوْا عَجَاجْ رِجِلَيْنكِ. وَ بَيْدَا، إِنْتِ تَعَرْفِي كَدَرْ أَنَا بَسْ اللّٰهْ وَ الْيُخُطّ عَشَمَهْ فَوْقِي، مَا يَلْقَى عَيْب.»

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

1 كُرُنْتُس 9:22

وَ كَنْ أَنَا قَاعِدْ مَعَ النَّاسْ الْمَا عِنْدُهُمْ قُدْرَةْ، أَنَا كُلَ نِسَوِّي نَفْسِي نَادُمْ الْمَا عِنْدَهْ قُدْرَةْ لِنِجِيبْ الْمَا عِنْدُهُمْ قُدْرَةْ فِي دَرِبْ النَّجَاةْ. أَنَا نِسَوِّي نَفْسِي مِثِلْ أَيِّ نَادُمْ فِي أَيِّ حَالْ لِنِنَجِّي وَاحِدِينْ مِنْهُمْ بِأَيِّ دَلِيلْ.

2 كُرُنْتُس 13:4

صَحِيحْ، الْمَسِيحْ خَلَّى مِنَّهْ الْقُدْرَةْ وَ مَاتْ فِي الصَّلِيبْ لَاكِنْ هُو حَيّ بِقُدْرَةْ اللّٰهْ. وَ فِي عَلَاقِتْنَا مَعَايَهْ، أَنِحْنَ مَا عِنْدِنَا قُدْرَةْ لَاكِنْ نَحْيَوْا مَعَايَهْ بِقُدْرَةْ اللّٰهْ. وَ الْقُدْرَةْ دِي، أَنِحْنَ نِوَصُّفُوهَا لَيْكُو.

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

عَدد 11:12

كُلَّ النَّاسْ دَوْل، أَنَا بَسْ وِلِدْتُهُمْ وَلَّا؟ وَ مَالَا تَامُرْنِي وَ تُقُولْ لَيِّ: ‹أَحْضِنْهُمْ فِي صَدْرَكْ مِثِلْ الْأَمّ تَحْضِنْ صَغِيرْهَا، لَحَدِّي تِوَدِّيهُمْ فِي الْأَرْض الْأَنَا وَاعَدْت بَيْهَا جُدُودْهُمْ.›

1 كُرُنْتُس 2:3

وَ أَنَا فَاقِدْ الْقُدْرَةْ وَكِتْ أَنَا قَاعِدْ مَعَاكُو وَ خَايِفْ بِلْحَيْن.

أعمال الرُسُل 13:18

وَ اللّٰهْ عَيَّشَاهُمْ فِي الصَّحَرَاءْ قَرِيبْ 40 سَنَةْ.

غَلاطِية 4:19

يَا عِيَالِي النِّحِبُّكُو، أَنَا بِقِيتْ مِثِلْ أَمُّكُو الْقَاعِدَةْ نَلْدَاكُو مَرَّةْ تَانِيَةْ. أَنَا قَاعِدْ نَتْعَبْ فِي الطَّلَقَةْ لَحَدِّي تَبْقَوْا ثَابْتِينْ فِي الْمَسِيحْ.