1 تَسَلونِيكِي 2:4 - الكتاب المقدس بالعربي الدارجي هنا تشاد

⁴ بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

1 تَسَلونِيكِي 2:4 Referenca të Kryqëzuara

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

رَوْمَا 8:27

وَ اللّٰهْ الْيِشِيفْ قُلُوبْ النَّاسْ، يَعَرِفْ نِيَّةْ الرُّوحْ الْقُدُّوسْ أَشَانْ الرُّوحْ الْقُدُّوسْ يِلْوَسَّطْ لِلصَّالِحِينْ حَسَبْ الْيِدَوْرَهْ اللّٰهْ.

غَلاطِية 2:7

بِالْعَكْس، بِقِي لَيْهُمْ وَاضِحْ كَدَرْ اللّٰهْ كَلَّفَانِي بِبَلِّغِينْ بِشَارَةْ الْمَسِيحْ لِلنَّاسْ الْمَا يَهُودْ مِثِلْ هُو كَلَّفْ بُطْرُسْ بِبَلِّغِينْ بِشَارَةْ الْمَسِيحْ لِلْيَهُودْ.

2 تِمُوتَاوُس 1:14

كَلَامْ الْحَقّ، هُو أَمَانَةْ مِنْ اللّٰهْ. أَحْفَضَهْ بِقُدْرَةْ الرُّوحْ الْقُدُّوسْ الْقَاعِدْ فِي أُسُطْنَا.

زَبُور 17:3

إِنْتَ كَشَفْت قَلْبِي وَ بِاللَّيْل، رَاقَبْتِنِي وَ جَرَّبْتِنِي وَ لَاكِنْ مَا لِقِيتْ فَوْقِي شَيّءْ فَسِلْ. حَتَّى كَنْ أَنَا فَكَّرْت فِي الْفَسَالَةْ كُلَ، مَا مَرَقْتَهَا مِنْ خَشْمِي.

أفَسُس 6:6

أَخْدُمُوا لَيْهُمْ مَا فِي شَانْ هُمَّنْ قَاعِدِينْ يِشِيفُوكُو بَسْ. مَا تُخُطُّوا بَالْكُو فِي شُكُرْ النَّاسْ. لَاكِنْ خُطُّوا فِي فِكِرْكُو إِنْتُو عَبِيدْ لِلْمَسِيحْ وَ سَوُّوا الْيِدَوْرَهْ اللّٰهْ بِنِيَّةْ مُخْلِصَةْ.

تِيطُس 1:3

وَ فِي الْوَكِتْ الْاللّٰهْ حَدَّدَهْ، هُو نَزَّلْ كَلَامَهْ فِي الْمَسِيحْ. وَ اللّٰهْ مُنَجِّينَا كَلَّفَانِي بِالْكَلَامْ دَا وَ أَمَرَانِي أَشَانْ نِبَلِّغَهْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

2 كُرُنْتُس 4:2

وَ أَنِحْنَ أَبَيْنَا مَا تَابَعْنَا الْحَالْ التِّجِيبْ الْعَيْب وَ لَا الذُّنُوبْ الْيِسَوُّوهُمْ النَّاسْ بِعَشِيرْ. نَابَوْا مَا نِسَوُّوا شَيّءْ بِنَجَاضَةْ وَ أَبَداً مَا نِبَدُّلُوا كَلَامْ اللّٰهْ. لَا. لَاكِنْ قِدَّامْ اللّٰهْ نِكَلُّمُوا الْحَقّ بِكَلَامْ وَاضِحْ وَ نِخَلُّوا قَلِبْ هَنَا أَيِّ نَادُمْ يَشْهَدْ لِحَالْنَا الْعَدِيلَةْ.

إرْمِيا 32:19

إِنْتَ الْمُسْتَشَارْ الْعَظِيمْ وَ قَادِرْ فِي الْعَمَلْ. وَ إِنْتَ تِرَاقِبْ أَيِّ إِنْسَانْ وَ تِكَافِي أَيِّ وَاحِدْ حَسَبْ دَرْبَهْ وَ حَسَبْ نَتِيجَةْ عَمَلَهْ.

1 أخبار 29:17

وَ أَنَا نَعَرِفْ، يَا إِلٰـهِي، كَدَرْ إِنْتَ تَكْشِفْ الْفِي الْقَلِبْ وَ تِحِبّ الْعَدَالَةْ. وَ بِنِيَّةْ وَاحِدَةْ، أَنَا قَدَّمْت لَيْك كُلَّ الْأَشْيَاءْ دَوْل. وَ هَسَّعْ، دَاهُو شَعَبَكْ لَمَّوْا بِفَرْحَةْ وَ قَاعِدِينْ يِقَدُّمُوا لَيْك بِنِيَّةْ وَاحِدَةْ الْهَدَايَا دَوْل.

1 كُرُنْتُس 9:17

كَنْ نِسَوِّي الْخِدْمَةْ دِي أَشَانْ أَنَا نِدَوْرهَا بَسْ، الْأُجْرَةْ وَاجْبَةْ لَيِّ. لَاكِنْ أَنَا مَا عَزَلْت الْخِدْمَةْ دِي بِنِيّتِي. اللّٰهْ بَسْ كَلَّفَانِي بَيْهَا.

لُوقا 16:11

وَ كَنْ أَوَّلْ إِنْتُو مَا أَمِينِينْ فِي مَالْ هَنَا الدُّنْيَا دِي، كِكَّيْف اللّٰهْ يِكَلِّفْكُو بِشُغُلْ عِنْدَهْ قِيمَةْ زِيَادَةْ مِنَّهْ؟

أمْثال 17:3

بِالنَّارْ، الصَّيَّاغِي يِصَفِّي الدَّهَبْ وَ الْفُضَّةْ وَ لَاكِنْ الْفِي قُلُوبْ النَّاسْ، اللّٰهْ بَسْ يَكْشِفَهْ.

1 مُلوك 8:39

خَلَاصْ مِنْ السَّمَاءْ، الْبَكَانْ الْإِنْتَ سَاكِنْ فَوْقَهْ، أَسْمَعْ وَ أَغْفِرْ لَيْهُمْ ذُنُوبْهُمْ وَ أَحْكِمْ وَ سَوِّي فَوْق أَيِّ وَاحِدْ حَسَبْ عَمَلَهْ أَشَانْ إِنْتَ تَعَرِفْ قَلْبَهْ. وَ إِنْتَ بَسْ التَّعَرِفْ قَلِبْ هَنَا أَيِّ نَادُمْ.

عَدد 27:16

«إِنْتَ اللّٰهْ الرَّبّ التَّمْلُكْ فِي كُلَّ مَخْلُوقْ حَيّ. كَلِّفْ نَادُمْ فِي رَاسْ بَنِي إِسْرَائِيلْ دَوْل.

رُؤية 2:23

وَ نَضْرُبْ تَلَامِيذْهَا وَ يُمُوتُوا. وَ بَيْدَا، كُلَّ جَمَاعَاتْ الْمُؤمِنِينْ يَعَرْفُوا كَدَرْ أَنَا نَكْشِفْ قَلِبْ هَنَا أَيِّ نَادُمْ وَ نَعَرِفْ فِكْرَهْ. وَ يَعَرْفُوا كَدَرْ أَيِّ وَاحِدْ مِنْكُو نِجَازِيهْ.

عِبْرَانِيِّين 4:13

وَ مَا فِي شَيّءْ فِي كُلَّ الْخَلِيقَةْ الْمُلَبَّدْ لِلّٰهْ. كُلَّ شَيّءْ مُكْشُوفْ وَ وَاضِحْ قِدَّامَهْ هُو بَسْ. وَ وَاجِبْ لَيْنَا أَنِحْنَ كُلِّنَا نَجُوا بِأَعْمَالْنَا أَشَانْ هُو يِحَاسِبْنَا.

1 تِمُوتَاوُس 6:20

يَا تِمُوتَاوُسْ، أَحْفَضْ الْأَمَانَةْ الْاللّٰهْ أَنْطَاهَا لَيْك. أَنْقَرِعْ مِنْ الْكَلَامْ الْمَا يَنْفَعْ وَ الْكَلَامْ الْيِخَالِفْ الْحَقّ وَ دَا الْكَلَامْ الْيُقُولُوا هُو عِلِمْ، لَاكِنْ هُو دَا بَسْ الْكِدِبْ.

كُلُوسِي 3:22

يَا الْعَبِيدْ، فِي كُلَّ شَيّءْ تَابُعُوا كَلَامْ النَّاسْ الْفِي الدُّنْيَا دِي، هُمَّنْ سِيَادْكُو. تَابُعُوا كَلَامْهُمْ دَايْماً وَ مَا وَكِتْ هُمَّنْ قَاعِدِينْ يِشِيفُوكُو بَسْ وَ لَا وَكِتْ تِدَوْرُوا مِنْهُمْ الشُّكُرْ. لَاكِنْ تَابُعُوا كَلَامْهُمْ بِقَلِبْ مُخْلِصْ أَشَانْ رَبِّنَا هُو سِيدْكُو الْإِنْتُو خَايْفِينْ مِنَّهْ.

2 كُرُنْتُس 5:11

وَ نَعَرْفُوا الْخَوْف مِنْ رَبِّنَا وَ أَشَانْ دَا، نِدَوْرُوا نِجِيبُوا النَّاسْ فِي الدَّرِبْ. اللّٰهْ يَعَرِفْ حَالْنَا مَرَّةْ وَاحِدْ وَ نِتْمَنَّى كَدَرْ إِنْتُو كُلَ تَعَرْفُوهَا فِي قُلُوبْكُو.

إرْمِيا 17:10

إِلَّا أَنَا اللّٰهْ نِجَرِّبْ قَلِبْ الْإِنْسَانْ وَ نَكْشِفْ دَاخِلَهْ. وَ نِكَفِّيهْ نَتِيجَةْ عَمَلَهْ حَسَبْ دَرْبَهْ الْيِشِيلَهْ.

زَبُور 44:21

الرَّبّ مَا يَعَرْفَهْ وَلَّا؟ هُو يَعَرِفْ أَسْرَارْ الْقُلُوبْ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

2 كُرُنْتُس 5:16

أَشَانْ دَا، مِنْ الْيَوْم لِقِدَّامْ مَا نِفَكُّرُوا فِي أَيِّ نَادُمْ مِثِلْ النَّاسْ يِفَكُّرُوا فَوْقَهْ. أَوَّلْ أَنِحْنَ فَكَّرْنَا فِي الْمَسِيحْ مِثِلْ النَّاسْ. لَاكِنْ أَبَداً مَا نِفَكُّرُوا فَوْقَهْ بَتَّانْ مِثِلْ دَا.

1 كُرُنْتُس 7:25

وَ فِي الشَّيّءْ الْبُخُصّ النَّاسْ اللِّسَّاعْ مَا أَخَدَوْا، مَا عِنْدِي وَصِيَّةْ مِنْ رَبِّنَا. لَاكِنْ اللّٰهْ رَحَمَانِي وَ جَعَلَانِي نَادُمْ صَادِقْ وَ أَشَانْ دَا نُقُولْ لَيْكُو فِكْرِي.

يُوحَنَّا 21:17

وَ مَرَّةْ تَالْتَةْ عِيسَى سَأَلَهْ وَ قَالْ: «سِمْعَانْ وِلَيْد يُوحَنَّا، تِحِبِّنِي وَلَّا؟» وَ بِقِي لِسِمْعَانْ بُطْرُسْ قَاسِي بِلْحَيْن أَشَانْ تَلَاتَةْ مَرَّاتْ عِيسَى سَأَلَهْ وَ قَالْ: «تِحِبِّنِي وَلَّا؟» وَ بُطْرُسْ رَدَّ لَيَّهْ وَ قَالْ: «سَيِّدْنَا، تَعَرِفْ كُلَّ شَيّءْ. وَ تَعَرِفْ نِحِبَّكْ.» وَ عِيسَى قَالْ لَيَّهْ: «أَسْرَحْ بِغَنَمِي.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

زَبُور 7:9

وَقِّفْ فَسَالَةْ الْعَاصِيِينْ! وَ ثَبِّتْ نَاسْ الصَّالِحِينْ! يَا الْإِلٰـهْ الصَّادِقْ! إِنْتَ التَّكْشِفْ الْقَلِبْ وَ فِكِرْ الْإِنْسَانْ.

زَبُور 139:23

يَا رَبّ! أَكْشِفْ دَاخِلِي وَ أَعَرِفْ قَلْبِي وَ جَرِّبْنِي وَ أَعَرِفْ هَمِّي.

2 كُرُنْتُس 2:17

نَاسْ كَتِيرِينْ قَاعِدِينْ يِخَلْبُطُوا كَلَامْ اللّٰهْ وَ يِتَاجُرُوا بَيَّهْ وَ أَنِحْنَ مَا مِثِلْهُمْ. أَنِحْنَ نِكَلُّمُوا بِنِيَّةْ مُخْلِصَةْ. أَنِحْنَ نَاسْ الْمَسِيحْ وَ اللّٰهْ رَسَّلَانَا وَ قِدَّامْ اللّٰهْ نِكَلُّمُوا لِلنَّاسْ.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

2 مُلوك 16:16

وَ أُرِيَّا رَاجِلْ الدِّينْ سَوَّى كُلَّ شَيّءْ الْأَمَرَهْ بَيَّهْ الْمَلِكْ أَحَازْ.