1 تَسَلونِيكِي 2:2 - الكتاب المقدس بالعربي الدارجي هنا تشاد

² تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

1 تَسَلونِيكِي 2:2 Referenca të Kryqëzuara

أعمال الرُسُل 4:13

وَ نَاسْ الْمَجْلَسْ أَلْعَجَّبَوْا أَشَانْ بُطْرُسْ وَ يُوحَنَّا هُمَّنْ نَاسْ حِلَّةْ بَسْ وَ مَا عُلَمَاءْ وَ لَاكِنْ كَلَّمَوْا لِلْمَجْلَسْ بَلَا خَوْف. وَ عِرْفَوْا كَدَرْ بُطْرُسْ وَ يُوحَنَّا أَوَّلْ رَايْغِينْ مَعَ عِيسَى.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

أعمال الرُسُل 16:37

لَاكِنْ بُولُسْ أَبَى وَ قَالْ: «دَقَّوْنَا قِدَّامْ النَّاسْ بَلَا شَرِيعَةْ وَ دَسَّوْنَا فِي السِّجِنْ! وَ أَنِحْنَ عِنْدِنَا جِنْسِيَّةْ رَوْمَانِيَةْ. وَ هَسَّعْ يِدَوْرُوا يَطُلْقُونَا بِعَشِيرْ؟ أَبَداً! خَلِّي هُمَّنْ ذَاتْهُمْ يَجُوا هِنِي وَ يَطُلْقُونَا!»

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

كُلُوسِي 2:1

وَ نِدَوْر إِنْتُو تَعَرْفُوا كَدَرْ أَنَا قَاعِدْ نِجَاهِدْ بِلْحَيْن فِي شَانْكُو وَ فِي شَانْ الْأَخْوَانْ الْقَاعِدِينْ فِي حِلَّةْ لَاوْدِكِيَّةْ وَ كُلَّ الْأَخْوَانْ الْآخَرِينْ الْيَوْم وَاحِدْ مَا شَافَوْنِي.

أعمال الرُسُل 17:17

وَ بَدَا يَدْخُلْ فِي بَيْت الصَّلَاةْ وَ يِنَاقِشْ مَعَ الْيَهُودْ وَ الْيُونَانِيِّينْ الْيَعَبُدُوا اللّٰهْ. وَ كُلَّ يَوْم، هُو قَاعِدْ يِنَاقِشْ فِي السُّوقْ مَعَ أَيِّ نَادُمْ الْيَلْقَاهْ هِنَاكْ.

أعمال الرُسُل 14:3

وَ بُولُسْ وَ بَرْنَابَا مَا خَافَوْا مِنْهُمْ وَ طَوَّلَوْا هِنَاكْ وَ كَلَّمَوْا بِالرَّبّ عِيسَى لِنَاسْ الْحِلَّةْ بِكَلَامْ وَاضِحْ. وَ الرَّبّ أَنْطَاهُمْ عَلَامَاتْ وَ عَجَايِبْ أَشَانْ يِثَبِّتْ بِشَارَةْ رَحْمَتَهْ قِدَّامْ النَّاسْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

أعمال الرُسُل 4:31

وَ بَعَدْ سَأَلَوْا اللّٰهْ، الْبَكَانْ اللَّامِّينْ فَوْقَهْ أَنْهَزَّ وَ كُلُّهُمْ أَنْمَلَوْا بِالرُّوحْ الْقُدُّوسْ وَ قَمَّوْا يِبَلُّغُوا كَلَامْ اللّٰهْ بَلَا خَوْف.

أعمال الرُسُل 4:20

وَ أَنِحْنَ مَا نَقْدَرَوْا نَقْعُدُوا سَاكِتْ. وَاجِبْ نِحَجُّوا بِالشَّيّءْ الشِّفْنَاهْ وَ بِالْكَلَامْ السِّمِعْنَاهْ.»

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

أعمال الرُسُل 19:8

وَ بُولُسْ دَخَلْ فِي بَيْت الصَّلَاةْ وَ بَدَا يِحَجِّي لِلنَّاسْ بَلَا خَوْف. وَ مُدَّةْ تَلَاتَةْ شَهَرْ، هُو يِنَاقِشْ مَعَاهُمْ فِي مَمْلَكَةْ اللّٰهْ أَشَانْ يِجِيبْهُمْ فِي الدَّرِبْ.

أعمال الرُسُل 16:12

وَ مِنْ هِنَاكْ، مَشَيْنَا فِي مَدِينَةْ فِلِبِّي. وَ هِي حِلَّةْ الْبَنَوْهَا الرَّوْمَانِيِّينْ فِي الْمَنْطَقَةْ الْأَوَّلَانِيَّةْ هَنَا مَقِدُونِيَةْ. وَ قَعَدْنَا هِنَاكْ أَيَّامْ.

أعمال الرُسُل 14:5

وَ الْيَهُودْ أَسْتَفَقَوْا مَعَ النَّاسْ الْمَا يَهُودْ وَ كُبَارَاتْهُمْ، وَ كُلُّهُمْ شَالَوْا نِيَّةْ أَشَانْ يِعَذُّبُوا الرُّسُلْ وَ يَرْجُمُوهُمْ.

أعمال الرُسُل 16:19

وَ وَكِتْ سِيَادْهَا شَافَوْا الْقُرُسْ الْيَلْقَوْه مِنْهَا أَنْقَطَعْ، كَرَبَوْهُمْ لِبُولُسْ وَ سِيلَا وَ كَرَّوْهُمْ فِي أُسْط الْحِلَّةْ فِي بَكَانْ الْمَلَمَّةْ، قِدَّامْ الْكُبَارَاتْ.

أعمال الرُسُل 17:1

وَ بُولُسْ وَ سِيلَا فَاتَوْا قِدَّامْ وَ شَقَّوْا حِلَّةْ أَمْفِبُولِسْ وَ حِلَّةْ أَبُلُونِيَا وَ وِصْلَوْا فِي مَدِينَةْ تَسَلُونِيكِي. وَ فِي الْحِلَّةْ دِي، الْيَهُودْ عِنْدُهُمْ بَيْت الصَّلَاةْ.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

2 كُرُنْتُس 3:12

وَ بِمِثِلْ دَا، عِنْدِنَا عَشَمْ قَوِي وَ أَشَانْ دَا نَخْدُمُوا بِشَجَاعَةْ شَدِيدَةْ.