1 تَسَلونِيكِي 2:19 - الكتاب المقدس بالعربي الدارجي هنا تشاد

¹⁹ أَيْوَى، نِدَوْرُوا نِشِيفُوكُو بَتَّانْ أَشَانْ إِنْتُو بَسْ عَشَمْنَا وَ فَرَحْنَا. وَ فِي يَوْم جَيَّةْ رَبِّنَا عِيسَى، شُنُو الدَّلِيلْ الْيِوَصِّفْ خِدْمِتْنَا مَا فَشَلَتْ؟ الدَّلِيلْ هُو إِنْتُو وَ إِيمَانْكُو.

1 تَسَلونِيكِي 2:19 Referenca të Kryqëzuara

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

1 تَسَلونِيكِي 3:13

وَ خَلِّي الرَّبّ يِثَبِّتْ قُلُوبْكُو أَشَانْ تُكُونُوا صَالِحِينْ وَ بَلَا عَيْب قِدَّامْ أَبُونَا اللّٰهْ فِي الْيَوْم الرَّبِّنَا عِيسَى يَجِي فَوْقَهْ مَعَ جَمَاعْتَهْ الصَّالِحِينْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

2 كُرُنْتُس 1:14

وَ قُلْت الْكَلَامْ دَا أَشَانْ إِنْتُو لِسَّاعْكُو مَا فِهِمْتُوا نِيِّتْنَا تَمَامْ. وَ كَنْ فِهِمْتُوا نِيِّتْنَا، خَلَاصْ فِي يَوْم جَيَّةْ رَبِّنَا عِيسَى، إِنْتُو تِفَاشُرُوا بَيْنَا مِثِلْ أَنِحْنَ نِفَاشُرُوا بَيْكُو.

1 كُرُنْتُس 15:23

لَاكِنْ أَيِّ نَادُمْ يَبْعَثْ حَسَبْ نِظَامْ اللّٰهْ. أَوَّلْ، الْبِكِرْ بَعَثْ وَ هُو الْمَسِيحْ. وَ بَعَدَيْن فِي يَوْم جَيْتَهْ، كُلَّ نَاسْ هَنَا الْمَسِيحْ يَبْعَثَوْا.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

1 يُوحَنَّا 2:28

يَا عِيَالِي، أَقْعُدُوا ثَابْتِينْ فِي الْمَسِيحْ أَشَانْ وَكِتْ هُو يِبِينْ، قُلُوبْنَا يُكُونُوا رَاقْدِينْ وَ مَا نَلْقَوْا عَيْب فِي يَوْم جَيْتَهْ.

رُؤية 22:12

وَ عِيسَى قَالْ: «دَاهُو أَنَا جَايِ قَرِيبْ وَ نَنْطِي لِأَيِّ نَادُمْ الْمُكَافَاةْ الْوَاجِبْ لَيَّهْ حَسَبْ عَمَلَهْ.

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

1 تَسَلونِيكِي 4:15

وَ حَسَبْ الْكَلَامْ الرَّبِّنَا ذَاتَهْ أَوْرَانَا بَيَّهْ، نُقُولُوا لَيْكُو كَدَرْ أَنِحْنَ الْحَيِّينْ فِي يَوْم جَيَّةْ الرَّبّ، أَبَداً مَا نِقَدُّمُوا لِأَخْوَانَّا الْمَاتَوْا خَلَاصْ.

يَهُوذَا 1:24

اللّٰهْ قَادِرْ وَ يَقْدَرْ يَحْفَضْكُو أَشَانْ مَا تَقَعَوْا. هُو بَسْ يِوَدِّيكُو فِي حَضَرَتَهْ الْمَجِيدَةْ بَلَا أَيِّ عَيْب، فَرْحَانِينْ فَرْحَةْ شَدِيدَةْ.

1 بُطْرُس 5:4

وَ وَكِتْ الْمَسِيحْ كَبِيرْ الرُّعْيَانْ يِبِينْ، هُو يَنْطِيكُو التَّاجْ الْمَجِيدْ الْجَمَالَهْ أَبَداً مَا يِكَمِّلْ.

2 تَسَلونِيكِي 1:7

وَ هُو يَنْطِي الرَّاحَةْ لَيْكُو إِنْتُو الْقَاعِدِينْ تَتْعَبَوْا وَ يَنْطِيهَا لَيْنَا أَنِحْنَ كُلَ مَعَاكُو. هُو يَنْطِيكُو الرَّاحَةْ وَكِتْ الرَّبّ عِيسَى يِبِينْ نَازِلْ مِنْ السَّمَاءْ مَعَ مَلَائِكَتَهْ الْقَادْرِينْ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

إشَعْيا 62:3

إِنْتِ تَبْقَيْ مِثِلْ تَاجْ الْعَظَمَةْ فِي إِيدْ اللّٰهْ أَيْوَى، مِثِلْ كَدْمُولْ الْمُلُكْ فِي إِيدْ إِلٰـهْكِ.

أمْثال 17:6

عِيَالْ الْعِيَالْ تَاجْ لِجُدُودْهُمْ وَ الْأَبَّهَاتْ شَرَفْ لِعِيَالْهُمْ.

أمْثال 12:4

الْمَرَةْ الْعِنْدَهَا شَرَفْ مِثِلْ تَاجْ لِزَوْجهَا وَ الْمَرَةْ الْعَايْبَةْ مِثِلْ سُوسَةْ فِي عُضَامْ رَاجِلْهَا.

1 تَسَلونِيكِي 2:20

أَيْوَى بِسَبَبْكُو إِنْتُو بَسْ، نَرْفَعَوْا رُوسَيْنَا فَوْق وَ نَفْرَحَوْا بِلْحَيْن.

أمْثال 16:13

الْمَلِكْ يَرْضَى بِالْكَلَامْ الصَّحِيحْ وَ يِحِبّ الْيِكَلِّمْ لَيَّهْ بِالْحَقّ.

أمْثال 4:9

الْحِكْمَةْ تُخُطّ فِي رَاسَكْ تَاجْ النِّعْمَةْ وَ تِجَمِّلَكْ بِكَدْمُولْ الشَّرَفْ.»

مَرْخُوس 8:38

أَكِيدْ نَاسْ الْوَكِتْ الْحَالِي مُذْنِبِينْ وَ خَايْنِينْ. وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَاهْ مِنْهُمْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدْرَةْ أَبُويِ اللّٰهْ الْمَجِيدَةْ مَعَ مَلَائِكَتَهْ الْمُقَدَّسِينْ.»

يُوحَنَّا 21:22

وَ عِيسَى رَدَّ لَيَّهْ وَ قَالْ: «كَنْ أَنَا نِدَوْر هُو يَقْعُدْ لَحَدِّي نِقَبِّلْ كُلَ، دَا مَا لَمَّاكْ. إِنْتَ تَابِعْنِي بَسْ!»

2 تَسَلونِيكِي 1:4

أَشَانْ دَا، نَرْفَعَوْا رَاسْنَا فَوْق وَكِتْ نِحَجُّوا بَيْكُو لِنَاسْ اللّٰهْ أُمَّةْ الْمَسِيحْ فِي أَيِّ بَكَانْ. نِحَجُّوا بِصَبُرْكُو فِي إِيمَانْكُو الثَّابِتْ وَكِتْ النَّاسْ يِعَذُّبُوكُو فِي أُسُطْ كُلَّ الْمُضَايَقَاتْ التَّحْمَلَوْهُمْ.

2 تَسَلونِيكِي 2:1

نِدَوْرُوا نِحَجُّوا لَيْكُو بِجَيَّةْ رَبِّنَا عِيسَى الْمَسِيحْ وَ كِكَّيْف اللّٰهْ يِلِمِّنَا مَعَايَهْ. يَا أَخْوَانِي، نِوَصُّوكُو

يَعْقُوب 5:7

يَا أَخْوَانِي، أَصْبُرُوا لَحَدِّي رَبِّنَا عِيسَى يَجِي. فَكُّرُوا فِي الْحَرَّاتِينْ. هُمَّنْ يَرْجَوْا الْخَرِيفْ لِيِتَيْرُبُوا الْغَلَّةْ الْمُهِمَّةْ لِحَيَاتْهُمْ. مِنْ تَيْرَبَوْهَا، يَرْجَوْا أَلْمِي يُصُبّ لِلْغَلَّةْ تُقُمّ وَ يَصْبُرُوا لَحَدِّي تَنْجَضْ.

يَعْقُوب 5:8

إِنْتُو كُلَ أَصْبُرُوا وَ أَقْعُدُوا ثَابْتِينْ أَشَانْ جَيَّةْ رَبِّنَا قَرَّبَتْ.

2 بُطْرُس 1:16

وَ الْكَلَامْ الْبَلَّغْنَاهْ لَيْكُو الْبُخُصّ قُدْرَةْ رَبِّنَا عِيسَى الْمَسِيحْ وَ جَيْتَهْ، دَا مَا حِجَيْ سَاكِتْ مِثِلْ الْحِجَيْ الطُّوَالْ الْيِحَجُّوهْ النَّاسْ. بِالْعَكْس، أَنِحْنَ شِفْنَا عَظَمَتَهْ بِعُيُونَّا وَ شَهَدْنَا لَيَّهْ.

2 بُطْرُس 3:4

وَ يُقُولُوا: «وَاعَدَوْا بِجَيَّةْ عِيسَى وَ لَاكِنْ هُو مَا جَاءْ. أَبَّهَاتْنَا مَاتَوْا وَ مِنْ بِدَايَةْ الدُّنْيَا لَحَدِّي الْيَوْم، شَيّءْ غَيَّرْ كَيْ مَا فِيهْ!»