1 تَسَلونِيكِي 2:16 - الكتاب المقدس بالعربي الدارجي هنا تشاد

¹⁶ هُمَّنْ يَدْحَرَوْنَا مَا نِبَلُّغُوا الْبِشَارَةْ التِّنَجِّي النَّاسْ، لِلنَّاسْ الْمَا يَهُودْ. وَ مِثِلْ دَا، يِتَمُّمُوا عَدَدْ ذُنُوبْهُمْ مَرَّةْ وَاحِدْ وَ غَضَبْ اللّٰهْ نَزَلْ فَوْقهُمْ خَلَاصْ.

1 تَسَلونِيكِي 2:16 Referenca të Kryqëzuara

أعمال الرُسُل 17:13

وَ الْيَهُودْ الْقَاعِدِينْ فِي تَسَلُونِيكِي سِمْعَوْا بُولُسْ قَاعِدْ يِبَلِّغْ كَلَامْ اللّٰهْ فِي بِرِيَّةْ. وَ مَشَوْا وَ بَدَوْا يِحَرُّشُوا نَاسْ الْحِلَّةْ أَشَانْ يَزْعَلَوْا مِنْ بُولُسْ.

أعمال الرُسُل 14:19

وَ بَعَدْ دَا، يَهُودْ وَاحِدِينْ جَوْا مِنْ أَنْطَاكِيَةْ وَ إِقُونِيَةْ وَ حَرَّشَوْا النَّاسْ. وَ رَجَمَوْا بُولُسْ أَشَانْ يَكْتُلُوهْ. وَ خَلَاصْ، كَرَّوْه وَ زَقَلَوْه بَرَّا مِنْ الْحِلَّةْ. وَ فِي فِكِرْهُمْ، هُو مَاتْ خَلَاصْ.

مَرْخُوس 16:16

وَ أَيِّ نَادُمْ الْيِآمِنْ بَيِّ وَ يِغَطُّسُوهْ، يَنْجَى. وَ أَيِّ نَادُمْ الْمَا يِآمِنْ بَيِّ، اللّٰهْ يِعَاقِبَهْ.

مَتَّى 23:32

خَلَاصْ، كَمُّلُوا الْخِدْمَةْ الْجُدُودْكُو بَدَوْهَا وَ تَمُّمُوهَا مَرَّةْ وَاحِدْ!

2 تَسَلونِيكِي 2:10

وَ هُو يِسْتَعْمَلْ كُلَّ أَنْوَاعْ الشَّرّ لِيُغُشّ النَّاسْ الْمُوَدِّرِينْ وَ هُمَّنْ الْأَبَوْا مَا يَقْبَلَوْا وَ لَا يِرِيدُوا الْحَقّ الْيَقْدَرْ يِنَجِّيهُمْ.

غَلاطِية 5:11

يَا أَخْوَانِي، كَنْ أَنَا ذَاتِي قَاعِدْ نِعَلِّمْ النَّاسْ كَدَرْ الطَّهُورَةْ وَاجْبَةْ، مَالَا الْيَهُودْ قَاعِدِينْ يِتَعُّبُونِي؟ كَنْ أَوَّلْ أَنَا نِعَلِّمْ بِالطَّهُورَةْ وَ مَا نِبَشِّرْ بِالصَّلِيبْ، نَادُمْ مَا يَلْقَى مُشْكِلَةْ.

أعمال الرُسُل 14:5

وَ الْيَهُودْ أَسْتَفَقَوْا مَعَ النَّاسْ الْمَا يَهُودْ وَ كُبَارَاتْهُمْ، وَ كُلُّهُمْ شَالَوْا نِيَّةْ أَشَانْ يِعَذُّبُوا الرُّسُلْ وَ يَرْجُمُوهُمْ.

أعمال الرُسُل 13:50

وَ لَاكِنْ الْيَهُودْ حَرَّشَوْا كُبَارَاتْ الْحِلَّةْ وَ الْعَوِينْ الْعَابِدَاتْ اللّٰهْ أَشَانْ يِتَعُّبُوا بُولُسْ وَ بَرْنَابَا. وَ طَرَدَوْهُمْ مِنْ الْبَلَدْ.

مَلاخِـي 4:1

وَ اللّٰهْ الْقَادِرْ قَالْ: «دَاهُو الْيَوْم دَا جَايِ حَامِي مِثِلْ الْفُرُنْ. وَ كُلَّ الْمُسْتَكْبِرِينْ وَ الْعَاصِيِينْ يَبْقَوْا مِثِلْ الْقَشّ. وَ الْيَوْم الْجَايِ دَا يَحْرِقْهُمْ وَ لَا يِخَلِّي لَيْهُمْ عِرِقْ وَ لَا فِرِعْ.

1 تِمُوتَاوُس 2:4

هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ.

أعمال الرُسُل 13:45

وَ الْيَهُودْ شَافَوْا نَاسْ كَتِيرِينْ جَايِينْ وَ حَسَدَوْا بُولُسْ وَ بَرْنَابَا. وَ أَشَانْ دَا، قَمَّوْا خَالَفَوْا كَلَامْ بُولُسْ وَ عَيَّرَوْه.

مَتَّى 12:45

وَ يَمْشِي يِجِيبْ مَعَايَهْ سَبْعَةْ شَوَاطِينْ فَسْلِينْ مِنَّهْ زِيَادَةْ. وَ كُلُّهُمْ يِنْدَسَّوْا وَ يَسْكُنُوا فِي النَّادُمْ دَا وَ خَلَاصْ حَالَةْ النَّادُمْ دَا تَبْقَى هَوَانَةْ مِنْ أَوَّلْ. وَ يَبْقَى مِثِلْ دَا لِلنَّاسْ الْفَسْلِينْ هَنَا وَكِتْنَا دَوْل.»

مَتَّى 3:12

وَ عِنْدَهْ طَبَقْ فِي إِيدَيْنَهْ لِيِغَرْبِلْكُو مِثِلْ الْغَلَّةْ. وَ يِلِمّ غَلِّتَهْ مِنْ الْمَدَقّ وَ يُصُبَّهَا فِي دَبَنْقِتَهْ. وَ لَاكِنْ الْأُتَّابْ يُتُشَّهْ فِي النَّارْ الْمَا تُمُوتْ أَبَداً.»

مَلاخِـي 4:5

«دَاهُو أَنَا نِرَسِّلْ لَيْكُو النَّبِي إِلِيَاسْ وَ دَا قُبَّالْ يَوْم اللّٰهْ مَا يَجِي وَ الْيَوْم دَا عَظِيمْ وَ مُخِيفْ.

تكوين 15:16

وَ ذُرِّيّتَكْ الرَّابْعَةْ يِقَبُّلُوا هِنِي فِي بَلَدْ الْأَمُورِيِّينْ. أَشَانْ ذَنِبْ الْأَمُورِيِّينْ لِسَّاعْ مَا لِحِقْ حَدَّهْ.»

رُؤية 22:11

النَّادُمْ الْفَسِلْ، خَلِّي يَقْعُدْ ثَابِتْ فِي فَسَالْتَهْ. وَ النَّادُمْ النِّجِسْ، خَلِّي يَقْعُدْ ثَابِتْ فِي نَجَاسْتَهْ. وَ النَّادُمْ الْعَادِلْ، خَلِّي يَقْعُدْ ثَابِتْ فِي عَدَالْتَهْ. وَ النَّادُمْ الصَّالِحْ، خَلِّي يَقْعُدْ ثَابِتْ فِي حَالَهْ الصَّالْحَةْ.»

عِبْرَانِيِّين 6:8

لَاكِنْ النَّاسْ دَوْل مِثِلْ الْأَرْض التِّقَوِّمْ شَوْك وَ حَسْكَنِيتْ. هِي مَا عِنْدَهَا فَايْدَةْ وَ لَعَنَةْ اللّٰهْ تِقَرِّبْ لَيْهَا وَ فِي الأَخِيرْ، يِحَرُّقُوهَا.

1 تَسَلونِيكِي 1:10

وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

أفَسُس 3:13

وَ أَشَانْ كُلَّ الْكَلَامْ دَا، نَطْلُبْ مِنْكُو مَا تَحْزَنَوْا لَيِّ فِي تَعَبِي. أَنَا قَاعِدْ نَتْعَبْ مِثِلْ دَا فِي شَانْكُو إِنْتُو وَ دَا يَبْقَى لِفَايْدِتْكُو الْمَجِيدَةْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

أعمال الرُسُل 19:9

وَ لَاكِنْ وَاحِدِينْ مِنْهُمْ رَاسْهُمْ قَوِي مَا دَوَّرَوْا يِآمُنُوا. وَ قَمَّوْا يِعَيُّرُوا دَرِبْ عِيسَى الْمَسِيحْ قِدَّامْ النَّاسْ. وَ بَيْدَا، بُولُسْ قَمَّ أَنْفَرَقْ مِنْهُمْ مَعَ تَلَامِيذَهْ وَ بَدَا يِنَاقِشْ مَعَاهُمْ كُلَّ يَوْم فِي مَدْرَسَةْ هَنَا نَادُمْ أُسْمَهْ تِيرَانُوسْ.

أعمال الرُسُل 14:2

وَ لَاكِنْ الْيَهُودْ الْأَبَوْا مَا يِآمُنُوا حَرَّشَوْا النَّاسْ الْمَا يَهُودْ وَ غَيَّرَوْا فِكِرْهُمْ أَشَانْ يَزْعَلَوْا مِنْ الْمُؤمِنِينْ.

أعمال الرُسُل 4:12

مَا فِي نَجَاةْ إِلَّا بِعِيسَى وِحَيْدَهْ. وَ فِي كُلَّ الْأَرْض، مَا فِي أُسُمْ آخَرْ الْاللّٰهْ نَزَّلَهْ لِلنَّاسْ الْوَاجِبْ أَنِحْنَ نِآمُنُوا بَيَّهْ وَ نَنْجَوْا، إِلَّا بِأُسُمْ عِيسَى!»

مَتَّى 24:14

وَ يِبَلُّغُوا بِشَارَةْ مَمْلَكَةْ اللّٰهْ فِي كُلَّ الدُّنْيَا وَ يَشْهَدَوْا لَيْهَا لِكُلَّ الْأُمَمْ وَ بَعَدْ دَا بَسْ، كُمَالَةْ الدُّنْيَا.

مَتَّى 24:6

وَ تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ. خُطُّوا بَالْكُو مَا تِبَرْجُلُوا. أَشَانْ دَا، وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

إشَعْيا 45:22

إِنْتُو كُلُّكُو الْفِي آخِرْ الْأَرْض، وَجُّهُوا عَلَيِّ أَنَا وَ تَنْجَوْا! أَشَانْ أَنَا اللّٰهْ وَ لَا إِلٰـهْ إِلَّا أَنَا.

دَنْيال 8:23

وَ وَكِتْ حُكُمْ الْمُلُوكْ دَوْل قَرَّبْ يِكَمِّلْ وَ الْعَاصِيِينْ ذُنُوبْهُمْ فَاتَوْا الْحُدُودْ، يَمْرُقْ فِي أُسُطْهُمْ مَلِكْ وَاحِدْ مُسْتَكْبِرْ وَ كَدَّابْ.

أعمال الرُسُل 9:23

وَ بَعَدْ شَاوُولْ قَعَدْ أَيَّامْ فِي دِمَشْق، الْيَهُودْ أَشَّاوَرَوْا أَمْبَيْنَاتْهُمْ أَشَانْ يَكْتُلُوهْ.

أعمال الرُسُل 21:21

وَ هُمَّنْ سِمْعَوْا كَلَامْ مِنْ النَّاسْ الْيُقُولُوا إِنْتَ قَاعِدْ تِعَلِّمْ الْيَهُودْ الْقَاعِدِينْ فِي بُلْدَانْ آخَرِينْ وَ تُقُولْ لَيْهُمْ وَاجِبْ يِخَلُّوا مِنْهُمْ كَلَامْ مُوسَى. وَ تُقُولْ لَيْهُمْ مَا وَاجِبْ يِطَهُّرُوا أَوْلَادْهُمْ وَ مَا وَاجِبْ يِتَابُعُوا عَادَاتْ جُدُودْهُمْ.

أعمال الرُسُل 23:12

وَ وَكِتْ الْوَطَاةْ أَصْبَحَتْ، يَهُودْ وَاحِدِينْ أَلآمَرَوْا فِي بُولُسْ وَ حَلَفَوْا مَا يَاكُلُوا وَ لَا يَشَرْبَوْا شَيّءْ إِلَّا كَنْ كَتَلَوْه.

أعمال الرُسُل 24:9

وَ كُلَّ الْيَهُودْ قَاعِدِينْ يَتْهَمَوْا بُولُسْ وَ يُقُولُوا كَلَامْ الْمُحَامِي صَحِيحْ.

أعمال الرُسُل 25:2

وَ كَبِيرْ رُجَالْ الدِّينْ وَ كُبَارَاتْ الْيَهُودْ مَشَوْا لَيَّهْ وَ قَدَّمَوْا لَيَّهْ شَكْوِتْهُمْ ضِدّ بُولُسْ. وَ هُمَّنْ حَنَّسَوْه

أعمال الرُسُل 25:7

وَ وَكِتْ بُولُسْ جَاءْ، الْيَهُودْ الْجَوْا مِنْ مَدِينَةْ الْقُدُسْ حَوَّقَوْه وَ قَمَّوْا يُخُطُّوا فَوْقَهْ جَرَايِمْ شَيْنِينْ وَ كَتِيرِينْ الْمَا قِدْرَوْا يِثَبُّتُوهُمْ.

1 كُرُنْتُس 10:33

سَوُّوا مِثْلِي أَنَا. أَنَا نِدَوْر دَايْماً نِسَوِّي الشَّيّءْ الْكُلَّ النَّاسْ يَرْضَوْا بَيَّهْ. وَ مَا نِفَتِّشْ الشَّيّءْ الْيِجِيبْ لَيِّ أَنَا بَسْ فَايْدَةْ لَاكِنْ نِفَتِّشْ الشَّيّءْ الْيِجِيبْ فَايْدَةْ لِكُلَّ النَّاسْ أَشَانْ نِدَوْر هُمَّنْ يَنْجَوْا.