1 تَسَلونِيكِي 2:15 - الكتاب المقدس بالعربي الدارجي هنا تشاد

¹⁵ الْيَهُودْ دَوْل، هُمَّنْ بَسْ الْكَتَلَوْا الرَّبّ عِيسَى وَ الْأَنْبِيَاء الْقُبَّالَهْ. وَ لَيْنَا أَنِحْنَ كُلَ، تَعَّبَوْنَا بِلْحَيْن. هُمَّنْ يِغَضُّبُوا اللّٰهْ وَ خَلَاصْ بِقَوْا عَدُو لِكُلَّ النَّاسْ.

1 تَسَلونِيكِي 2:15 Referenca të Kryqëzuara

مَتَّى 5:12

أَفْرَحَوْا وَ أَنْبَسْطُوا زِيَادَةْ أَشَانْ أَجُرْكُو فِي السَّمَاءْ يَبْقَى كَتِيرْ بِلْحَيْن. أَشَانْ أَوَّلْ النَّاسْ تَعَّبَوْا الْأَنْبِيَاء الْجَوْا قُبَّالْكُو. وَ خَلَاصْ إِنْتُو كُلَ تَبْقَوْا مِثِلْهُمْ.

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

أعمال الرُسُل 2:23

وَ مِنْ أَوَّلْ، اللّٰهْ عِرِفْ الشَّيّءْ الْيَبْقَى. وَ بِنِيّتَهْ الثَّابْتَةْ، اللّٰهْ سَلَّمْ لَيْكُو عِيسَى. وَ إِنْتُو أَسْتَفَقْتُوا مَعَ النَّاسْ الْفَسْلِينْ لِتَكْتُلُوهْ فِي الصَّلِيبْ.

أعمال الرُسُل 3:15

وَ خَلَاصْ، كَتَلْتُوا النَّادُمْ الْيَنْطِيكُو الْحَيَاةْ. وَ لَاكِنْ اللّٰهْ بَعَثَهْ مِنْ أُسْط الْمَيْتِينْ وَ أَنِحْنَ شُهُودْ لِبُعَاثَهْ.

لُوقا 24:20

وَ كُبَارَاتْ رُجَالْ الدِّينْ وَ شُيُوخْنَا سَلَّمَوْه لِلْوَالِي أَشَانْ يَحْكِمْ لَيَّهْ بِالْمَوْت وَ كَتَلَوْه فِي الصَّلِيبْ.

مَتَّى 27:25

وَ النَّاسْ كُلُّهُمْ رَدَّوْا لَيَّهْ وَ قَالَوْا: «خَلِّي دِمِّتَهْ تَقَعْ فِي رَاسْنَا وَ فِي رَاسْ عِيَالْنَا!»

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

أسْتِير 3:8

وَ خَلَاصْ، هَمَانْ قَالْ لِلْمَلِكْ أَشَوِرُوشْ: «فِيَّهْ شَعَبْ مُشَتَّتْ وَ مُفَرَّقْ فِي لُبّ الشُّعُوبْ هَنَا كُلَّ وُلَايَاتْ مَمْلَكَتَكْ. وَ قَوَانِينْهُمْ شِقْ مِنْ قَوَانِينْ كُلَّ الشُّعُوبْ الْآخَرِينْ وَ هُمَّنْ مَا قَاعِدِينْ يِطَبُّقُوا قَانُونَكْ، يَا الْمَلِكْ. وَ دَا مَا وَاجِبْ الْمَلِكْ يِخَلِّيهُمْ فِي رَاحَةْ.

1 كُرُنْتُس 10:5

وَ لَاكِنْ نَعَرْفُوا كَدَرْ فِي الأَخِيرْ اللّٰهْ مَا رِضِي بِكَتِيرِينْ مِنْهُمْ. وَ أَشَانْ دَا، كَتِيرِينْ مِنْهُمْ مَاتَوْا فِي الصَّحَرَاء.

أعمال الرُسُل 12:3

وَ وَكِتْ هُو شَافْ الْيَهُودْ فِرْحَوْا مِنْ الشَّيّءْ السَّوَّاهْ دَا، هُو شَالْ نِيَّةْ أَشَانْ يَكْرُبْ بُطْرُسْ كُلَ. وَ كَرَبَهْ فِي أُسْبُوعْ هَنَا عِيدْ الْخُبْزَةْ بَلَا تَوَّارَةْ.

أعمال الرُسُل 5:30

اللّٰهْ رَبّ جُدُودْنَا بَعَثْ عِيسَى الْإِنْتُو عَلَّقْتُوهْ فِي حَطَبْ الصَّلِيبْ وَ كَتَلْتُوهْ.

عَمُوس 7:12

وَ خَلَاصْ، أَمَصْيَا قَالْ لِعَمُوسْ: «قُمّ، يَا شَوَّافِي! قَبِّلْ أَمْشِي لِبَلَدْ يَهُوذَا وَ هِنَاكْ أَبْقَى نَبِي وَ تَلْقَى رِزْقَكْ.

أعمال الرُسُل 4:10

خَلَاصْ، أَعَرْفُوا كُلُّكُو وَ خَلِّي كُلَّ بَنِي إِسْرَائِيلْ يَعَرْفُوا كَدَرْ النَّادُمْ الْوَاقِفْ قِدَّامْكُو دَا لِقِي الْعَافَيْ بِأُسُمْ عِيسَى الْمَسِيحْ الْمِنْ النَّاصِرَةْ. وَ عِيسَى دَا، هُو بَسْ النَّادُمْ الْإِنْتُو كَتَلْتُوهْ فِي الصَّلِيبْ وَ اللّٰهْ بَعَثَهْ مِنْ أُسْط الْمَيْتِينْ.

إرْمِيا 2:30

وَ أَنَا ضَرَبْت شَعَبْ بَنِي إِسْرَائِيلْ لِنِأَدِّبْهُمْ وَ لَاكِنْ مَا أَلأَدَّبَوْا. وَ سَيْفكُو كَتَلْ أَنْبِيَائْكُو مِثِلْ الدُّودْ الْجَاسِرْ.

2 كُرُنْتُس 11:26

أَنَا سَافَرْت كَتِيرْ بِلْحَيْن وَ وَاجَهْت خُطُورَةْ كَتِيرَةْ. خُطُورَةْ وَكِتْ أَنَا قَاتِعْ الْبُحُورْ وَ خُطُورَةْ مِنْ رَبَّاطِينْ الدُّرُوبْ. وَ خُطُورَةْ فِي أُسُطْ نَاسِي الْيَهُودْ وَ خُطُورَةْ فِي أُسْط النَّاسْ الْمَا يَهُودْ. وَ خُطُورَةْ فِي الْحِلَّالْ وَ خُطُورَةْ فِي الْكَدَادَةْ وَ خُطُورَةْ فِي أُسْط الْبَحَرْ الْمَالِحْ. وَ خُطُورَةْ فِي أُسْط الْمُؤمِنِينْ الْخَايْنِينْ.

زَبُور 109:20

وَ بِمِثِلْ دَا بَسْ، اللّٰهْ يِكَافِي الْيَتْهَمَوْنِي وَ الْيِحَجُّوا ضِدِّي بِكَلَامْ فَسِلْ.