1 تَسَلونِيكِي 2:14 - الكتاب المقدس بالعربي الدارجي هنا تشاد

¹⁴ يَا أَخْوَانِي، مِثِلْ دَا، إِنْتُو تَابَعْتُوا نَفْس الدَّرِبْ مِثِلْ نَاسْ اللّٰهْ أُمَّةْ الْمَسِيحْ أَخْوَانْكُو الْيِتَابُعُوا الْمَسِيحْ عِيسَى فِي دَارْ الْيَهُودِيَّةْ. وَ إِنْتُو بِقِيتُوا مِثِلْهُمْ. نَاسْ بَلَدْكُو تَعَّبَوْكُو مِثِلْ الْيَهُودْ كُلَ تَعَّبَوْا أَخْوَانْهُمْ نَاسْ الْمَسِيحْ الْفِي بَلَدْهُمْ.

1 تَسَلونِيكِي 2:14 Referenca të Kryqëzuara

1 تَسَلونِيكِي 3:4

وَ وَكِتْ لِسَّاعْنَا قَاعِدِينْ مَعَاكُو، قُلْنَا لَيْكُو كَدَرْ التَّعَبْ يَجِي فَوْقنَا كُلِّنَا. وَ خَلَاصْ، بِقِي مِثِلْ قُلْنَا وَ دَا تَعَرْفُوهْ.

2 تَسَلونِيكِي 1:4

أَشَانْ دَا، نَرْفَعَوْا رَاسْنَا فَوْق وَكِتْ نِحَجُّوا بَيْكُو لِنَاسْ اللّٰهْ أُمَّةْ الْمَسِيحْ فِي أَيِّ بَكَانْ. نِحَجُّوا بِصَبُرْكُو فِي إِيمَانْكُو الثَّابِتْ وَكِتْ النَّاسْ يِعَذُّبُوكُو فِي أُسُطْ كُلَّ الْمُضَايَقَاتْ التَّحْمَلَوْهُمْ.

غَلاطِية 1:22

وَ فِي الْوَكِتْ دَا، جَمَاعَاتْ الْمَسِيحِيِّينْ الْفِي دَارْ الْيَهُودِيَّةْ لِسَّاعْهُمْ مَا عِرْفَوْنِي.

1 تَسَلونِيكِي 1:6

وَ إِنْتُو شِلْتُوا مَثَلْنَا وَ حَالْكُو بِقَتْ مِثِلْ حَالْنَا وَ مِثِلْ حَالْ هَنَا رَبِّنَا عِيسَى. وَكِتْ النَّاسْ قَاعِدِينْ يِتَعُّبُوكُو بِلْحَيْن كُلَ، إِنْتُو قِبِلْتُوا الْكَلَامْ بِفَرَحْ الْجَايِ مِنْ الرُّوحْ الْقُدُّوسْ.

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

1 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

1 كُرُنْتُس 7:17

دَاهُو الْكَلَامْ الْمُهِمّ. خَلِّي أَيِّ مُؤمِنْ يَقْعُدْ فِي الْحَالَةْ الرَّبِّنَا جَعَلَاهَا لَيَّهْ. وَ دِي الْحَالَةْ الْهُو قَاعِدْ فَوْقهَا وَكِتْ اللّٰهْ نَادَاهْ فِي الْإِيمَانْ. دِي بَسْ الْوَصِيَّةْ النِّعَلِّمْهَا لِأُمَّةْ الْمَسِيحْ فِي أَيِّ بَكَانْ.

أعمال الرُسُل 17:13

وَ الْيَهُودْ الْقَاعِدِينْ فِي تَسَلُونِيكِي سِمْعَوْا بُولُسْ قَاعِدْ يِبَلِّغْ كَلَامْ اللّٰهْ فِي بِرِيَّةْ. وَ مَشَوْا وَ بَدَوْا يِحَرُّشُوا نَاسْ الْحِلَّةْ أَشَانْ يَزْعَلَوْا مِنْ بُولُسْ.

أعمال الرُسُل 11:19

وَ بَعَدْ مَوْت إِسْتِفَانْ، الْمُؤمِنِينْ شَتَّوْا بِسَبَبْ التَّعَبْ الشَّدِيدْ الْجَاءْ فَوْقهُمْ. وَ وَاحِدِينْ مَشَوْا بَعِيدْ لَحَدِّي لُبْنَانْ وَ جَزِيرَةْ قُبْرُصْ وَ حِلَّةْ أَنْطَاكِيَةْ. وَ بَلَّغَوْا الْبِشَارَةْ لِلْيَهُودْ لَاكِنْ مَا بَلَّغَوْهَا لِلنَّاسْ الْآخَرِينْ.

أعمال الرُسُل 9:31

وَ خَلَاصْ، أُمَّةْ الْمَسِيحْ الْفِي دَارْ الْيَهُودِيَّةْ وَ فِي دَارْ الْجَلِيلْ وَ فِي دَارْ السَّامِرَةْ قَاعِدَةْ بِعَافَيْ وَ سَلَامْ. وَ كُلَّ الْمُؤمِنِينْ خَايْفِينْ مِنْ الرَّبّ وَ الرُّوحْ الْقُدُّوسْ شَجَّعَاهُمْ وَ عَدَدْهُمْ زَادْ.

أعمال الرُسُل 9:13

وَ حَنَانِيَّا رَدَّ لَيَّهْ وَ قَالْ: «يَا رَبِّنَا، سِمِعْت خَبَرْ مِنْ نَاسْ كَتِيرِينْ يُقُولُوا الرَّاجِلْ دَا سَوَّى عَمَلْ شَيْن فِي نَاسَكْ الصَّالِحِينْ فِي مَدِينَةْ الْقُدُسْ.

أعمال الرُسُل 9:1

وَ لَاكِنْ شَاوُولْ لِسَّاعَهْ زَعْلَانْ وَ قَاعِدْ يِهَدِّدْهُمْ بِالْكَتِلْ لِتَلَامِيذ الرَّبّ عِيسَى. وَ مَشَى لِكَبِيرْ رُجَالْ الدِّينْ

أعمال الرُسُل 8:1

وَ شَاوُولْ مُوَافِقْ بِكَتِلْ إِسْتِفَانْ. وَ فِي نَفْس الْيَوْم بَسْ، النَّاسْ قَمَّوْا يِتَعُّبُوا أُمَّةْ الْمَسِيحْ فِي مَدِينَةْ الْقُدُسْ تَعَبْ شَدِيدْ. وَ كُلَّ الْأَخْوَانْ جَرَوْا مِنْ الْمَدِينَةْ وَ شَتَّوْا فِي الْكَدَادَةْ هَنَا دَارْ الْيَهُودِيَّةْ وَ دَارْ السَّامِرَةْ. وَ إِلَّا الرُّسُلْ فَضَّلَوْا فِي الْمَدِينَةْ.

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

أعمال الرُسُل 13:50

وَ لَاكِنْ الْيَهُودْ حَرَّشَوْا كُبَارَاتْ الْحِلَّةْ وَ الْعَوِينْ الْعَابِدَاتْ اللّٰهْ أَشَانْ يِتَعُّبُوا بُولُسْ وَ بَرْنَابَا. وَ طَرَدَوْهُمْ مِنْ الْبَلَدْ.

أعمال الرُسُل 14:2

وَ لَاكِنْ الْيَهُودْ الْأَبَوْا مَا يِآمُنُوا حَرَّشَوْا النَّاسْ الْمَا يَهُودْ وَ غَيَّرَوْا فِكِرْهُمْ أَشَانْ يَزْعَلَوْا مِنْ الْمُؤمِنِينْ.

أعمال الرُسُل 14:4

وَ نَاسْ الْحِلَّةْ أَلْفَارَقَوْا، الْوَاحِدِينْ لَمَّوْا مَعَ الْيَهُودْ وَ الْوَاحِدِينْ مَعَ الرُّسُلْ.

أعمال الرُسُل 14:5

وَ الْيَهُودْ أَسْتَفَقَوْا مَعَ النَّاسْ الْمَا يَهُودْ وَ كُبَارَاتْهُمْ، وَ كُلُّهُمْ شَالَوْا نِيَّةْ أَشَانْ يِعَذُّبُوا الرُّسُلْ وَ يَرْجُمُوهُمْ.

أعمال الرُسُل 14:19

وَ بَعَدْ دَا، يَهُودْ وَاحِدِينْ جَوْا مِنْ أَنْطَاكِيَةْ وَ إِقُونِيَةْ وَ حَرَّشَوْا النَّاسْ. وَ رَجَمَوْا بُولُسْ أَشَانْ يَكْتُلُوهْ. وَ خَلَاصْ، كَرَّوْه وَ زَقَلَوْه بَرَّا مِنْ الْحِلَّةْ. وَ فِي فِكِرْهُمْ، هُو مَاتْ خَلَاصْ.

أعمال الرُسُل 18:12

وَ وَكِتْ غَالِيُونْ بِقِي حَاكِمْ فِي بَلَدْ أَخَايَةْ، الْيَهُودْ أَسْتَفَقَوْا أَمْبَيْنَاتْهُمْ أَشَانْ يِخَالُفُوا بُولُسْ. وَ قَمَّوْا وَدَّوْا بُولُسْ فِي الْمَحْكَمَةْ.

1 كُرُنْتُس 10:32

مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ.