1 تَسَلونِيكِي 1:8 - الكتاب المقدس بالعربي الدارجي هنا تشاد

⁸ مِنْكُو إِنْتُو، بِشَارَةْ الرَّبّ شَتَّتْ وَ مَشَتْ بَعِيدْ. مَا مَشَتْ فِي مَقِدُونِيَةْ وَ أَخَايَةْ بَسْ وَ لَاكِنْ لِحْقَتْ أَيِّ بَكَانْ، لَحَدِّي مَا نَقْدَرَوْا نُقُولُوا شَيّءْ فِيكُو كُلَ أَشَانْ إِيمَانْكُو بِاللّٰهْ مَعْرُوفْ.

1 تَسَلونِيكِي 1:8 Referenca të Kryqëzuara

رَوْمَا 1:8

أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا.

رُؤية 14:6

وَ أَنَا شِفْت مَلَكْ آخَرْ طَايِرْ فَوْق فِي السَّمَاءْ وَ هُو عِنْدَهْ بِشَارَةْ أَبَدِيَّةْ لِيِبَلِّغْهَا لِكُلَّ سُكَّانْ الْأَرْض، مِنْ أَيِّ أُمَّةْ وَ قَبِيلَةْ وَ لُغَّةْ وَ شَعَبْ.

3 يُوحَنَّا 1:12

وَ كُلَّ الْأَخْوَانْ يَشْهَدَوْا لِدِمِتْرِي كَدَرْ هُو نَادُمْ عَدِيلْ وَ الْحَقّ الْبِنْشَافْ فَوْقَهْ كُلَ يَشْهَدْ لَيَّهْ. أَنِحْنَ كُلَ نَشْهَدَوْا لَيَّهْ وَ تَعَرِفْ شَهَادِتْنَا صَحِيحَةْ.

2 تَسَلونِيكِي 1:4

أَشَانْ دَا، نَرْفَعَوْا رَاسْنَا فَوْق وَكِتْ نِحَجُّوا بَيْكُو لِنَاسْ اللّٰهْ أُمَّةْ الْمَسِيحْ فِي أَيِّ بَكَانْ. نِحَجُّوا بِصَبُرْكُو فِي إِيمَانْكُو الثَّابِتْ وَكِتْ النَّاسْ يِعَذُّبُوكُو فِي أُسُطْ كُلَّ الْمُضَايَقَاتْ التَّحْمَلَوْهُمْ.

إشَعْيا 52:7

مَرْحَباً بِجَيَّةْ الْمُرْسَالْ فِي الْجِبَالْ الْيِبَلِّغْ الْبِشَارَةْ وَ يِخَبِّرْ بِالسَّلَامْ وَ الْخَيْر وَ النَّجَاةْ. وَ يُقُولْ لِصَهْيُون: «إِلٰـهْكِ يَحْكِمْ!»

2 تَسَلونِيكِي 3:1

وَ آخَرْ شَيّءْ يَا أَخْوَانِي، أَسْأَلَوْا لَيْنَا اللّٰهْ أَشَانْ كَلَامْ الرَّبّ يِلْوَزَّعْ عَجَلَةْ فِي أُسْط النَّاسْ وَ يَقْبَلَوْه بِشَرَفْ مِثِلْ إِنْتُو قِبِلْتُوهْ.

رُؤية 22:17

وَ الرُّوحْ الْقُدُّوسْ وَ الْعَرُوسْ يُرُدُّوا لِلْمَسِيحْ وَ يُقُولُوا «تَعَالْ.» وَ خَلِّي أَيِّ نَادُمْ الْيَسْمَعْ الْكَلَامْ دَا يُقُولْ: «تَعَالْ.» وَ أَيِّ نَادُمْ الْعَطْشَانْ، خَلِّي يَجِي. وَ أَيِّ نَادُمْ الْيِدَوْر يَشْرَبْ أَلْمِي الْحَيَاةْ، خَلِّي يِشِيلَهْ بَلَا تَمَنْ.

رَوْمَا 16:19

وَ لَيْكُو إِنْتُو، كُلَّ النَّاسْ يَعَرْفُوا إِنْتُو سِمِعْتُوا بِشَارَةْ الْمَسِيحْ وَ تَابَعْتُوهَا. وَ فِي شَانْكُو، أَنَا فَرْحَانْ لَاكِنْ نِدَوْر إِنْتُو تَبْقَوْا فَاهِمِينْ فِي الْخَيْر وَ بَرِيِّينْ مِنْ الشَّرّ.

إشَعْيا 2:3

وَ شُعُوبْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون، يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

خُروج 18:9

وَ يَسْرُونْ فِرِحْ بِكُلَّ الْخَيْر الْاللّٰهْ سَوَّاهْ لِبَنِي إِسْرَائِيلْ وَكِتْ نَجَّاهُمْ مِنْ الْمَصْرِيِّينْ.

2 كُرُنْتُس 3:4

وَ قُلْنَا الْكَلَامْ دَا أَشَانْ عَشَمْنَا فِي اللّٰهْ قَوِي بِالْمَسِيحْ.

1 كُرُنْتُس 14:36

وَ كِكَّيْف؟ فِي فِكِرْكُو بَلِّغِينْ كَلَامْ اللّٰهْ أَوَّلْ بَدَا فِي أُسُطْكُو وَلَّا؟ أَوْ إِنْتُو وِحَيْدكُو بَسْ سِمِعْتُوا كَلَامْ اللّٰهْ وَلَّا؟

إشَعْيا 66:19

وَ نُخُطّ فِي لُبُّهُمْ عَلَامَةْ. وَ مِنْ الْفَضَّلَوْا، نِرَسِّلْ نَاسْ وَاحِدِينْ لِلْأُمَمْ الْيَعَرْفُوا يِسْتَعْمَلَوْا النُّشَّابْ يَعْنِي فِي تَرْشِيشْ وَ فُولْ وَ لُودْ. وَ نِرَسِّلْهُمْ بَتَّانْ لِنَاسْ تُوبَلْ وَ بَلَدْ يَوَانْ وَ بَعِيدْ فِي الْجَزَايِرْ فِي بَكَانْ الْفَوْقَهْ أَبَداً مَا سِمْعَوْا بَيِّ وَ لَا شَافَوْا مَجْدِي. وَ هِنَاكْ يِعَرُّفُوا مَجْدِي لِلْأُمَمْ دَوْل.»

أعمال الرُسُل 18:12

وَ وَكِتْ غَالِيُونْ بِقِي حَاكِمْ فِي بَلَدْ أَخَايَةْ، الْيَهُودْ أَسْتَفَقَوْا أَمْبَيْنَاتْهُمْ أَشَانْ يِخَالُفُوا بُولُسْ. وَ قَمَّوْا وَدَّوْا بُولُسْ فِي الْمَحْكَمَةْ.

رَوْمَا 15:26

أَشَانْ الْمُؤمِنِينْ الْفِي مَقِدُونِيَةْ وَ الْيُونَانْ شَالَوْا نِيَّةْ أَمْبَيْنَاتْهُمْ أَشَانْ يِرَسُّلُوا مُسَاعَدَةْ لِلْمَسَاكِينْ الْقَاعِدِينْ أَمْبَيْن الصَّالِحِينْ فِي مَدِينَةْ الْقُدُسْ.

2 كُرُنْتُس 2:14

وَ الْحَمْدُ للّٰهْ! اللّٰهْ قَاعِدْ دَايْماً يُقُودْنَا فِي مَجْمُوعَةْ التَّفْرَحْ بِالنَّصُرْ هَنَا الْمَسِيحْ. وَ فِي أَيِّ بَكَانْ، هُو يِوَزِّعْ بَيْنَا عِرْفَةْ اللّٰهْ الْمِثِلْ رِيحَةْ حَلُوَّةْ.

كُلُوسِي 3:16

خَلُّوا كَلَامْ الْمَسِيحْ يَسْكُنْ أَمْبَيْنَاتْكُو بِكُلَّ بَرَكَاتَهْ. عَلُّمُوا بَيَّهْ أَيِّ وَاحِدْ وَ أَشَّاجَعَوْا أَمْبَيْنَاتْكُو بِكُلَّ حِكْمَةْ. غَنُّوا لِلّٰهْ بِكُلَّ قُلُوبْكُو بِغِنَيْ وَ أَنَاشِيدْ وَ شُكُرْ مِنْ الرُّوحْ الْقُدُّوسْ.

1 تِمُوتَاوُس 2:8

وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.