1 تَسَلونِيكِي 1:7 - الكتاب المقدس بالعربي الدارجي هنا تشاد

⁷ وَ بَيْدَا، إِنْتُو بِقِيتُوا مَثَلْ عَدِيلْ لِكُلَّ الْمُؤمِنِينْ الْفِي بُلْدَانْ مَقِدُونِيَةْ وَ أَخَايَةْ.

1 تَسَلونِيكِي 1:7 Referenca të Kryqëzuara

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

1 بُطْرُس 5:3

وَ مَا تَمُلْكُوا بِشِدَّةْ فِي النَّاسْ الْاللّٰهْ كَلَّفَاكُو بَيْهُمْ مِثِلْ رُعْيَانْ لَاكِنْ أَبْقَوْا لَيْهُمْ مَثَلْ لَحَدِّي يِتَابُعُوا دَرِبْكُو.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

1 تَسَلونِيكِي 1:8

مِنْكُو إِنْتُو، بِشَارَةْ الرَّبّ شَتَّتْ وَ مَشَتْ بَعِيدْ. مَا مَشَتْ فِي مَقِدُونِيَةْ وَ أَخَايَةْ بَسْ وَ لَاكِنْ لِحْقَتْ أَيِّ بَكَانْ، لَحَدِّي مَا نَقْدَرَوْا نُقُولُوا شَيّءْ فِيكُو كُلَ أَشَانْ إِيمَانْكُو بِاللّٰهْ مَعْرُوفْ.

أعمال الرُسُل 16:12

وَ مِنْ هِنَاكْ، مَشَيْنَا فِي مَدِينَةْ فِلِبِّي. وَ هِي حِلَّةْ الْبَنَوْهَا الرَّوْمَانِيِّينْ فِي الْمَنْطَقَةْ الْأَوَّلَانِيَّةْ هَنَا مَقِدُونِيَةْ. وَ قَعَدْنَا هِنَاكْ أَيَّامْ.

2 كُرُنْتُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

أعمال الرُسُل 1:13

وَ الرُّسُلْ قَبَّلَوْا فِي الْمَدِينَةْ وَ دَخَلَوْا فِي الْبَيْت وَ طَلَعَوْا فِي الْقَصِرْ الْقَاعِدِينْ فَوْقَهْ. وَ النَّاسْ دَوْل، هُمَّنْ بُطْرُسْ وَ يُوحَنَّا وَ يَعْقُوبْ وَ أَنْدَرَيَّسْ وَ فِلِبُّسْ وَ تُومَا وَ بَرْتُلْمَا وَ مَتَّى وَ يَعْقُوبْ وِلَيْد حَلْفَا وَ سِمْعَانْ الثَّوْرِي وَ يَهُوذَا وِلَيْد يَعْقُوبْ.

1 تَسَلونِيكِي 4:10

وَ دَا بَسْ الْإِنْتُو قَاعِدِينْ تِسَوُّوهْ أَشَانْ تِحِبُّوا كُلَّ الْأَخْوَانْ الْفِي بَلَدْ مَقِدُونِيَةْ. لَاكِنْ يَا أَخْوَانِي، نِوَصُّوكُو أَشَانْ تِرَّايَدَوْا بِزِيَادَةْ بَتَّانْ.

2 كُرُنْتُس 9:2

أَنَا نَعَرِفْ نِيِّتْكُو شَدِيدَةْ. وَ أَنَا حَجَّيْت بَيْهَا بِرَاسِي مَرْفُوعْ لِأَخْوَانَّا الْهِنِي فِي مَقِدُونِيَةْ وَ قُلْت لَيْهُمْ كَدَرْ إِنْتُو الْفِي أَخَايَةْ جَاهِزِينْ مِنْ السَّنَةْ الْفَاتَتْ. وَ خَبَرْ هَنَا حَمِيصِتْكُو شَجَّعْ كَتِيرِينْ مِنْهُمْ أَشَانْ يَنْطُوا.

أعمال الرُسُل 18:1

وَ بَعَدْ دَا، بُولُسْ مَرَقْ مِنْ مَدِينَةْ أَتِينَا وَ مَشَى فِي مَدِينَةْ كُرُنْتُسْ.

أعمال الرُسُل 18:12

وَ وَكِتْ غَالِيُونْ بِقِي حَاكِمْ فِي بَلَدْ أَخَايَةْ، الْيَهُودْ أَسْتَفَقَوْا أَمْبَيْنَاتْهُمْ أَشَانْ يِخَالُفُوا بُولُسْ. وَ قَمَّوْا وَدَّوْا بُولُسْ فِي الْمَحْكَمَةْ.

أعمال الرُسُل 19:21

وَ بَعَدْ دَا، بُولُسْ شَالْ نِيَّةْ أَشَانْ يَمْشِي فِي مَدِينَةْ الْقُدُسْ. وَ قُبَّالْ مَا يَمْشِي هِنَاكْ، دَوَّرْ يَمْشِي فِي مَقِدُونِيَةْ وَ أَخَايَةْ وَ قَالْ: «نَمْشِي فِي مَدِينَةْ الْقُدُسْ وَ بَعَدْ دَا، وَاجِبْ نَمْشِي فِي مَدِينَةْ رَوْمَا كُلَ.»

رَوْمَا 15:26

أَشَانْ الْمُؤمِنِينْ الْفِي مَقِدُونِيَةْ وَ الْيُونَانْ شَالَوْا نِيَّةْ أَمْبَيْنَاتْهُمْ أَشَانْ يِرَسُّلُوا مُسَاعَدَةْ لِلْمَسَاكِينْ الْقَاعِدِينْ أَمْبَيْن الصَّالِحِينْ فِي مَدِينَةْ الْقُدُسْ.