1 تَسَلونِيكِي 1:6 - الكتاب المقدس بالعربي الدارجي هنا تشاد

⁶ وَ إِنْتُو شِلْتُوا مَثَلْنَا وَ حَالْكُو بِقَتْ مِثِلْ حَالْنَا وَ مِثِلْ حَالْ هَنَا رَبِّنَا عِيسَى. وَكِتْ النَّاسْ قَاعِدِينْ يِتَعُّبُوكُو بِلْحَيْن كُلَ، إِنْتُو قِبِلْتُوا الْكَلَامْ بِفَرَحْ الْجَايِ مِنْ الرُّوحْ الْقُدُّوسْ.

1 تَسَلونِيكِي 1:6 Referenca të Kryqëzuara

1 كُرُنْتُس 11:1

تَابُعُوا دَرْبِي أَشَانْ أَنَا قَاعِدْ نِتَابِعْ دَرِبْ الْمَسِيحْ.

1 كُرُنْتُس 4:16

أَشَانْ دَا نِشَجِّعْكُو. تَابُعُوا دَرْبِي أَنَا.

أعمال الرُسُل 13:52

وَ لَاكِنْ التَّلَامِيذ الْقَعَدَوْا فِي الْحِلَّةْ، مَلَانِينْ بِالرُّوحْ الْقُدُّوسْ وَ فَرْحَانِينْ فَرْحَةْ شَدِيدَةْ.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

2 تَسَلونِيكِي 3:9

وَ سَوَّيْنَا مِثِلْ دَا مَا أَشَانْ مَا عِنْدِنَا حَقّ نَطُلْبُوا مِنْكُو شَيّءْ، لَاكِنْ أَشَانْ نَبْقَوْا لَيْكُو مَثَلْ التِّتَابُعُوهْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

أفَسُس 5:1

إِنْتُو عِيَالْ اللّٰهْ الْيِحِبُّكُو وَ أَشَانْ دَا، خَلِّي حَالْكُو تَبْقَى مِثِلْ حَالَهْ.

يُوحَنَّا 8:12

وَ بَتَّانْ عِيسَى حَجَّى لِلنَّاسْ وَ قَالْ: «أَنَا نُورْ الْعَالَمْ. أَيِّ نَادُمْ الْيِتَابِعْنِي أَبَداً مَا يَقْعُدْ فِي الضَّلَامْ. هُو يِعِيشْ فِي النُّورْ الْيَنْطِيهْ الْحَيَاةْ.»

مَتَّى 16:24

وَ عِيسَى قَالْ لِتَلَامِيذَهْ: «أَيِّ نَادُمْ الْيِدَوْر يِشِيلْ دَرْبِي، خَلِّي يِشِيفْ نَفْسَهْ رَخِيصَةْ لَيَّهْ وَ يِلْحَمَّلْ تَعَبْ الصَّلِيبْ وَ يِتَابِعْنِي لِلْمَوْت.

1 بُطْرُس 3:13

وَ يَاتُو الْيِسَوِّي لَيْكُو شَيّءْ فَسِلْ، كَنْ إِنْتُو مُنْكَرِبِينْ فِي الْخَيْر؟

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

1 بُطْرُس 1:6

وَ أَشَانْ دَا، تَفْرَحَوْا فَرْحَةْ كَبِيرَةْ، حَتَّى كَانْ إِنْتُو قَاعِدِينْ تَتْعَبَوْا لِمُدَّةْ قِصَيْرَةْ كُلَ وَ تَحْزَنَوْا بِسَبَبْ الصُّعُوبَاتْ الشِّقْ شِقْ.

عِبْرَانِيِّين 10:34

وَ إِنْتُو حَنَّيْتُوا لِلْمَسَاجِينْ. وَ وَكِتْ النَّاسْ نَهَبَوْا مَالْكُو، إِنْتُو فَرْحَانِينْ أَشَانْ عِرِفْتُوا كَدَرْ عِنْدُكُو مَالْ أَخَيْر مِنَّهْ قَاعِدْ قِدَّامْكُو وَ الْمَالْ دَا يَقْعُدْ دَايْماً.

2 تَسَلونِيكِي 1:4

أَشَانْ دَا، نَرْفَعَوْا رَاسْنَا فَوْق وَكِتْ نِحَجُّوا بَيْكُو لِنَاسْ اللّٰهْ أُمَّةْ الْمَسِيحْ فِي أَيِّ بَكَانْ. نِحَجُّوا بِصَبُرْكُو فِي إِيمَانْكُو الثَّابِتْ وَكِتْ النَّاسْ يِعَذُّبُوكُو فِي أُسُطْ كُلَّ الْمُضَايَقَاتْ التَّحْمَلَوْهُمْ.

فِلِبِّي 3:17

يَا أَخْوَانِي، خَلِّي كُلُّكُو تِتَابُعُوا مَثَلِي وَ شِيفُوا عَدِيلْ النَّاسْ الْعَايْشِينْ مِثِلْنَا وَ فَكُّرُوا فِي حَالْهُمْ.

2 كُرُنْتُس 8:5

وَ هُمَّنْ سَوَّوْا زِيَادَةْ مِنْ الدَّوَّرْنَاهْ مِنْهُمْ. شَالَوْا نِيَّةْ أَشَانْ يِتَابُعُوا الشَّيّءْ الْيِدَوْرَهْ رَبِّنَا وَ بَتَّانْ شَالَوْا نِيَّةْ أَشَانْ يِتَابُعُوا عَدِيلْ كَلَامْنَا مِثِلْ اللّٰهْ يِدَوْرَهْ.

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

أعمال الرُسُل 9:31

وَ خَلَاصْ، أُمَّةْ الْمَسِيحْ الْفِي دَارْ الْيَهُودِيَّةْ وَ فِي دَارْ الْجَلِيلْ وَ فِي دَارْ السَّامِرَةْ قَاعِدَةْ بِعَافَيْ وَ سَلَامْ. وَ كُلَّ الْمُؤمِنِينْ خَايْفِينْ مِنْ الرَّبّ وَ الرُّوحْ الْقُدُّوسْ شَجَّعَاهُمْ وَ عَدَدْهُمْ زَادْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

هُوشَع 2:14

«وَ بَيْدَا كُلَ، نِحَجِّي لِإِسْرَائِيلْ بِكَلَامْ حَلُو وَ نِوَدِّيهَا فِي الْكَدَادَةْ وَ نِكَلِّمْ لَيْهَا بِحُبّ.

1 كُرُنْتُس 11:2

وَ أَنَا فَرْحَانْ مِنْكُو أَشَانْ إِنْتُو قَاعِدِينْ تِفَكُّرُوا فَوْقِي وَ تِتَابُعُوا عَدِيلْ الْعَادَاتْ الْعَلَّمْتُهُمْ لَيْكُو.

2 كُرُنْتُس 6:10

عِنْدِنَا حِزِنْ وَ لَاكِنْ نَفْرَحَوْا دَايْماً. أَنِحْنَ مَسَاكِينْ وَ لَاكِنْ نِجِيبُوا لِكَتِيرْ مِنْ النَّاسْ بَرَكَةْ كَتِيرَةْ. مَا عِنْدِنَا شَيّءْ وَ لَاكِنْ كُلَّ شَيّءْ هَنَانَا.

2 تَسَلونِيكِي 3:7

أَشَانْ إِنْتُو ذَاتْكُو تَعَرْفُوا كَدَرْ وَاجِبْ تِسَوُّوا مِثِلْ أَنِحْنَ سَوَّيْنَاهْ. وَكِتْ أَنِحْنَ قَاعِدِينْ مَعَاكُو، شِفْتُوا أَنِحْنَ مَا عَاطِلِينْ.

2 تِمُوتَاوُس 4:2

بَلِّغْ كَلَامْ اللّٰهْ. أنْكَرِبْ فَوْقَهْ كَنْ تَلْقَى مِنْ النَّاسْ مُرّ وَلَّا حَلُو كُلَ. جِيبْ النَّاسْ فِي الدَّرِبْ. الْوَاحِدِينْ أَهْرِجْهُمْ وَ الْوَاحِدِينْ شَجِّعْهُمْ. عَلِّمْهُمْ كُلُّهُمْ بِصَبُرْ شَدِيدْ.