1 تَسَلونِيكِي 1:5 - الكتاب المقدس بالعربي الدارجي هنا تشاد

⁵ أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

1 تَسَلونِيكِي 1:5 Referenca të Kryqëzuara

مَرْخُوس 16:20

وَ تَلَامِيذَهْ مَشَوْا وَ بَلَّغَوْا الْبِشَارَةْ لِلنَّاسْ فِي أَيِّ بَكَانْ. وَ الرَّبّ عَاوَنَاهُمْ وَ أَنْطَاهُمْ عَجَايِبْ أَشَانْ يِثَبِّتْ الْبِشَارَةْ الْهُمَّنْ قَاعِدِينْ يِبَلُّغُوهَا. آمِينْ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

1 بُطْرُس 1:12

وَ اللّٰهْ وَصَّفْ لِلْأَنْبِيَاء كَدَرْ هُمَّنْ يَخْدُمُوا لَيْكُو إِنْتُو وَ مَا لِنُفُوسْهُمْ. هُمَّنْ كَلَّمَوْا بِالْأَشْيَاءْ الْيَبْقَوْا فِي وَكِتْنَا. وَ إِنْتُو سِمِعْتُوا بِخَبَرْهُمْ مِنْ النَّاسْ الْبَلَّغَوْا لَيْكُو الْبِشَارَةْ. وَ دَا، بِقُدْرَةْ الرُّوحْ الْقُدُّوسْ الْاللّٰهْ نَزَّلَهْ مِنْ السَّمَاءْ. وَ الْكَلَامْ دَا، الْمَلَائِكَةْ ذَاتْهُمْ دَوَّرَوْا يَفْهَمَوْه.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

1 كُرُنْتُس 4:20

أَشَانْ مَمْلَكَةْ اللّٰهْ مَا مَبْنِيَّةْ بِكَلَامْ النَّاسْ. لَا! هِي مَبْنِيَّةْ بِقُدْرَةْ اللّٰهْ.

أفَسُس 3:20

وَ الْحَمْدُ للّٰهْ! بِقُدُرْتَهْ الْقَاعِدَةْ فَوْقنَا، اللّٰهْ يَقْدَرْ يِسَوِّي زِيَادَةْ مِنْ كُلَّ شَيّءْ النَّسْأَلَوْه مِنَّهْ وَ زِيَادَةْ بِلْحَيْن مِنْ أَيِّ شَيّءْ الْقَاعِدْ فِي فِكِرْنَا.

رَوْمَا 1:16

أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ.

أعمال الرُسُل 11:21

وَ قُدْرَةْ اللّٰهْ مَعَاهُمْ وَ نَاسْ كَتِيرِينْ آمَنَوْا بِالرَّبّ عِيسَى وَ شَالَوْا دَرْبَهْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

2 تِمُوتَاوُس 2:8

فَكِّرْ فِي عِيسَى الْمَسِيحْ. هُو مِنْ ذُرِّيَّةْ دَاوُدْ وَ بَعَثْ مِنْ أُسْط الْمَيْتِينْ. وَ دِي بَسْ الْبِشَارَةْ الْأَنَا بَلَّغْتَهَا لِلنَّاسْ.

فِلِبِّي 4:9

وَ طَبُّقُوا دَايْماً كُلَّ شَيّءْ الْعَلَّمْتُوهْ مِنِّي وَ لِقِيتُوهْ مِنِّي، كَنْ مِنْ كَلَامِي السِّمِعْتُوهْ وَلَّا مِنْ حَالِي الشِّفْتُوهَا. وَ اللّٰهْ رَبّ السَّلَامْ يُكُونْ مَعَاكُو.

2 بُطْرُس 1:10

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

عِبْرَانِيِّين 6:11

وَ نِدَوْرُوا كَدَرْ أَيِّ وَاحِدْ مِنْكُو يِوَصِّفْ دَايْماً النِّيَّةْ الْعَدِيلَةْ الْمِثِلْ دِي وَ عَشَمْكُو يَبْقَى بَلَا شَكَكْ لَحَدِّي الْأَخِيرْ.

فِلِبِّي 2:13

أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

غَلاطِية 5:5

لَاكِنْ بِقُدْرَةْ الرُّوحْ الْقُدُّوسْ، أَنِحْنَ نُخُطُّوا عَشَمْنَا فِي اللّٰهْ الْيِسَوِّينَا صَالِحِينْ بِسَبَبْ إِيمَانَّا الْقَاعِدِينْ نِتْمَنَّوْه بِزِيَادَةْ.

غَلاطِية 2:2

مَشَيْت بِسَبَبْ رُؤْيَةْ مِنْ اللّٰهْ. وَ مَشَيْت لِكُبَارَاتْ الْمُؤمِنِينْ الْمَعْرُوفِينْ وَ لَمَّيْت مَعَاهُمْ فِي مَلَمَّةْ وِحَيْدنَا. وَ قَدَّمْت لَيْهُمْ الْبِشَارَةْ الْبَلَّغْتَهَا فِي أُسْط النَّاسْ الْمَا يَهُودْ. دَوَّرْت نِأَكِّدْ كَدَرْ الْخِدْمَةْ الْأَوَّلْ سَوَّيْتهَا وَ الْهَسَّعْ قَاعِدْ نِسَوِّيهَا مَا تَبْقَى بَاطْلَةْ.

2 كُرُنْتُس 3:6

أَيْوَى، هُو أَنْطَانَا الْقُدْرَةْ لِنَبْقَوْا خَدَّامِينْ وَ نَخْدُمُوا لِلّٰهْ فِي الْمُعَاهَدَةْ الْجَدِيدَةْ. وَ الْمُعَاهَدَةْ الْجَدِيدَةْ دِي مَا هَنَا شُرُوطْ مَكْتُوبِينْ وَ لَاكِنْ هَنَا رُوحْ اللّٰهْ. أَشَانْ مُعَاهَدَةْ الشُّرُوطْ الْمَكْتُوبِينْ تِجِيبْ الْمَوْت وَ لَاكِنْ رُوحْ اللّٰهْ يِجِيبْ الْحَيَاةْ.

1 كُرُنْتُس 10:33

سَوُّوا مِثْلِي أَنَا. أَنَا نِدَوْر دَايْماً نِسَوِّي الشَّيّءْ الْكُلَّ النَّاسْ يَرْضَوْا بَيَّهْ. وَ مَا نِفَتِّشْ الشَّيّءْ الْيِجِيبْ لَيِّ أَنَا بَسْ فَايْدَةْ لَاكِنْ نِفَتِّشْ الشَّيّءْ الْيِجِيبْ فَايْدَةْ لِكُلَّ النَّاسْ أَشَانْ نِدَوْر هُمَّنْ يَنْجَوْا.

1 كُرُنْتُس 3:16

إِنْتُو نِسِيتُوا وَلَّا؟ إِنْتُو ذَاتْكُو بَيْت اللّٰهْ. رُوحْ اللّٰهْ سَاكِنْ فَوْقكُو.

1 كُرُنْتُس 3:6

إِنْتُو مِثِلْ جِنَيْنَةْ وَ أَنَا تَيْرَبْت فَوْقهَا كَلَامْ اللّٰهْ وَ أَبُلُوسْ زَقَاهَا لَاكِنْ اللّٰهْ بَسْ قَوَّمْ الْبِذْرَةْ.

1 كُرُنْتُس 1:24

لَاكِنْ لِكُلَّ النَّاسْ الْاللّٰهْ نَادَاهُمْ فِي دَرْبَهْ، كَنْ مِنْ الْيَهُودْ وَلَّا مِنْ الْيُونَانِيِّينْ كُلَ، الْمَسِيحْ هُو قُدْرَةْ اللّٰهْ وَ حِكْمَةْ اللّٰهْ.

رَوْمَا 2:16

وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

أعمال الرُسُل 16:14

وَ بَيْن الْعَوِينْ فِي مَرَةْ وَاحِدَةْ تَاجْرِيَّةْ هَنَا قُمَاشْ غَالِي وَ هِي مِنْ حِلَّةْ ثِيَاتِيرَةْ. هِي مَا مِنْ بَنَاتْ الْيَهُودْ وَ لَاكِنْ قَاعِدَةْ تَعَبُدْ اللّٰهْ مَعَاهُمْ وَ أُسُمْهَا لِيدِيَةْ. وَكِتْ قَاعِدَةْ تَسْمَعْ كَلَامْ بُولُسْ، الرَّبّ فَتَحْ قَلِبْهَا أَشَانْ تُخُطّ بَالْهَا لِكَلَامَهْ وَ تِآمِنْ.

أعمال الرُسُل 2:33

وَ اللّٰهْ رَفَعْ عِيسَى وَ قَعَّدَهْ فِي جَنْبَهْ فِي نُصَّهْ الزَّيْنَايْ. هَسَّعْ اللّٰهْ أَبُوهْ أَنْطَاهْ الرُّوحْ الْقُدُّوسْ الْوَاعَدَانَا بَيَّهْ مِنْ زَمَانْ وَ عِيسَى نَزَّلَهْ فَوْقنَا. وَ بِمِثِلْ دَا بَسْ، الشَّيّءْ الْإِنْتُو قَاعِدِينْ تِشِيفُوهْ وَ تَسْمَعَوْه بِقِي.

إشَعْيا 55:11

وَ الْمَطَرْ دَا مِثِلْ كَلَامِي. وَكِتْ يَمْرُقْ مِنْ خَشْمِي، مَا يِقَبِّلْ لَيِّ سَاكِتْ بَلَا نَتِيجَةْ وَ بَلَا مَا حَقَّقْ هَدَفْ الْأَنَا نِدَوْرَهْ وَ بَلَا مَا سَوَّى الرَّسَّلْتَهْ لَيَّهْ.»

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.

1 بُطْرُس 5:3

وَ مَا تَمُلْكُوا بِشِدَّةْ فِي النَّاسْ الْاللّٰهْ كَلَّفَاكُو بَيْهُمْ مِثِلْ رُعْيَانْ لَاكِنْ أَبْقَوْا لَيْهُمْ مَثَلْ لَحَدِّي يِتَابُعُوا دَرِبْكُو.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

لُوقا 1:1

يَا ثَاوُفِيلُسْ الْمُحْتَرَمْ، صَحِيحْ نَاسْ كَتِيرِينْ دَوَّرَوْا يِسَجُّلُوا تَارِيخْ الْأَشْيَاءْ الْبِقَوْا فِي أُسُطْنَا.

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

1 كُرُنْتُس 9:14

وَ مِثِلْ دَا، رَبِّنَا عِيسَى أَمَرْ وَ قَالْ كَدَرْ النَّاسْ الْخِدْمِتْهُمْ بَلِّغِينْ بِشَارَةْ الْمَسِيحْ، هُمَّنْ يَلْقَوْا مِنْهَا مَعَاشْهُمْ.