1 تَسَلونِيكِي 1:10 - الكتاب المقدس بالعربي الدارجي هنا تشاد

¹⁰ وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

1 تَسَلونِيكِي 1:10 Referenca të Kryqëzuara

1 تَسَلونِيكِي 5:9

أَشَانْ اللّٰهْ مَا قَدَّرْ لَيْنَا الْعَذَابْ. لَا. هُو قَدَّرْ لَيْنَا النَّجَاةْ بِرَبِّنَا عِيسَى الْمَسِيحْ.

مَتَّى 3:7

وَ يَحْيَى شَافْ أَمْبَيْنَاتْهُمْ نَاسْ كَتِيرِينْ مِنْ الْفَرِيزِيِّينْ وَ الصَّدُّوقِيِّينْ. وَ هُمَّنْ مَاشِينْ لَيَّهْ أَشَانْ هُو يِغَطِّسْهُمْ. وَ قَالْ لَيْهُمْ: «يَا عِيَالْ الدَّابِي! يَاتُو الْقَالْ لَيْكُو أَجْرُوا مِنْ الْعَذَابْ الْجَايِ؟

أعمال الرُسُل 2:24

وَ لَاكِنْ اللّٰهْ بَعَثَهْ مِنْ أُسْط الْمَيْتِينْ وَ دَمَّرْ تَعَبْ الْمَوْت أَشَانْ مَا مُمْكِنْ الْمَوْت يِنَّصِرْ فَوْقَهْ.

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

رَوْمَا 4:25

اللّٰهْ سَلَّمَهْ لِلْمَوْت بِسَبَبْ خَطَايَانَا وَ بَعَثَهْ أَشَانْ بَيَّهْ هُو، نَبْقَوْا صَالِحِينْ.

لُوقا 3:7

وَ نَاسْ كَتِيرِينْ مَارْقِينْ مِنْ حِلَّالْهُمْ وَ مَاشِينْ لَيَّهْ أَشَانْ هُو يِغَطِّسْهُمْ. وَ قَالْ لَيْهُمْ: «يَا عِيَالْ الدَّابِي! يَاتُو الْقَالْ لَيْكُو أَجْرُوا مِنْ الْعَذَابْ الْجَايِ؟

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

رُؤية 1:18

أَنَا الْحَيّ. أَوَّلْ أَنَا مُتّْ وَ هَسَّعْ أَنَا حِيِيتْ وَ أَبَداً مَا نُمُوتْ بَتَّانْ. وَ عِنْدِي مُفْتَاحْ هَنَا الْمَوْت وَ الْقَبُرْ.

أعمال الرُسُل 1:11

وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

1 تَسَلونِيكِي 2:16

هُمَّنْ يَدْحَرَوْنَا مَا نِبَلُّغُوا الْبِشَارَةْ التِّنَجِّي النَّاسْ، لِلنَّاسْ الْمَا يَهُودْ. وَ مِثِلْ دَا، يِتَمُّمُوا عَدَدْ ذُنُوبْهُمْ مَرَّةْ وَاحِدْ وَ غَضَبْ اللّٰهْ نَزَلْ فَوْقهُمْ خَلَاصْ.

1 كُرُنْتُس 1:7

وَ فِي شَانْ دَا بَسْ، مَا فِي أَيِّ بَرَكَةْ مِنْ بَرَكَاتْ الرُّوحْ الْقُدُّوسْ الْقَصَّرَتْ لَيْكُو، إِنْتُو الْقَاعِدِينْ تَرْجَوْا الْيَوْم الْاللّٰهْ يِبَيِّنْ فَوْقَهْ رَبِّنَا عِيسَى الْمَسِيحْ.

2 بُطْرُس 3:12

أَرْجَوْا يَوْم اللّٰهْ وَ أَتْمَنَّوْا جَيْتَهْ. وَ فِي الْيَوْم دَا، السَّمَاوَاتْ يِنْحَرْقُوا وَ يِدَّمَّرَوْا وَ النُّجُومْ يُمُوعُوا فِي الْحَمُو.

عِبْرَانِيِّين 10:27

لَاكِنْ مَا فِي شَيّءْ يِفَضِّلْ لَيْنَا إِلَّا نَرْجَوْا بِخَوْف شَدِيدْ الْحِسَابْ وَ النَّارْ الْمُحْرِقَةْ هَنَا غَضَبْ اللّٰهْ التَّاكُلْ كُلَّ الْعَاصِيِينْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

فِلِبِّي 3:20

لَاكِنْ جِنْسِيِّتْنَا أَنِحْنَ، هِي الْجِنْسِيَّةْ السَّمَاوِيَّةْ. وَ أَنِحْنَ نَرْجَوْا مُنَجِّينَا الْيَجِي مِنْ السَّمَاءْ وَ خَاطِّينْ بَالْنَا فِي جَيْتَهْ وَ هُو رَبِّنَا عِيسَى الْمَسِيحْ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

أعمال الرُسُل 17:31

وَ اللّٰهْ قَطَعْ لَيْنَا يَوْم أَشَانْ يِحَاسِبْ فَوْقَهْ كُلَّ نَاسْ الدُّنْيَا بِالْعَدَالَةْ. وَ اللّٰهْ كَلَّفْ الْحِسَابْ دَا لِلرَّاجِلْ الْهُو عَزَلَهْ. وَ الرَّاجِلْ دَا، اللّٰهْ بَعَثَهْ مِنْ أُسْط الْمَيْتِينْ أَشَانْ كُلَّ النَّاسْ يَعَرْفُوا دَا بَسْ الرَّاجِلْ الْهُو عَزَلَهْ.»

أعمال الرُسُل 4:10

خَلَاصْ، أَعَرْفُوا كُلُّكُو وَ خَلِّي كُلَّ بَنِي إِسْرَائِيلْ يَعَرْفُوا كَدَرْ النَّادُمْ الْوَاقِفْ قِدَّامْكُو دَا لِقِي الْعَافَيْ بِأُسُمْ عِيسَى الْمَسِيحْ الْمِنْ النَّاصِرَةْ. وَ عِيسَى دَا، هُو بَسْ النَّادُمْ الْإِنْتُو كَتَلْتُوهْ فِي الصَّلِيبْ وَ اللّٰهْ بَعَثَهْ مِنْ أُسْط الْمَيْتِينْ.

أعمال الرُسُل 3:21

وَاجِبْ يَقْعُدْ فِي السَّمَاءْ لَحَدِّي يَوْم الْفَوْقَهْ اللّٰهْ يِجَدِّدْ كُلَّ شَيّءْ. وَ دَا مِثِلْ هُو قَالَهْ مِنْ زَمَانْ بِوَاسِطَةْ الْأَنْبِيَاء الصَّالِحِينْ الرَّسَّلَاهُمْ.

أعمال الرُسُل 3:15

وَ خَلَاصْ، كَتَلْتُوا النَّادُمْ الْيَنْطِيكُو الْحَيَاةْ. وَ لَاكِنْ اللّٰهْ بَعَثَهْ مِنْ أُسْط الْمَيْتِينْ وَ أَنِحْنَ شُهُودْ لِبُعَاثَهْ.

مَتَّى 1:21

وَ هِي تَلْدَ وِلَيْد وَ إِنْتَ تِسَمِّيهْ عِيسَى أَشَانْ هُو بَسْ النَّادُمْ الْيِنَجِّي شَعَبَهْ مِنْ ذُنُوبْهُمْ.»

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

1 بُطْرُس 2:21

دَا بَسْ الدَّرِبْ وَ اللّٰهْ نَادَاكُو لِتِشِيلُوهْ. أَشَانْ الْمَسِيحْ كُلَ تِعِبْ فِي شَانْكُو وَ بِقِي لَيْكُو مَثَلْ أَشَانْ تِتَابُعُوهْ.

2 تِمُوتَاوُس 4:1

نِوَصِّيكْ قِدَّامْ اللّٰهْ وَ قِدَّامْ الْمَسِيحْ عِيسَى الْيِشَارِعْ الْحَيِّينْ وَ الْمَيْتِينْ وَ دَا فِي الْيَوْم الْهُو يِبِينْ فَوْقَهْ فِي مَمْلَكَتَهْ.

1 تَسَلونِيكِي 2:7

أَنِحْنَ رُسُلْ الْمَسِيحْ وَ عِنْدِنَا حَقّ لِنَطُلْبُوا مِنْكُو شَيّءْ كَتِيرْ، لَاكِنْ أَنِحْنَ مَا شِلْنَا مِنْكُو شَيّءْ. وَكِتْ أَنِحْنَ قَاعِدِينْ فِي أُسُطْكُو، حَنَّيْنَا فَوْقكُو مِثِلْ الْأَمّ التِّحِنّ فِي عِيَالْهَا.

1 تَسَلونِيكِي 1:7

وَ بَيْدَا، إِنْتُو بِقِيتُوا مَثَلْ عَدِيلْ لِكُلَّ الْمُؤمِنِينْ الْفِي بُلْدَانْ مَقِدُونِيَةْ وَ أَخَايَةْ.

كُلُوسِي 1:18

هُو بَسْ رَاسْ الْجِسِمْ وَ الْجِسِمْ هُو أُمَّةْ الْمَسِيحْ. وَ هُو الْبِدَايَةْ وَ أَوَّلْ نَادُمْ الْبَعَثْ مِنْ أُسْط الْمَيْتِينْ. وَ اللّٰهْ سَوَّى مِثِلْ دَا أَشَانْ إِبْنَهْ يَبْقَى الْأَوَّلْ فِي كُلِّ شَيّءْ.

رَوْمَا 1:4

وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا.

لُوقا 2:25

وَ فِيَّهْ رَاجِلْ وَاحِدْ فِي مَدِينَةْ الْقُدُسْ أُسْمَهْ سَمْعَانْ وَ هُو نَادُمْ صَالِحْ وَ تَقِي. وَ هُو قَاعِدْ يَرْجَى بِعَشَمْ السَّلَامْ الْيِرَسِّلَهْ اللّٰهْ لِبَنِي إِسْرَائِيلْ. وَ الرُّوحْ الْقُدُّوسْ قَاعِدْ فَوْقَهْ.

تكوين 49:18

«يَا اللّٰهْ، نَرْجَى فَزَعَكْ!

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

أعمال الرُسُل 2:32

«وَ عِيسَى دَا، اللّٰهْ بَعَثَهْ وَ أَنِحْنَ شِفْنَاهْ وَ كُلِّنَا شُهُودْ لَيَّهْ.