1 تَسَلونِيكِي 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

1 تَسَلونِيكِي 1:1 Referenca të Kryqëzuara

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

أعمال الرُسُل 20:4

وَ أَخْوَانْ وَاحِدِينْ سَافَرَوْا مَعَايَهْ وَ هُمَّنْ سُوبَاتَرْ وِلَيْد بِرُّسْ مِنْ حِلَّةْ بِرِيَّةْ وَ أَرِسْتَارْكُسْ وَ سُكُونْدُس مِنْ حِلَّةْ تَسَلُونِيكِي وَ غَايُسْ مِنْ حِلَّةْ دَرْبَةْ وَ تِمُوتَاوُسْ. وَ تِشِيكُسْ وَ تُرُوفِيمُسْ مِنْ بَلَدْ آسِيَا.

أعمال الرُسُل 18:5

وَ وَكِتْ سِيلَا وَ تِمُوتَاوُسْ جَوْا مِنْ بَلَدْ مَقِدُونِيَةْ، بُولُسْ خَلَّى خِدِمْتَهْ وَ قَمَّ يِبَلِّغْ الْبِشَارَةْ كُلَّ يَوْم. وَ يِحَجِّي لِلْيَهُودْ وَ يَشْهَدْ كَدَرْ عِيسَى بَسْ الْمَسِيحْ.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

1 بُطْرُس 5:12

وَ أَنَا كَتَبْت لَيْكُو الْجَوَابْ الْقِصَيِّرْ دَا مَعَ أَخُونَا سِيلَا وَ نَشْهَدْ لَيَّهْ، هُو أَخُو صَادِقْ. وَ كَتَبْتَهْ لَيْكُو أَشَانْ نِشَجِّعْكُو وَ نَشْهَدْ لَيْكُو كَدَرْ عِنْدُكُو نِعْمَةْ اللّٰهْ الصَّحِيحَةْ وَ إِنْتُو قَاعِدِينْ ثَابْتِينْ فَوْقهَا.

2 كُرُنْتُس 1:19

أَشَانْ إِبْن اللّٰهْ عِيسَى الْمَسِيحْ الْأَنَا وَ أَخْوَانِي سِيلَا وَ تِمُوتَاوُسْ بَلَّغْنَاكُو بَيَّهْ، أَبَداً مَا يِخَلْبِطْ «أَيْوَى» وَ «لَا». كَلَامَهْ دَايْماً، أَيْوَى.

أعمال الرُسُل 19:22

وَ بُولُسْ عَزَلْ نَاسَيْن مِنْ الْأَخْوَانْ الْقَاعِدِينْ يَخْدُمُوا مَعَايَهْ وَ رَسَّلَاهُمْ فِي مَقِدُونِيَةْ أَشَانْ يَمْشُوا قِدَّامَهْ. وَ هُمَّنْ تِمُوتَاوُسْ وَ رَسْطُسْ. وَ بُولُسْ ذَاتَهْ قَعَدْ بَتَّانْ مُدَّةْ قِصَيْرَةْ فِي بَلَدْ آسِيَا.

أعمال الرُسُل 17:11

وَ الْيَهُودْ الْفِي بِرِيَّةْ كَرِيمِينْ مِنْ الْيَهُودْ الْقَاعِدِينْ فِي تَسَلُونِيكِي. هُمَّنْ سِمْعَوْا كَلَامْ اللّٰهْ بِفَرْحَةْ وَ قَمَّوْا يَقْرُوا فِي الْكِتَابْ كُلَّ يَوْم أَشَانْ يَعَرْفُوا كَنْ تَعْلِيمْ هَنَا بُولُسْ صَحِيحْ وَلَّا مَا صَحِيحْ.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.

2 تِمُوتَاوُس 1:2

وَ نَكْتِبْ لَيْك إِنْتَ، يَا تِمُوتَاوُسْ، الْبِقِيتْ وِلَيْدِي النِّرِيدَكْ. عَلَيْكُمْ السَّلَامْ وَ النِّعْمَةْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ رَبِّنَا.

1 تِمُوتَاوُس 1:2

وَ نَكْتِبْ لَيْك إِنْتَ، يَا تِمُوتَاوُسْ، الْبِقِيتْ وِلَيْدِي الصَّحِيحْ بِالْإِيمَانْ. عَلَيْكُمْ السَّلَامْ وَ النِّعْمَةْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ رَبِّنَا.

كُلُوسِي 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ وَ دَاهُو نَكْتِبْ مَعَ أَخُونَا تِمُوتَاوُسْ

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

أفَسُس 1:2

عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

غَلاطِية 1:22

وَ فِي الْوَكِتْ دَا، جَمَاعَاتْ الْمَسِيحِيِّينْ الْفِي دَارْ الْيَهُودِيَّةْ لِسَّاعْهُمْ مَا عِرْفَوْنِي.

غَلاطِية 1:2

الْجَوَابْ دَا جَايِ مِنِّي وَ مِنْ كُلَّ الْأَخْوَانْ الْمَعَايِ وَ هُو لِجَمَاعَاتْ الْمُؤمِنِينْ الْفِي بَلَدْ غَلَاطِيَةْ.

2 كُرُنْتُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

أعمال الرُسُل 16:29

وَ الْحَرَسْ نَادَى أَشَانْ يِجِيبُوا لَيَّهْ ضَيّ وَ دَخَلْ عَجَلَةْ فِي السِّجِنْ. وَ قَاعِدْ يَرْجِفْ مِنْ الْخَوْف وَ مَشَى وَقَعْ قِدَّامْ بُولُسْ وَ سِيلَا.

أعمال الرُسُل 16:25

وَ فِي أُسْط اللَّيْل، بُولُسْ وَ سِيلَا قَاعِدِينْ يِصَلُّوا وَ يَمْدَحَوْا وَ يَشْكُرُوا اللّٰهْ وَ الْمَسَاجِينْ قَاعِدِينْ يَسْمَعَوْهُمْ.

أعمال الرُسُل 16:19

وَ وَكِتْ سِيَادْهَا شَافَوْا الْقُرُسْ الْيَلْقَوْه مِنْهَا أَنْقَطَعْ، كَرَبَوْهُمْ لِبُولُسْ وَ سِيلَا وَ كَرَّوْهُمْ فِي أُسْط الْحِلَّةْ فِي بَكَانْ الْمَلَمَّةْ، قِدَّامْ الْكُبَارَاتْ.

أعمال الرُسُل 15:40

وَ بُولُسْ عَزَلْ سِيلَا أَشَانْ يَمْشِي مَعَايَهْ. وَ الْأَخْوَانْ أَمَّنَوْه لِرَحْمَةْ الرَّبّ عِيسَى وَ خَلَاصْ بُولُسْ مَشَى.

أعمال الرُسُل 15:27

وَ رَسَّلْنَا لَيْكُو يَهُوذَا وَ سِيلَا أَشَانْ يِحَجُّوا لَيْكُو وَ يُقُولُوا نَفْس الْكَلَامْ الْكَتَبْنَاهْ لَيْكُو.

1 يُوحَنَّا 1:3

وَ الشَّيّءْ الشِّفْنَاهْ وَ سِمِعْنَاهْ أَنِحْنَ نِبَلُّغُوهْ لَيْكُو أَشَانْ نِدَوْرُوا إِنْتُو كُلَ تُكُونُوا مَعَانَا فِي الْعَلَاقَةْ. وَ الْعَلَاقَةْ الْعِنْدِنَا دِي، هِي عَلَاقَةْ مَعَ أَبُونَا اللّٰهْ وَ مَعَ إِبْنَهْ عِيسَى الْمَسِيحْ.

أعمال الرُسُل 15:22

وَ خَلَاصْ الرُّسُلْ وَ الْكُبَارَاتْ وَ جَمَاعَةْ الْمُؤمِنِينْ كُلُّهُمْ أَسْتَفَقَوْا وَ عَزَلَوْا رُجَالْ إِتْنَيْن مِنْ الْأَخْوَانْ أَشَانْ يِرَسُّلُوهُمْ فِي أَنْطَاكِيَةْ مَعَ بُولُسْ وَ بَرْنَابَا. وَ عَزَلَوْا يَهُوذَا الْبِنَادُوهْ بَارْ سَابَا وَ عَزَلَوْا مَعَايَهْ سِيلَا. هُمَّنْ رُجَالْ الْكُلَّ الْأَخْوَانْ بِكَرُّمُوهُمْ.