1 صَمُوِيل 8:9 - الكتاب المقدس بالعربي الدارجي هنا تشاد

⁹ وَ هَسَّعْ دَا خَلَاصْ، أَقْبَلْ طَلَبْهُمْ. لَاكِنْ حَذِّرْهُمْ وَ عَرِّفْهُمْ حُقُوقْ الْمَلِكْ الْيَحْكِمْهُمْ.»

1 صَمُوِيل 8:9 Referenca të Kryqëzuara

1 صَمُوِيل 10:25

وَ صَمُوِيلْ كَلَّمْ لِلشَّعَبْ بِكُلَّ حُقُوقْ الْمَلِكْ وَ كَتَبَاهُمْ فِي كِتَابْ وَ خَطَّاهْ قِدَّامْ اللّٰهْ. وَ بَعَدْ دَا، صَمُوِيلْ قَالْ لِكُلَّ الشَّعَبْ خَلِّي أَيِّ وَاحِدْ يِقَبِّلْ بَيْتَهْ.

حِزْقِيال 46:18

وَ الْمَلِكْ مَا يِشِيلْ شَيّءْ مِنْ وَرَثَةْ الشَّعَبْ وَ مَا يَظْلُمْهُمْ فِي حَقُّهُمْ. وَ شَيّءْ الْحَقَّهْ هُو بَسْ يَنْطِيهْ لِعِيَالَهْ وَرَثَةْ. أَشَانْ مَا فِي نَادُمْ وَاحِدْ مِنْ شَعَبِي يَدْحَرَوْه مِنْ وَرَثَتَهْ.»

حِزْقِيال 3:18

وَ كَنْ نُقُولْ لِلْعَاصِي هُو يُمُوتْ وَ إِنْتَ مَا تِحَجِّي لَيَّهْ وَ لَا تِحَذِّرَهْ مِنْ دَرْبَهْ الْفَسِلْ لِحَيَاتَهْ تَنْجَى، الْعَاصِي دَا كَنْ يُمُوتْ فِي خَطَايَهْ، أَنَا نَطْلُبْ دِمِّتَهْ مِنَّكْ.

1 صَمُوِيل 14:52

فِي وَكِتْ شَاوُولْ، الْحَرِبْ ضِدّ الْفِلِسْطِيِّينْ بِقِي شَدِيدْ بِلْحَيْن. وَ شَاوُولْ قَاعِدْ يِجَنِّدْ كُلَّ الرُّجَالْ الْفَحَلِينْ وَ الْقَادْرِينْ.

1 صَمُوِيل 2:13

وَ دِي هِي الطَّرِيقَةْ الْهُمَّنْ قَاعِدِينْ يِعَامُلُوا بَيْهَا النَّاسْ. كَنْ أَيِّ نَادُمْ قَدَّمْ ضَحِيَّةْ، خَدَّامْ أَوْلَادْ عَالِي يَجِي لَيَّهْ وَكِتْ قَاعِدِينْ يِرَكُّبُوا اللَّحَمْ وَ عِنْدَهْ فِي إِيدَهْ حَدِيدَايْ الْعِنْدَهَا تَلَاتَةْ سُنُونْ.

1 صَمُوِيل 8:8

أَعَرِفْ! مِنْ يَوْم الْأَنَا مَرَقْتُهُمْ مِنْ بَلَدْ مَصِرْ لَحَدِّي هَسَّعْ، هُمَّنْ خَلَّوْنِي وَ عَبَدَوْا إِلٰـهَاتْ آخَرِينْ. وَ الشَّيّءْ الدَّايْماً سَوَّوْه لَيِّ أَنَا دَا، هَسَّعْ قَاعِدِينْ يِسَوُّوهْ لَيْك إِنْتَ كُلَ!

1 صَمُوِيل 12:1

وَ صَمُوِيلْ قَالْ لِبَنِي إِسْرَائِيلْ: «دَاهُو أَنَا سِمِعْت كُلَّ كَلَامْكُو وَ دَرَّجْت لَيْكُو مَلِكْ.

إرْمِيا 11:7

أَنَا اللّٰهْ حَذَّرْت جُدُودْكُو دَايْماً وَ دَا مِنْ يَوْم مَرَقْتُهُمْ مِنْ بَلَدْ مَصِرْ لَحَدِّي الْيَوْم. وَ قُلْت لَيْهُمْ: ”أَسْمَعَوْا كَلَامِي!“