1 صَمُوِيل 8:5 - الكتاب المقدس بالعربي الدارجي هنا تشاد

⁵ وَ قَالَوْا لَيَّهْ: «دَاهُو إِنْتَ بِقِيتْ شَايِبْ وَ أَوْلَادَكْ مَا قَاعِدِينْ يِتَابُعُوا دَرْبَكْ. هَسَّعْ دَا، دَرِّجْ لَيْنَا مَلِكْ يَحْكِمْنَا، مِثِلْ الْأُمَمْ الْآخَرِينْ.»

1 صَمُوِيل 8:5 Referenca të Kryqëzuara

أعمال الرُسُل 13:21

وَ بَنِي إِسْرَائِيلْ سَأَلَوْا صَمُوِيلْ أَشَانْ يُخُطّ لَيْهُمْ مَلِكْ وَ اللّٰهْ عَزَلْ شَاوُولْ وِلَيْد قِيشْ مِنْ قَبِيلَةْ بَنْيَامِينْ وَ بِقِي لَيْهُمْ مَلِكْ مُدَّةْ 40 سَنَةْ.

1 صَمُوِيل 12:17

دَا دَرَتْ، وَكِتْ قَطِعِينْ الْقَمَحْ. وَ هَسَّعْ بَسْ، أَنَا نَسْأَلْ اللّٰهْ وَ هُو يِنَزِّلْ مَطَرَةْ وَ رَعَدْ. وَ بَيْدَا، إِنْتُو تِشِيفُوا وَ تَعَرْفُوا كَدَرْ إِنْتُو سَوَّيْتُوا خَطَا كَبِيرْ قِدَّامْ اللّٰهْ وَكِتْ إِنْتُو طَلَبْتُوا مِنَّهْ مَلِكْ!»

عَدد 23:9

وَ وَكِتْ نِشِيفْهُمْ مِنْ رَاسْ الْحَجَرْ وَ وَكِتْ نِرَاقِبْهُمْ مِنْ رَاسْ الْجَبَلْ، أَنَا نِشِيفْهُمْ شَعَبْ يَسْكُنْ مَعْزُولْ وَ مَا مَحْسُوبِينْ مَعَ بَاقِي الْأُمَمْ.

1 صَمُوِيل 9:20

وَ كَنْ لِلْحَمِيرْ الْوَدَّرَوْا عِنْدُهُمْ تَلَاتَةْ يَوْم، مَا تِهِمّ لَيْهُمْ. هُمَّنْ أَنْلَقَوْا. وَ الْمُنَى هَنَا شَعَبْ بَنِي إِسْرَائِيلْ دَا، فِي يَاتُو؟ مَا فِيكْ إِنْتَ وَ عَايِلَةْ أَبُوكْ وَلَّا؟»

1 صَمُوِيل 12:2

وَ هَسَّعْ دَا، دَاهُو عِنْدُكُو مَلِكْ قَاعِدْ يُقُودْكُو. وَ كَنْ لَيِّ أَنَا كَمَانْ، أَنَا بِقِيتْ شَايِبْ وَ رَاسِي كُلَ بِقِي أَبْيَضْ. وَ دَاهُو عِيَالِي كُلَ قَاعِدِينْ مَعَاكُو وَ تَعَرْفُوا كَدَرْ أَنَا قُدْتُكُو مِنْ صُبَايِ لَحَدِّي الْيَوْم.

1 صَمُوِيل 12:13

«وَ هَسَّعْ دَا، دَاهُو الْمَلِكْ الْإِنْتُو دَوَّرْتُوهْ وَ طَلَبْتُوهْ. وَ هُو بَسْ الْمَلِكْ الْاللّٰهْ دَرَّجَهْ فَوْقكُو.

قُضياء 8:22

وَ رُجَالْ بَنِي إِسْرَائِيلْ قَالَوْا لِقِدْعُونْ: «إِنْتَ بَسْ أَبْقَى مَلِكْنَا. وَ بَعَدَكْ إِنْتَ، وِلَيْدَكْ وَ وِلَيْد وِلَيْدَكْ يَبْقَوْا مُلُوكْنَا أَشَانْ إِنْتَ نَجَّيْتنَا مِنْ الْمِدْيَانِيِّينْ.»

1 صَمُوِيل 10:19

وَ لَاكِنْ الْيَوْم إِنْتُو أَبَيْتُوا إِلٰـهْكُو النَّجَّاكُو مِنْ كُلَّ الْمَصَايِبْ وَ مِنْ كُلَّ التَّعَبْ. وَ قُلْتُوا لَيَّهْ: ‹أَيْوَى! دَرِّجْ لَيْنَا مَلِكْ!› هَسَّعْ دَا، تَعَالُوا قِدَّامْ اللّٰهْ بِقَبَايِلْكُو وَ خُشُومْ بُيُوتْكُو.»