1 صَمُوِيل 8:3 - الكتاب المقدس بالعربي الدارجي هنا تشاد

³ لَاكِنْ الْأَوْلَادْ دَوْل مَا تَابَعَوْا دَرِبْ أَبُوهُمْ. دَوَّرَوْا مَصْلَحَةْ نَفِسْهُمْ وَ يَقْبَلَوْا الرَّشْوَةْ وَ يِدَنْقُسُوا الشَّرِيعَةْ.

1 صَمُوِيل 8:3 Referenca të Kryqëzuara

تَثْنِية 16:19

وَ أَبَداً مَا تِدَنْقُسُوا الشَّرِيعَةْ وَ مَا تِشِيفُوا نَادُمْ أَحْسَنْ مِنْ نَادُمْ وَ مَا تَقْبَلْ رَشْوَةْ أَشَانْ هِي تَعَمِي عُيُونْ الْحَكِيمْ وَ تِعَوِّجْ كَلَامْ الصَّالِحِينْ.

1 تِمُوتَاوُس 6:10

أَشَانْ حُبّ الْمَالْ، هُو قَعَرْ كُلَّ الْفَسَالَةْ. بِسَبَبْ الطَّمَعْ، نَاسْ وَاحِدِينْ وَدَّرَوْا. مَرَقَوْا مِنْ دَرِبْ الْإِيمَانْ وَ جَابَوْا فِي رَاسْهُمْ نَدَامَةْ شَدِيدَةْ.

زَبُور 15:5

قُرْسَهْ بِرِبَا مَا يِدَيِّنَهْ وَ مَا يِشِيلْ رَشْوَةْ وَ لَا يَظْلُمْ الْبَرِي فِي الشَّرِيعَةْ. النَّادُمْ الْيِسَوِّي مِثِلْ دَا يِعِيشْ دَايْماً بِأَمَانْ.

خُروج 23:8

مَا تَقْبَلْ رَشْوَةْ أَشَانْ هِي تَعَمِي عُيُونْ الْمَسَائِيلْ وَ تِعَوِّجْ كَلَامْ الصَّالِحِينْ.

خُروج 18:21

وَ بَعَدْ دَا، أَعَزِلْ مِنْ كُلَّ الشَّعَبْ رُجَالْ قَادْرِينْ وَ خَايْفِينْ مِنْ الرَّبّ وَ أَمِينِينْ وَ مَا يَقْبَلَوْا الرَّشْوَةْ. وَ خُطُّهُمْ مَسْؤُولِينْ فِي الشَّعَبْ. وَاحِدِينْ مِنْهُمْ يِسَوُّوا شَرِيعَةْ لِأَلِفْ نَادُمْ وَ لِمِيَةْ وَ لِخَمْسِينْ وَ لَا عَشَرَةْ.

1 تِمُوتَاوُس 3:3

وَاجِبْ مَا يَبْقَى سَكَّارِي وَ لَا دَاوَاسِي لَاكِنْ وَاجِبْ يَبْقَى نَادُمْ عِنْدَهْ نَفَسْ بَارِدْ وَ مَا سِيدْ مَشَاكِلْ وَ لَا طَمَّاعْ.

إشَعْيا 33:15

إِلَّا النَّادُمْ الْيُرُوغْ فِي الْعَدَالَةْ وَ يِكَلِّمْ بِالْحَقّ وَ يَابَى مَالْ الظُّلُمْ. وَ يِحِتّ إِيدَيْنَهْ وَ يَابَى الرَّشْوَةْ وَ يِسِدّ أَدَانَهْ مِنْ كَلَامْ دَفِّقِينْ الدَّمّ وَ يِسِدّ عُيُونَهْ أَشَانْ مَا يِشِيفْ الْفَسَالَةْ.

2 صَمُوِيل 15:4

وَ يُقُولْ بَتَّانْ: «كَنْ أَوَّلْ أَنَا بِقِيتْ حَاكِمْ فِي الْبَلَدْ دِي وَ أَيِّ نَادُمْ يَجِي لَيِّ بِضَلِيمْتَهْ أَوْ مُشْكِلْتَهْ، أَنَا نِسَوِّي لَيَّهْ الشَّرِيعَةْ.»

جامِعة 2:19

وَ يَاتُو يَعَرِفْ كَنْ النَّادُمْ دَا يُكُونْ حَكِيمْ أَوْ فِكْرَهْ مَحْدُودْ؟ بَيْدَا كُلَ، هُو يَبْقَى سِيدْ الْخِدْمَةْ الْأَنَا سَوَّيْتهَا بِحِكْمَةْ فِي الْأَرْض. وَ دَا كُلَ زَايِلْ سَاكِتْ.

زَبُور 26:10

هُمَّنْ الْفِي إِيدَيْهُمْ الْفَسَالَةْ وَ إِيدْهُمْ الزَّيْنَةْ مَلَانَةْ بِالرَّشْوَةْ.

خُروج 23:6

«مَا تَظْلُمْ الْمِسْكِينْ وَ تِدَنْقِسْ الشَّرِيعَةْ.

1 صَمُوِيل 2:35

وَ نَعَزِلْ لِنَفْسِي رَاجِلْ دِينْ أَمِينْ أَشَانْ يِسَوِّي الشَّيّءْ الْقَلْبِي وَ نَفْسِي يِدَوْرُوهْ. وَ نِثَبِّتْ عَايِلْتَهْ لِتَخْدِمْ دَايْماً مَعَ الْمَلِكْ الْأَنَا مَسَحْتَهْ وَ دَرَّجْتَهْ.

1 صَمُوِيل 12:2

وَ هَسَّعْ دَا، دَاهُو عِنْدُكُو مَلِكْ قَاعِدْ يُقُودْكُو. وَ كَنْ لَيِّ أَنَا كَمَانْ، أَنَا بِقِيتْ شَايِبْ وَ رَاسِي كُلَ بِقِي أَبْيَضْ. وَ دَاهُو عِيَالِي كُلَ قَاعِدِينْ مَعَاكُو وَ تَعَرْفُوا كَدَرْ أَنَا قُدْتُكُو مِنْ صُبَايِ لَحَدِّي الْيَوْم.

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»