1 صَمُوِيل 8:11 - الكتاب المقدس بالعربي الدارجي هنا تشاد

¹¹ وَ قَالْ لَيْهُمْ: «دَاهُو حُقُوقْ الْمَلِكْ الْيَحْكِمْكُو. هُو يِشِيلْ أَوْلَادْكُو لِيُسُوقُوا لَيَّهْ عَرَبَاتَهْ هَنَا الْحَرِبْ وَ يَرْكَبَوْا فِي خَيْلَهْ وَ يَجْرُوا قِدَّامْ عَرَبَتَهْ.

1 صَمُوِيل 8:11 Referenca të Kryqëzuara

1 صَمُوِيل 14:52

فِي وَكِتْ شَاوُولْ، الْحَرِبْ ضِدّ الْفِلِسْطِيِّينْ بِقِي شَدِيدْ بِلْحَيْن. وَ شَاوُولْ قَاعِدْ يِجَنِّدْ كُلَّ الرُّجَالْ الْفَحَلِينْ وَ الْقَادْرِينْ.

1 صَمُوِيل 10:25

وَ صَمُوِيلْ كَلَّمْ لِلشَّعَبْ بِكُلَّ حُقُوقْ الْمَلِكْ وَ كَتَبَاهُمْ فِي كِتَابْ وَ خَطَّاهْ قِدَّامْ اللّٰهْ. وَ بَعَدْ دَا، صَمُوِيلْ قَالْ لِكُلَّ الشَّعَبْ خَلِّي أَيِّ وَاحِدْ يِقَبِّلْ بَيْتَهْ.

2 صَمُوِيل 15:1

وَ بَعَدْ كُلَّ الشَّيّءْ دَا، أَبْشَلُومْ لِقِي عَرَبَةْ هِنْت حَرِبْ وَ خَيْل وَ 50 رُجَالْ الْمَاشِينْ قِدَّامْ عَرَبَتَهْ.

1 مُلوك 10:26

وَ الْمَلِكْ سُلَيْمَانْ لَمَّ عَرَبَاتْ هَنَا حَرِبْ وَ سِيَادْ خَيْل. هُو عِنْدَهْ 1 400 عَرَبَاتْ حَرِبْ وَ 12 000 سِيَادْ خَيْل. وَ هُو وَدَّى وَاحِدِينْ مِنْهُمْ فِي الْحِلَّالْ الْيُخُطّ فَوْقهُمْ عَرَبَاتَهْ وَ وَاحِدِينْ كَمَانْ خَلَّاهُمْ مَعَايَهْ فِي مَدِينَةْ الْقُدُسْ.

1 مُلوك 18:46

وَ إِيدْ اللّٰهْ كَانَتْ مَعَ إِلِيَاسْ وَ هُو رَبَطْ صُلْبَهْ وَ قَاعِدْ يَجْرِي قِدَّامْ أَخَابْ لَحَدِّي مَدَخَلْ حِلَّةْ يَزْرَعِيلْ.

1 مُلوك 12:10

وَ الصُّبْيَانْ الْكِبْرَوْا مَعَايَهْ قَالَوْا: «دَاهُو الْكَلَامْ التُّقُولَهْ لِلشَّعَبْ الْيَشْكُوا كَدَرْ أَبُوكْ خَطَّ فَوْقهُمْ دَامِي تَقِيلْ وَ يِدَوْرُوا إِنْتَ تِخَفِّفَهْ لَيْهُمْ. وَ دَاهُو الْكَلَامْ التُّقُولَهْ لَيْهُمْ: ‹أُصْبَعِي الصَّغَيَّرْ دَا كَبِيرْ مِنْ صُلُبْ أَبُويِ.

1 مُلوك 12:4

«أَبُوكْ سَوَّانَا مِثِلْ عَبِيدْ وَ خَطَّ فَوْقنَا خِدْمَةْ قَاسِيَةْ مِثِلْ دَامِي تَقِيلْ فِي رَقَبَتْنَا. وَ هَسَّعْ، نِدَوْرُوا مِنَّكْ إِنْتَ تِخَفِّفْ لَيْنَا تَقَلَةْ الدَّامِي الْأَبُوكْ خَطَّاهْ فَوْقنَا وَ أَنِحْنَ نَخْدُمُوا تِحْتَكْ.»

1 مُلوك 1:5

وَ فِي نَفْس الْوَكِتْ دَا، أَدُنِيَّا وِلَيْد دَاوُدْ وِلَيْدهَا لِحَقِّيتْ قَمَّ يُقُولْ: «أَنَا بَسْ نَمْلُكْ.» وَ هُو لِقِي عَرَبَةْ هِنْت حَرِبْ وَ سِيَادْ خَيْل وَ 50 رُجَالْ الْيَمْشُوا قِدَّامْ عَرَبَتَهْ.

1 صَمُوِيل 8:9

وَ هَسَّعْ دَا خَلَاصْ، أَقْبَلْ طَلَبْهُمْ. لَاكِنْ حَذِّرْهُمْ وَ عَرِّفْهُمْ حُقُوقْ الْمَلِكْ الْيَحْكِمْهُمْ.»

1 مُلوك 14:27

وَ فِي بَدَلْ الدَّرَقْ دَوْل، الْمَلِكْ رَحَبْعَامْ سَوَّى دَرَقْ آخَرِينْ هَنَا نَحَاسْ وَ أَمَّنَاهُمْ لِكَبِيرْ الْحُرَّاسْ الْقَاعِدْ يَحْرِسْ خَشُمْ بَابْ قَصِرْ الْمَلِكْ.

1 صَمُوِيل 22:7

وَ شَاوُولْ قَالْ لِخَدَّامِينَهْ الْقَاعِدِينْ جَنْبَهْ: «مِنْ فَضُلْكُو أَسْمَعَوْا، يَا نَاسْ بَنْيَامِينْ! هَلْ وِلَيْد يَسَّى يَنْطِيكُو كُلُّكُو زِرَاعَةْ وَ جِنَيْنَاتْ عِنَبْ وَلَّا؟ وَ يِدَرِّجْكُو قُيَّادْ فِي آلَافْ وَ فِي مِيَاتْ وَلَّا؟