1 صَمُوِيل 6:3 - الكتاب المقدس بالعربي الدارجي هنا تشاد

³ وَ هُمَّنْ قَالَوْا: «كَنْ تِقَبُّلُوا صَنْدُوقْ إِلٰـهْ بَنِي إِسْرَائِيلْ فِي بَلَدَهْ، مَا تِقَبُّلُوهْ سَاكِتْ. لَاكِنْ قَدُّمُوا لَيَّهْ هَدِيَّةْ لِكَفَّارَةْ الْخَطَا. وَ بَيْدَا، إِنْتُو تَشْفَوْا مِنْ الْمَرَضْ وَ تَعَرْفُوا مَالَا اللّٰهْ مَا رَفَعْ مِنْكُو الْوَبَاءْ دَا.»

1 صَمُوِيل 6:3 Referenca të Kryqëzuara

1 صَمُوِيل 6:9

وَ شِيفُوا. كَنْ الْبَقَرْ مَشَوْا عَلَيْ حُدُودْ بَلَدْ إِسْرَائِيلْ عَلَيْ حِلَّةْ بَيْت شَمْس، تَعَرْفُوا كَدَرْ اللّٰهْ بَسْ ضَرَبَاكُو بِكُلَّ الْوَبَاءْ دَا. وَ كَنْ فَاتَوْا بِدَرِبْ آخَرْ كَمَانْ، تَعَرْفُوا كَدَرْ الشَّيّءْ الْجَاكُو، دَا مَا مِنْ اللّٰهْ لَاكِنْ صُدْفَةْ بَسْ.»

تَثْنِية 16:16

تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامْ اللّٰهْ إِلٰـهْكُو فِي الْبَكَانْ الْهُو يَعَزِلَهْ. وَ دَا، فِي وَكِتْ عِيدْ الْخُبْزَةْ بَلَا تَوَّارَةْ وَ عِيدْ الْقَطِعْ وَ عِيدْ اللَّقَادِيبْ. وَ أَبَداً مَا تَجُوا قِدَّامْ اللّٰهْ إِلٰـهْكُو إِيدَيْكُو يَابْسِينْ.

خُروج 23:15

عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، تَاكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو. وَ دَا فِي وَكِتْ الْمُحَدَّدْ فِي شَهَرْ الْقَنَادِيلْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ. مَا تَجُوا قِدَّامِي إِيدَيْكُو يَابْسِينْ.

خُروج 34:20

وَ أَيِّ وَلْد بِكِرْ هَنَا حَمِيرْ، شِيلُوا فِي بَدَلَهْ خَرُوفْ. وَ كَنْ مَا بَدَّلْتُوهْ كَمَانْ، أَكْسُرُوا رَقَبَتَهْ. وَ لَاكِنْ أَيِّ وَلْد بِكِرْ مِنْ عِيَالْكُو إِنْتُو الْإِنْسَانْ، أَفْدَوْه. «مَا تَجُوا قِدَّامِي إِيدَيْكُو يَابْسِينْ.

أيُّوب 10:2

وَ نُقُولْ لِرَبِّي: «مَا تَجْعَلْنِي خَاطِي! أَوْرِينِي مَالَا تَهْرِجْنِي؟

1 صَمُوِيل 5:11

وَ هُمَّنْ رَسَّلَوْا لِكُبَارَاتْ الْفِلِسْطِيِّينْ وَ لَمَّوْهُمْ وَ قَالَوْا لَيْهُمْ: «قَبُّلُوا صَنْدُوقْ إِلٰـهْ بَنِي إِسْرَائِيلْ فِي بَكَانَهْ أَشَانْ مَا يَكْتُلْنَا أَنِحْنَ وَ كُلَّ شَعَبْنَا.» أَشَانْ فِي كُلَّ الْمَدِينَةْ دِي، بَرْجَالْ شَدِيدْ مِنْ الْمَوْت نَزَلْ فَوْقهُمْ أَشَانْ اللّٰهْ ضَرَبَاهُمْ بِرُعُبْ شَدِيدْ.

1 صَمُوِيل 5:9

وَ وَكِتْ وَدَّوْه هِنَاكْ، اللّٰهْ ضَرَبْ الْحِلَّةْ دِي ضَرْبَةْ شَدِيدَةْ بِلْحَيْن. وَ كُلَّ سُكَّانْهَا بَرْجَلَوْا مَرَّةْ وَاحِدْ. وَ نَزَّلْ فَوْقهُمْ وَبَاءْ هَنَا حُبُونْ مِنْ دُقَاقْهُمْ لَحَدِّي كُبَارْهُمْ.

1 صَمُوِيل 5:7

وَ وَكِتْ شَافَوْا الشَّيّءْ الْكَانْ فَوْقهُمْ، سُكَّانْ أَشْدُودْ قَالَوْا: «صَنْدُوقْ إِلٰـهْ بَنِي إِسْرَائِيلْ كَيْ مَا يَقْعُدْ فِي بَلَدْنَا أَشَانْ هُو نَزَّلْ وَبَاءْ شَدِيدْ فَوْقنَا أَنِحْنَ وَ فِي إِلٰـهْنَا دَقُون.»

لاوِيِّين 6:6

وَ هُو يِجِيبْ لِلّٰهْ ضَحِيَّةْ كَفَّارَةْ الْخَطَا وَ الضَّحِيَّةْ دِي تُكُونْ كَبِشْ الْمَا عِنْدَهْ أَيِّ عَيْب الْيِشِيلَهْ مِنْ الْغَنَمْ التَّمَنَهْ يِسَاوِي حَسَبْ التَّمَنْ الْوَاجِبْ لِضَحِيَّةْ كَفَّارَةْ الْخَطَا.

لاوِيِّين 5:6

وَ فِي شَانْ الذَّنِبْ الْهُو سَوَّاهْ، يِقَدِّمْ ضَحِيَّةْ لِلّٰهْ مِنْ الْغَنَمْ عَنْزَايْ أَوْ غَنَمَايْ ضَحِيَّةْ لِكَفَّارَةْ الْخَطَا. وَ رَاجِلْ الدِّينْ يِسَوِّي لَيَّهْ كَفَّارَةْ لِذَنْبَهْ.

1 صَمُوِيل 6:8

شِيلُوا صَنْدُوقْ اللّٰهْ وَ خُطُّوهْ فِي الْكَارَّوْ. وَ الْخُمَامْ هَنَا الدَّهَبْ التِّقَدُّمُوهُمْ مِثِلْ هَدِيَّةْ لِكَفَّارَةْ الْخَطَا دَا، دِسُّهُمْ فِي صَنْدُوقْ آخَرْ وَ خُطُّوهْ جَنْب صَنْدُوقْ اللّٰهْ. وَ خَلَاصْ، خَلُّوا الْكَارَّوْ يَمْشِي

خُروج 8:15

وَ لَاكِنْ وَكِتْ الْمَلِكْ شَافْ كَدَرْ هُو أَنْحَلَّ خَلَاصْ، بَتَّانْ قَمَّ سَوَّى رَاسْ قَوِي وَ أَبَى مَا سِمِعْ كَلَامْ مُوسَى وَ هَارُونْ مِثِلْ اللّٰهْ قَالَهْ.