1 صَمُوِيل 5:8 - الكتاب المقدس بالعربي الدارجي هنا تشاد

⁸ وَ نَادَوْهُمْ لِلْكُبَارَاتْ هَنَا الْفِلِسْطِيِّينْ، لَمَّوْهُمْ كُلُّهُمْ كَيْ وَ قَالَوْا: «هَسَّعْ دَا، نِسَوُّوا شُنُو بِصَنْدُوقْ إِلٰـهْ بَنِي إِسْرَائِيلْ؟» وَ هُمَّنْ رَدَّوْا وَ قَالَوْا: «خَلِّي يِوَدُّوهْ فِي حِلَّةْ قَاتْ.» وَ خَلَاصْ، هُمَّنْ شَالَوْا صَنْدُوقْ إِلٰـهْ بَنِي إِسْرَائِيلْ وَ وَدَّوْه فِي حِلَّةْ قَاتْ.

1 صَمُوِيل 5:8 Referenca të Kryqëzuara

زَكَرِيَّا 12:3

وَ فِي الْيَوْم دَا، أَنَا نُخُطّ مَدِينَةْ الْقُدُسْ قِدَّامْ كُلَّ الشُّعُوبْ مِثِلْ حَجَرْ كَبِيرْ الْأَبَداً مَا يَقْدَرَوْا يَرْفَعَوْه. وَ أَيِّ نَادُمْ الْيِحَاوِلْ يَرْفَعَهْ، يِنْجَرِحْ. وَ كُلَّ أُمَمْ الْأَرْض يِلِمُّوا وَ يُقُمُّوا ضِدّ الْحَجَرْ دَا.

عَمُوس 6:2

أَمْشُوا لِحِلَّةْ كَلْنَةْ وَ شِيفُوا الْبِقِي فَوْقهَا وَ مِنْهَا فُوتُوا لِمَدِينَةْ حَمَاتْ الْكَبِيرَةْ وَ بَتَّانْ أَمْشُوا قَاتْ مَدِينَةْ الْفِلِسْطِيِّينْ. هَلْ مَمَالِكْهُمْ أَخَيْر مِنْ مَمْلَكَتْكُو وَلَّا؟ وَ أَرْضُهُمْ أَكْبَرْ مِنْ أَرْضُكُو وَلَّا؟

1 صَمُوِيل 17:4

وَ فِيَّهْ رَاجِلْ وَاحِدْ فَارِسْ مَرَقْ مِنْ أُسْط الْفِلِسْطِيِّينْ. وَ أُسْمَهْ جَالُوتْ، مِنْ حِلَّةْ قَاتْ. وَ طُولَهْ زِيَادَةْ مِنْ 6 دُرَاعْ.

1 صَمُوِيل 5:11

وَ هُمَّنْ رَسَّلَوْا لِكُبَارَاتْ الْفِلِسْطِيِّينْ وَ لَمَّوْهُمْ وَ قَالَوْا لَيْهُمْ: «قَبُّلُوا صَنْدُوقْ إِلٰـهْ بَنِي إِسْرَائِيلْ فِي بَكَانَهْ أَشَانْ مَا يَكْتُلْنَا أَنِحْنَ وَ كُلَّ شَعَبْنَا.» أَشَانْ فِي كُلَّ الْمَدِينَةْ دِي، بَرْجَالْ شَدِيدْ مِنْ الْمَوْت نَزَلْ فَوْقهُمْ أَشَانْ اللّٰهْ ضَرَبَاهُمْ بِرُعُبْ شَدِيدْ.

1 صَمُوِيل 5:7

وَ وَكِتْ شَافَوْا الشَّيّءْ الْكَانْ فَوْقهُمْ، سُكَّانْ أَشْدُودْ قَالَوْا: «صَنْدُوقْ إِلٰـهْ بَنِي إِسْرَائِيلْ كَيْ مَا يَقْعُدْ فِي بَلَدْنَا أَشَانْ هُو نَزَّلْ وَبَاءْ شَدِيدْ فَوْقنَا أَنِحْنَ وَ فِي إِلٰـهْنَا دَقُون.»

1 صَمُوِيل 29:6

وَ خَلَاصْ، الْمَلِكْ أَكِيشْ نَادَاهْ لِدَاوُدْ وَ قَالْ لَيَّهْ: «نَحْلِفْ بِاللّٰهْ الْحَيّ، إِنْتَ عَدِيلْ! دَا بِقِي لَيِّ سَمَحْ وَكِتْ تَمْشِي وَ تَجِي مَعَايِ فِي الْمُعَسْكَرْ. وَ أَنَا مَا لِقِيتْ فَوْقَكْ شَيّءْ فَسِلْ مِنْ جِيتْ لَيِّ لَحَدِّي الْيَوْم. وَ لَاكِنْ كُبَارَاتْ الْفِلِسْطِيِّينْ الْآخَرِينْ مَا يِدَوْرُوكْ.

يَشُوع 13:3

مِنْ وَادِي شِيحُورْ فِي حُدُودْ مَصِرْ لَحَدِّي حُدُودْ عَقْرُونْ فِي الْمُنْشَاقْ. وَ دَا تُرَابْ الْكَنْعَانِيِّينْ الْقَاعِدِينْ فَوْقَهْ خَمْسَةْ كُبَارَاتْ هَنَا الْفِلِسْطِيِّينْ. وَ هُمَّنْ كَبِيرْ غَزَّةْ وَ كَبِيرْ أَشْدُودْ وَ كَبِيرْ أَشْقَلُونْ وَ كَبِيرْ قَاتْ وَ كَبِيرْ عَقْرُونْ وَ كَبِيرْ الْعَوِّيِّينْ

يَشُوع 15:11

وَ الْحُدُودْ يَمْشُوا لَحَدِّي الدِّلَّيَّةْ هَنَا حِلَّةْ عَقْرُونْ فِي الْمُنْشَاقْ وَ يِقَبُّلُوا عَلَيْ شِكَارُونْ وَ يِعَدُّوا بِجَبَلْ بَعْلَةْ وَ يَمْشُوا لَحَدِّي يَبْنِيِيلْ وَ يَقِيفُوا فِي الْبَحَرْ الْأَبْيَضْ.

1 صَمُوِيل 6:2

وَ الْفِلِسْطِيِّينْ نَادَوْا رُجَالْ الدِّينْ وَ الشَّوَّافِينْ وَ سَأَلَوْهُمْ وَ قَالَوْا: «كِكَّيْف نِسَوُّوا بِصَنْدُوقْ اللّٰهْ؟ وَصُّفُونَا كِكَّيْف نِسَوُّوا لِنِقَبُّلُوهْ فِي بَلَدَهْ.»

1 صَمُوِيل 17:52

وَ رُجَالْ بَنِي إِسْرَائِيلْ وَ قَبِيلَةْ يَهُوذَا عَاطَوْا وَ طَارَدَوْا الْفِلِسْطِيِّينْ لَحَدِّي قَرِيبْ لِخَشُمْ الْوَادِي وَ لَحَدِّي خَشُمْ بَابْ مَدِينَةْ عَقْرُونْ. وَ جِثَثْ الْفِلِسْطِيِّينْ مُشَتَّتِينْ فِي دَرِبْ حِلَّةْ شَعَرَايِمْ لَحَدِّي حِلَّالْ قَاتْ وَ عَقْرُونْ.

1 أخبار 7:21

وَ تَحَتْ وِلِدْ زَبَادْ وَ زَبَادْ وِلِدْ شُتَالَحْ. وَ عِيَالْ أَفْرَايِمْ الْإِتْنَيْن عِزَارْ وَ أَلِعَادْ دَا، سُكَّانْ حِلَّةْ قَاتْ كَتَلَوْهُمْ أَشَانْ هُمَّنْ مَشَوْا لِيَقْلَعَوْا بَهَايِمْهُمْ.