1 صَمُوِيل 5:7 - الكتاب المقدس بالعربي الدارجي هنا تشاد

⁷ وَ وَكِتْ شَافَوْا الشَّيّءْ الْكَانْ فَوْقهُمْ، سُكَّانْ أَشْدُودْ قَالَوْا: «صَنْدُوقْ إِلٰـهْ بَنِي إِسْرَائِيلْ كَيْ مَا يَقْعُدْ فِي بَلَدْنَا أَشَانْ هُو نَزَّلْ وَبَاءْ شَدِيدْ فَوْقنَا أَنِحْنَ وَ فِي إِلٰـهْنَا دَقُون.»

1 صَمُوِيل 5:7 Referenca të Kryqëzuara

خُروج 12:33

وَ الْمَصْرِيِّينْ يَحْسُبُوا هُمَّنْ كُلُّهُمْ يُمُوتُوا. خَلَاصْ، قَمَّوْا يَعَصُرُوا بَنِي إِسْرَائِيلْ أَشَانْ يَمُرْقُوا عَجَلَةْ مِنْ بَلَدْهُمْ.

إرْمِيا 48:7

يَا مُوَابْ! إِنْتِ أَتْوَكَّلْتِ فِي أَعْمَالْكِ وَ فِي غُنَاكِ وَ فِي شَانْ دَا، إِنْتِ كُلَ تِنْكَرْبِي. وَ صَنَمْكِ كَمُوشْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

إرْمِيا 46:25

وَ اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «أَكِيدْ أَنَا نِعَاقِبْ عَمُّونْ إِلٰـهْ طِيبَةْ. وَ نِعَاقِبْ مَصِرْ وَ إِلٰـهَاتْهَا وَ مُلُوكْهَا. وَ نِعَاقِبْ فِرْعَوْن وَ الْيِتْوَكَّلَوْا عَلَيَّهْ.

1 أخبار 15:13

أَشَانْ أَوَّلْ وَكِتْ إِنْتُو مَا فِيكُو، اللّٰهْ إِلٰـهْنَا ضَرَبَانَا بِسَبَبْ أَنِحْنَ مَا طَبَّقْنَا الشُّرُوطْ الْبُخُصُّوا صَنْدُوقْ الْمُعَاهَدَةْ.»

2 صَمُوِيل 6:9

وَ فِي الْيَوْم دَا، دَاوُدْ خَافْ خَوْف شَدِيدْ مِنْ اللّٰهْ وَ قَالْ: «كَنْ كَيْ دَا، كِكَّيْف نَقْدَرْ نِجِيبْ صَنْدُوقْ اللّٰهْ فِي بَيْتِي؟»

1 صَمُوِيل 6:20

وَ سُكَّانْ حِلَّةْ بَيْت شَمْس قَالَوْا: «يَاتُو الْيَقْدَرْ يَقْعُدْ قِدَّامْ اللّٰهْ الرَّبّ الْقُدُّوسْ؟ وَ صَنْدُوقْ اللّٰهْ دَا، هَسَّعْ نِوَدُّوهْ وَيْن؟»

1 صَمُوِيل 4:8

يَا خَسَارِتْنَا! يَاتُو يِنَجِّينَا مِنْ الْإِلٰـهْ الْعَظِيمْ دَا؟ وَ دَا بَسْ الْإِلٰـهْ الضَّرَبْ الْمَصْرِيِّينْ بِكُلَّ الْوَبَاءْ فِي الصَّحَرَاء!

خُروج 10:7

وَ خَدَّامِينْ الْمَلِكْ قَالَوْا لَيَّهْ: «لَحَدِّي مَتَى شَرَكْ النَّادُمْ دَا يَكْرُبْنَا؟ خَلِّي الرُّجَالْ يَمُرْقُوا وَ يَمْشُوا لِيَعَبُدُوا اللّٰهْ إِلٰـهُّمْ! إِنْتَ مَا قَاعِدْ تِشِيفْ كَدَرْ بَلَدْ مَصِرْ أَدَّمَّرَتْ؟»

خُروج 9:28

أَسْأَلَوْا لَيِّ اللّٰهْ أَشَانْ الدَّقْدَاقْ وَ الْبَرَدْ يَقِيفُوا. وَ أَنَا نِخَلِّيكُو تَمُرْقُوا وَ بَتَّانْ مَا نَدْحَرْكُو.»

خُروج 8:28

وَ خَلَاصْ، الْمَلِكْ قَالْ: «تَمَامْ! أَنَا نِخَلِّيكُو تَمُرْقُوا لِتِقَدُّمُوا ضَحَايَا لِلّٰهْ إِلٰـهْكُو فِي الصَّحَرَاء. لَاكِنْ مَا تَمْشُوا بَعِيدْ وَ بَتَّانْ أَسْأَلَوْا اللّٰهْ فِي شَانِي.»

خُروج 8:8

وَ بَعَدْ دَا، الْمَلِكْ نَادَى مُوسَى وَ هَارُونْ وَ قَالْ لَيْهُمْ: «أَسْأَلَوْا اللّٰهْ يِخَلِّصْنَا أَنَا وَ شَعَبِي مِنْ الضِّفْدَعْ. وَ نِخَلِّي بَنِي إِسْرَائِيلْ يَمُرْقُوا لِيِقَدُّمُوا ضَحَايَا لِلّٰهْ.»

1 صَمُوِيل 5:6

وَ اللّٰهْ ضَرَبْ نَاسْ مَدِينَةْ أَشْدُودْ شَدِيدْ وَ بَرْجَلَاهُمْ بِزِيَادَةْ. وَ ضَرَبْ نَاسْ أَشْدُودْ وَ الْحِلَّالْ التَّابْعِينْهَا بِوَبَاءْ هَنَا حُبُونْ.

1 صَمُوِيل 5:8

وَ نَادَوْهُمْ لِلْكُبَارَاتْ هَنَا الْفِلِسْطِيِّينْ، لَمَّوْهُمْ كُلُّهُمْ كَيْ وَ قَالَوْا: «هَسَّعْ دَا، نِسَوُّوا شُنُو بِصَنْدُوقْ إِلٰـهْ بَنِي إِسْرَائِيلْ؟» وَ هُمَّنْ رَدَّوْا وَ قَالَوْا: «خَلِّي يِوَدُّوهْ فِي حِلَّةْ قَاتْ.» وَ خَلَاصْ، هُمَّنْ شَالَوْا صَنْدُوقْ إِلٰـهْ بَنِي إِسْرَائِيلْ وَ وَدَّوْه فِي حِلَّةْ قَاتْ.