1 صَمُوِيل 5:10 - الكتاب المقدس بالعربي الدارجي هنا تشاد

¹⁰ وَ خَلَاصْ، وَدَّوْا صَنْدُوقْ الرَّبّ لِمَدِينَةْ عَقْرُونْ. وَ وَكِتْ دَخَّلَوْه فِي عَقْرُونْ، كُلَّ السُّكَّانْ صَرَخَوْا وَ قَالَوْا: «دَاهُو جَابَوْا لَيْنَا صَنْدُوقْ إِلٰـهْ بَنِي إِسْرَائِيلْ أَشَانْ يِكَتُّلُونَا كُلِّنَا كَيْ، أَنِحْنَ وَ شَعَبْنَا!»

1 صَمُوِيل 5:10 Referenca të Kryqëzuara

عَمُوس 1:8

وَ نُقُشّ الْحَاكِمْ مِنْ مَدِينَةْ أَشْدُودْ وَ الْكَارِبْ عَصَاةْ الْمُلُكْ مِنْ أَشْقَلُونْ. وَ نَضْرُبْ مَدِينَةْ عَقْرُونْ وَ نِدَمِّرْ الْفَضَّلَوْا مِنْ الْفِلِسْطِيِّينْ.» وَ دَا، اللّٰهْ الرَّبّ بَسْ قَالَهْ.

2 مُلوك 1:2

وَ يَوْم وَاحِدْ فِي مَدِينَةْ السَّامِرَةْ، الْمَلِكْ أَخَزْيَا وَقَعْ مِنْ شُبَّاكْ قَصْرَهْ وَ تِعِبْ زِيَادَةْ. وَ خَلَاصْ، رَسَّلْ نَاسْ وَ قَالْ لَيْهُمْ: «أَمْشُوا أَسْأَلَوْا لَيِّ بَعَلْ زَبُوبْ إِلٰـهْ مَدِينَةْ عَقْرُونْ فِي بَلَدْ الْفِلِسْطِيِّينْ لِنَعَرِفْ كَنْ نَلْقَى الْعَافَيْ وَلَّا لَا.»

قُضياء 1:18

وَ قَبِيلَةْ يَهُوذَا شَالَوْا مُدُنْ غَزَّةْ وَ أَشْقَلُونْ وَ عَقْرُونْ بِكُلَ تُرَابْهُمْ.

يَشُوع 15:45

وَ وَرَثَوْا عَقْرُونْ وَ الْحِلَّالْ التَّابْعِينْ لَيْهَا.

يَشُوع 13:3

مِنْ وَادِي شِيحُورْ فِي حُدُودْ مَصِرْ لَحَدِّي حُدُودْ عَقْرُونْ فِي الْمُنْشَاقْ. وَ دَا تُرَابْ الْكَنْعَانِيِّينْ الْقَاعِدِينْ فَوْقَهْ خَمْسَةْ كُبَارَاتْ هَنَا الْفِلِسْطِيِّينْ. وَ هُمَّنْ كَبِيرْ غَزَّةْ وَ كَبِيرْ أَشْدُودْ وَ كَبِيرْ أَشْقَلُونْ وَ كَبِيرْ قَاتْ وَ كَبِيرْ عَقْرُونْ وَ كَبِيرْ الْعَوِّيِّينْ

1 صَمُوِيل 5:9

وَ وَكِتْ وَدَّوْه هِنَاكْ، اللّٰهْ ضَرَبْ الْحِلَّةْ دِي ضَرْبَةْ شَدِيدَةْ بِلْحَيْن. وَ كُلَّ سُكَّانْهَا بَرْجَلَوْا مَرَّةْ وَاحِدْ. وَ نَزَّلْ فَوْقهُمْ وَبَاءْ هَنَا حُبُونْ مِنْ دُقَاقْهُمْ لَحَدِّي كُبَارْهُمْ.

1 صَمُوِيل 5:11

وَ هُمَّنْ رَسَّلَوْا لِكُبَارَاتْ الْفِلِسْطِيِّينْ وَ لَمَّوْهُمْ وَ قَالَوْا لَيْهُمْ: «قَبُّلُوا صَنْدُوقْ إِلٰـهْ بَنِي إِسْرَائِيلْ فِي بَكَانَهْ أَشَانْ مَا يَكْتُلْنَا أَنِحْنَ وَ كُلَّ شَعَبْنَا.» أَشَانْ فِي كُلَّ الْمَدِينَةْ دِي، بَرْجَالْ شَدِيدْ مِنْ الْمَوْت نَزَلْ فَوْقهُمْ أَشَانْ اللّٰهْ ضَرَبَاهُمْ بِرُعُبْ شَدِيدْ.

2 صَمُوِيل 7:9

وَ أَنَا كُنْت مَعَاكْ فِي أَيِّ بَكَانْ الْإِنْتَ مَشَيْت فَوْقَهْ وَ قَشَّيْت كُلَّ عُدْوَانَكْ مِنْ قِدَّامَكْ. وَ نِسَوِّي أُسْمَكْ عَالِي مِثِلْ الْأَسَامَيْ هَنَا النَّاسْ الْكُبَارْ فِي الْأَرْض.

يَشُوع 15:11

وَ الْحُدُودْ يَمْشُوا لَحَدِّي الدِّلَّيَّةْ هَنَا حِلَّةْ عَقْرُونْ فِي الْمُنْشَاقْ وَ يِقَبُّلُوا عَلَيْ شِكَارُونْ وَ يِعَدُّوا بِجَبَلْ بَعْلَةْ وَ يَمْشُوا لَحَدِّي يَبْنِيِيلْ وَ يَقِيفُوا فِي الْبَحَرْ الْأَبْيَضْ.

1 صَمُوِيل 6:1

وَ صَنْدُوقْ اللّٰهْ قَعَدْ فِي بَلَدْ الْفِلِسْطِيِّينْ مُدَّةْ سَبْعَةْ شَهَرْ.

1 صَمُوِيل 17:52

وَ رُجَالْ بَنِي إِسْرَائِيلْ وَ قَبِيلَةْ يَهُوذَا عَاطَوْا وَ طَارَدَوْا الْفِلِسْطِيِّينْ لَحَدِّي قَرِيبْ لِخَشُمْ الْوَادِي وَ لَحَدِّي خَشُمْ بَابْ مَدِينَةْ عَقْرُونْ. وَ جِثَثْ الْفِلِسْطِيِّينْ مُشَتَّتِينْ فِي دَرِبْ حِلَّةْ شَعَرَايِمْ لَحَدِّي حِلَّالْ قَاتْ وَ عَقْرُونْ.

1 أخبار 7:21

وَ تَحَتْ وِلِدْ زَبَادْ وَ زَبَادْ وِلِدْ شُتَالَحْ. وَ عِيَالْ أَفْرَايِمْ الْإِتْنَيْن عِزَارْ وَ أَلِعَادْ دَا، سُكَّانْ حِلَّةْ قَاتْ كَتَلَوْهُمْ أَشَانْ هُمَّنْ مَشَوْا لِيَقْلَعَوْا بَهَايِمْهُمْ.

عَمُوس 6:2

أَمْشُوا لِحِلَّةْ كَلْنَةْ وَ شِيفُوا الْبِقِي فَوْقهَا وَ مِنْهَا فُوتُوا لِمَدِينَةْ حَمَاتْ الْكَبِيرَةْ وَ بَتَّانْ أَمْشُوا قَاتْ مَدِينَةْ الْفِلِسْطِيِّينْ. هَلْ مَمَالِكْهُمْ أَخَيْر مِنْ مَمْلَكَتْكُو وَلَّا؟ وَ أَرْضُهُمْ أَكْبَرْ مِنْ أَرْضُكُو وَلَّا؟