1 صَمُوِيل 4:4 - الكتاب المقدس بالعربي الدارجي هنا تشاد

⁴ وَ خَلَاصْ، رَسَّلَوْا نَاسْ فِي حِلَّةْ شِيلَوْه وَ جَابَوْا صَنْدُوقْ مُعَاهَدَةْ اللّٰهْ الْقَادِرْ، هُو الْقَاعِدْ فِي الْعَرْشَهْ أَمْبَيْن الْمَخْلُوقِينْ السَّمَاوِيِّينْ. وَ أَوْلَادْ عَالِي الْإِتْنَيْن حُفْنِي وَ فِينْحَاسْ، هُمَّنْ كُلَ مَشَوْا مَعَ صَنْدُوقْ مُعَاهَدَةْ الرَّبّ.

1 صَمُوِيل 4:4 Referenca të Kryqëzuara

2 صَمُوِيل 6:2

وَ قَمَّ مَعَ كُلَّ النَّاسْ دَوْل وَ مَشَوْا حِلَّةْ بَعْلَةْ يَهُوذَا أَشَانْ يِجِيبُوا مِنْ هِنَاكْ صَنْدُوقْ الرَّبّ. وَ دَا الصَّنْدُوقْ الْفَوْقَهْ أُسُمْ اللّٰهْ الْقَادِرْ، هُو الْعَرْشَهْ قَاعِدْ بَيْن الْمَخْلُوقِينْ السَّمَاوِيِّينْ الْمَصْنُوعِينْ فِي سِدَادَةْ الصَّنْدُوقْ.

زَبُور 80:1

يَا إِنْتَ التُّقُودْ ذُرِّيَّةْ يُوسُفْ مِثِلْ غَنَمْ، يَا رَاعِي إِسْرَائِيلْ، أَسْمَعْ! يَا إِنْتَ الْقَاعِدْ فَوْق الْمَخْلُوقِينْ السَّمَاوِيِّينْ، بَيِّنْ نَفْسَكْ!

عَدد 7:89

وَ وَكِتْ مُوسَى يَدْخُلْ فِي خَيْمَةْ الْإِجْتِمَاعْ لِيِكَلِّمْ مَعَ اللّٰهْ، هُو يَسْمَعْ حِسَّهْ يَجِي لَيَّهْ مِنْ فَوْق لِسِدَادَةْ صَنْدُوقْ الْفَوْقَهْ لِيحَانْ الْمُعَاهَدَةْ أَمْبَيْن الْمَخْلُوقِينْ السَّمَاوِيِّينْ الْإِتْنَيْن الْمَصْنُوعِينْ فِي ضَهَرْ السِّدَادَةْ. وَ يِكَلِّمْ مَعَايَهْ.

زَبُور 99:1

اللّٰهْ هُو الْمَلِكْ. خَلِّي الشُّعُوبْ يَرْجُفُوا! هُو قَاعِدْ فَوْق الْمَخْلُوقِينْ السَّمَاوِيِّينْ. خَلِّي الْأَرْض تِنْهَزَّ!

2 مُلوك 19:15

وَ قِدَّامْ اللّٰهْ، حِزْقِيَّا سَأَلْ وَ قَالْ: «يَا اللّٰهْ إِلٰـهْ بَنِي إِسْرَائِيلْ! إِنْتَ الْقَاعِدْ فِي عَرْشَكْ فَوْق الْمَخْلُوقِينْ السَّمَاوِيِّينْ. وَ إِنْتَ وِحَيْدَكْ بَسْ إِلٰـهْ كُلَّ مَمَالِكْ الْأَرْض! وَ إِنْتَ بَسْ الْخَلَقْت السَّمَاوَاتْ وَ الْأَرْض!

مَلاخِـي 1:9

وَ هَسَّعْ دَا، دَوَّرْتُوا رِضَايِ أَنَا الرَّبّ أَشَانْ نَرْحَمْكُو. وَ لَاكِنْ الضَّحَايَا النِّجْسِينْ دَوْل، إِنْتُو بَسْ قَدَّمْتُوهُمْ. وَ مِثِلْ دَا، أَنَا نَقْبَلْكُو وَلَّا؟ وَ دَا، اللّٰهْ الْقَادِرْ بَسْ قَالَهْ.

1 صَمُوِيل 2:22

وَ عَالِي بِقِي شَايِبْ كَبِيرْ وَ قَاعِدْ يَسْمَعْ بِالشَّيّءْ الْفَسِلْ الْأَوْلَادَهْ قَاعِدِينْ يِسَوُّوهْ فِي جَمِيعْ بَنِي إِسْرَائِيلْ. وَ هُو سِمِعْ كَدَرْ هُمَّنْ يَرُقْدُوا مَعَ الْعَوِينْ الْيَخْدُمُوا فِي مَدَخَلْ خَيْمَةْ الْإِجْتِمَاعْ.

عَدد 4:15

«وَ وَكِتْ هَارُونْ وَ أَوْلَادَهْ يِكَمُّلُوا مِنْ ضَمْضِمِينْ الْبَكَانْ الْمُقَدَّسْ وَ كُلَّ الْمُعِدَّاتْ الْمُخَصَّصِينْ. وَ وَكِتْ يُقُمُّوا مِنْ الْمُعَسْكَرْ ذُرِّيَّةْ قَهَاتْ يَجُوا يِشِيلُوا الْخُمَامْ دَوْل. لَاكِنْ مَا يِلَمُّسُوا مِنْهُمْ شَيّءْ أَشَانْ دَا يِجِيبْ لَيْهُمْ الْمَوْت. وَ دَا بَسْ الْكَلَّفَوْا بَيَّهْ ذُرِّيَّةْ قَهَاتْ مِنْ خَيْمَةْ الْإِجْتِمَاعْ.

عَدد 4:5

وَ وَكِتْ يِدَوْرُوا يِسِيرُوا، هَارُونْ وَ أَوْلَادَهْ يِفَرْتُقُوا السِّتَارْ الْيِدَارِقْ الصَّنْدُوقْ الْفَوْقَهْ لِيحَانْ الْمُعَاهَدَةْ وَ يِغَطُّوهْ بَيَّهْ.

1 صَمُوِيل 1:24

وَ وَكِتْ فَرَدَتَهْ، شَالَتْ مَعَاهَا تَوْر وَلْد تَلَاتَةْ سَنَةْ وَ 10 كَوْرَوْ هَنَا دَقِيقْ وَ قِرْبَةْ هَنَا خَمَرْ. وَ مَشَتْ فِي حِلَّةْ شِيلَوْه وَ شَالَتْ الْوِلَيْد وَ دَخَلَتْ بَيَّهْ فِي بَيْت اللّٰهْ. وَ فِي الْوَكِتْ دَا، الْوِلَيْد لِسَّاعَهْ صَغَيَّرْ.

2 صَمُوِيل 15:24

وَ مَشَى مَعَاهُمْ صَدُوقْ رَاجِلْ الدِّينْ وَ مَعَايَهْ كُلَّ اللَّاوِيِّينْ الشَّايْلِينْ صَنْدُوقْ مُعَاهَدَةْ الرَّبّ. وَ هُمَّنْ خَطَّوْا الصَّنْدُوقْ دَا تِحِتْ وَ أَبِيَاتَرْ رَاجِلْ الدِّينْ قَاعِدْ جَنْبَهْ لَحَدِّي كُلَّ النَّاسْ الْمَارْقِينْ مِنْ الْحِلَّةْ كَمَّلَوْا.

إشَعْيا 37:16

«يَا اللّٰهْ الْقَادِرْ إِلٰـهْ بَنِي إِسْرَائِيلْ! إِنْتَ الْقَاعِدْ فِي عَرْشَكْ فَوْق الْمَخْلُوقِينْ السَّمَاوِيِّينْ. إِنْتَ وِحَيْدَكْ بَسْ إِلٰـهْ كُلَّ مَمَالِكْ الْأَرْض! وَ إِنْتَ بَسْ الْخَلَقْت السَّمَاوَاتْ وَ الْأَرْض!

1 صَمُوِيل 14:3

وَ فِيَّهْ رَاجِلْ وَاحِدْ أُسْمَهْ أَخِيَّا وِلَيْد أَخِطُوبْ أَخُو إِكَبُودْ وِلَيْد فِينْحَاسْ وِلَيْد عَالِي الْهُو رَاجِلْ الدِّينْ هَنَا اللّٰهْ فِي حِلَّةْ شِيلَوْه. وَ أَخِيَّا دَا، هُو بَسْ كَبِيرْ رُجَالْ الدِّينْ وَ لَابِسْ الْفَرْمَلَةْ. وَ كُلَّ الْعَسْكَرْ مَا عِرْفَوْا كَدَرْ يُونَتَانْ مَا فِيهْ.

زَبُور 80:2

قِدَّامْ قَبَايِلْ أَفْرَايِمْ وَ بَنْيَامِينْ وَ مَنَسَّى، قُمّ بِكُلَّ قُوَّتَكْ وَ تَعَالْ نَجِّينَا!