1 صَمُوِيل 4:21 - الكتاب المقدس بالعربي الدارجي هنا تشاد

²¹ وَ سَمَّتْ الْوِلَيْد دَا إِكَبُودْ (مَعَنَاتَهْ مَجْد اللّٰهْ بِقِي مَا فِيهْ). وَ قَالَتْ: «مَجْد اللّٰهْ رَفَعَوْه مِنْ إِسْرَائِيلْ!» وَ دَا بِسَبَبْ شَيْلِينْ صَنْدُوقْ الرَّبّ وَ مَوْت رَاجِلْهَا وَ أَبُوهْ.

1 صَمُوِيل 4:21 Referenca të Kryqëzuara

زَبُور 26:8

يَا اللّٰهْ! أَنَا نِحِبّ مَسْكَنْ بَيْتَكْ الْبَكَانْ الْفَوْقَهْ مَجْدَكْ.

زَبُور 78:61

هُو سَلَّمْ صَنْدُوقْ الْمُعَاهَدَةْ الْهُو عَلَامَةْ قُدُرْتَهْ وَ جَلَالَهْ فِي إِيدْ الْعُدْوَانْ.

إرْمِيا 2:11

هَلْ فِي أُمَّةْ بَدَّلَتْ إِلٰـهَّا بِإِلٰـهْ آخَرْ؟ وَ دَوْل مَا إِلٰـهَاتْ صَحِيحْ كُلَ. وَ لَاكِنْ شَعَبِي بَدَّلَوْنِي أَنَا مَجْدُهُمْ بِشَيّءْ مَا يَنْفَعْ.

زَبُور 78:64

وَ رُجَالْ الدِّينْ مَاتَوْا فِي الْحَرِبْ وَ أَرَامِلْهُمْ مَا بَكَنْ.

هُوشَع 9:12

وَ كَنْ رَبَّوْا عِيَالْ كُلَ، أَنَا نَكْتُلْهُمْ قَبُلْ مَا يَبْقَوْا كُبَارْ. أَيْوَى، الْعَذَابْ لَيْهُمْ وَكِتْ نِبَعِّدْ مِنْهُمْ!

1 صَمُوِيل 4:11

وَ كَنْ لِصَنْدُوقْ الرَّبّ، الْفِلِسْطِيِّينْ شَالَوْه. وَ أَوْلَادْ عَالِي الْإِتْنَيْن حُفْنِي وَ فِينْحَاسْ كُلَ مَاتَوْا.

زَبُور 106:20

وَ بَدَّلَوْا مَجْد اللّٰهْ بِتِمْثَالْ هَنَا تَوْر أَيْوَى، بِحَيْوَانْ الْيَاكُلْ قَشّ!

1 صَمُوِيل 4:22

وَ بِمِثِلْ دَا، هِي قَالَتْ: «مَجْد اللّٰهْ رَفَعَوْه مِنْ إِسْرَائِيلْ! أَشَانْ صَنْدُوقْ الرَّبّ شَالَوْه.»

1 صَمُوِيل 14:3

وَ فِيَّهْ رَاجِلْ وَاحِدْ أُسْمَهْ أَخِيَّا وِلَيْد أَخِطُوبْ أَخُو إِكَبُودْ وِلَيْد فِينْحَاسْ وِلَيْد عَالِي الْهُو رَاجِلْ الدِّينْ هَنَا اللّٰهْ فِي حِلَّةْ شِيلَوْه. وَ أَخِيَّا دَا، هُو بَسْ كَبِيرْ رُجَالْ الدِّينْ وَ لَابِسْ الْفَرْمَلَةْ. وَ كُلَّ الْعَسْكَرْ مَا عِرْفَوْا كَدَرْ يُونَتَانْ مَا فِيهْ.

1 صَمُوِيل 2:34

وَ نَنْطِيكْ عَلَامَةْ وَ الْعَلَامَةْ دِي تَبْقَى مَوْت عِيَالَكْ حُفْنِي وَ فِينْحَاسْ فِي يَوْم وَاحِدْ.

1 صَمُوِيل 3:12

وَ فِي الْيَوْم دَا، أَنَا نِتِمّ كُلَّ كَلَامِي الْقُلْت نِسَوِّيهْ فِي ذُرِّيَّةْ عَالِي، مِنْ الْبِدَايَةْ لَحَدِّي النِّهَايَةْ.

مَراثِي إرْمِيا 2:1

يَا السَّلَامْ! فِي غَضَبَهْ، الرَّبّ غَطَّى بِالضَّلَامْ مَدِينَةْ صَهْيُون الْمِثِلْ بِنَيَّةْ. مِنْ السَّمَاءْ، رَمَى مَجْد إِسْرَائِيلْ فِي الْأَرْض وَ فِي يَوْم غَضَبَهْ، مَا فَكَّرْ فِي بَيْتَهْ الْمُقَدَّسْ.