1 صَمُوِيل 3:2 - الكتاب المقدس بالعربي الدارجي هنا تشاد

² وَ يَوْم وَاحِدْ، عَالِي نَايِمْ فِي بَكَانَهْ الْيُنُومْ فَوْقَهْ. وَ دَا وَكِتْ الْهُو شَيَّبْ خَلَاصْ وَ شَوْفَهْ كُلَ بِقِي ضَعِيفْ وَ عُيُونَهْ مَا بِشِيفُوا.

1 صَمُوِيل 3:2 Referenca të Kryqëzuara

1 صَمُوِيل 4:15

وَ عَالِي عِنْدَهْ 98 سَنَةْ وَ عُيُونَهْ فَاتْحِينْ وَ مَا بِشِيفُوا.

زَبُور 90:10

مُدَّةْ حَيَاتْنَا 70 سَنَةْ وَ كَنْ عِنْدِنَا قُدْرَةْ، نَمْشُوا لَحَدِّي 80 سَنَةْ. وَ أَكْتَرْ سِنِينَّا، نِعِيشُوهُمْ فِي تَعَبْ وَ ظُلُمْ أَشَانْ حَيَاتْنَا تُفُوتْ عَجَلَةْ وَ أَنِحْنَ نَبْقَوْا مَا فِينَا.

تكوين 48:10

وَ يَعْقُوبْ شَوْفَهْ ضِعِفْ مِنْ الْكُبُرْ مَا يَقْدَرْ يِشِيفْ عَدِيلْ. وَ يُوسُفْ جَابْ عِيَالَهْ قَرِيبْ لِأَبُوهْ وَ يَعْقُوبْ قَمَّ حَضَنَاهُمْ وَ حَبَّاهُمْ وَ قَالْ لِيُوسُفْ:

تكوين 27:1

وَ إِسْحَاقْ بِقِي شَايِبْ وَ عُيُونَهْ مَا بِشِيفُوا. وَ خَلَاصْ، قَمَّ نَادَى وِلَيْدَهْ الْبِكِرْ عِيسُو وَ قَالْ: «يَا وِلَيْدِي!» وَ هُو قَالْ: «نَعَمْ!»

تكوين 48:19

وَ أَبُوهْ أَبَى وَ قَالْ: «أَنَا نَعَرْفَهْ، يَا وِلَيْدِي، أَنَا نَعَرْفَهْ. هُو كُلَ يَبْقَى كَبِيرْ وَ عِيَالَهْ كُلَ يَبْقَوْا قَبِيلَةْ كَبِيرَةْ. وَ لَاكِنْ أَفْرَايِمْ أَخُوهْ الصَّغَيَّرْ يَبْقَى كَبِيرْ مِنَّهْ وَ ذُرِّيّتَهْ تَبْقَى أُمَّةْ كَبِيرَةْ مِنْ أُمَّةْ مَنَسَّى.»

جامِعة 12:3

أَذَّكَّرَهْ قَبُلْ الْحَارِسْ مَا يَرْجِفْ مِنْ الْخَوْف وَ رُجَالْ الْفَحَلِينْ مَا يِدَنْقُرُوا وَ قَبُلْ عَوِينْ الرَّحَّاكَاتْ الْمَا كَتِيرَاتْ يِوَقِّفَنْ الرَّحِيكْ وَ الْيِشِيفَنْ بِشَبَابِيكْ مَا يِوَدِّرَنْ جَمَالْهِنْ.

1 صَمُوِيل 2:22

وَ عَالِي بِقِي شَايِبْ كَبِيرْ وَ قَاعِدْ يَسْمَعْ بِالشَّيّءْ الْفَسِلْ الْأَوْلَادَهْ قَاعِدِينْ يِسَوُّوهْ فِي جَمِيعْ بَنِي إِسْرَائِيلْ. وَ هُو سِمِعْ كَدَرْ هُمَّنْ يَرُقْدُوا مَعَ الْعَوِينْ الْيَخْدُمُوا فِي مَدَخَلْ خَيْمَةْ الْإِجْتِمَاعْ.

1 مُلوك 14:4

وَ مَرِةْ يَرُبَعَامْ سَوَّتْ الشَّيّءْ الرَّاجِلْهَا قَالَهْ لَيْهَا وَ هِي قَمَّتْ وَ مَشَتْ لِحِلَّةْ شِيلَوْه فِي بَيْت النَّبِي أَخِيَّا. وَ أَخِيَّا دَا مَا بِشِيفْ أَشَانْ هُو شَيَّبْ مَرَّةْ وَاحِدْ وَ عُيُونَهْ فَاتْحِينْ وَ مَا بِشِيفُوا.