1 صَمُوِيل 3:11 - الكتاب المقدس بالعربي الدارجي هنا تشاد

¹¹ وَ اللّٰهْ قَالْ لَيَّهْ: «نِسَوِّي شَيّءْ فِي بَنِي إِسْرَائِيلْ الْيَبْهَتْ كُلَّ النَّاسْ الْيَسْمَعَوْه!

1 صَمُوِيل 3:11 Referenca të Kryqëzuara

حَبَقُوق 1:5

«يَا شَعَبِي، شِيفُوا بَيْن الْأُمَمْ وَ أَلْعَجَّبَوْا وَ أَخَافَوْا. أَشَانْ فِي وَكِتْكُو دَا، أَنَا نِسَوِّي فَوْقكُو شَيّءْ وَ كَنْ حَجَّوْكُو بَيَّهْ، مَا تِصَدُّقُوهْ.

أعمال الرُسُل 13:41

الْكِتَابْ بُقُولْ: <يَا الشَّمَّاتِينْ، شِيفُوا. أَلْعَجَّبَوْا وَ أَهْلَكَوْا مَرَّةْ وَاحِدْ. أَشَانْ فِي وَكِتْكُو دَا، أَنَا نِسَوِّي شَيّءْ وَ كَنْ حَجَّوْكُو بَيَّهْ، مَا تِصَدُّقُوهْ.>»

إرْمِيا 19:3

«وَ قُولْ: ‹يَا مُلُوكْ بَلَدْ يَهُوذَا وَ يَا سُكَّانْ مَدِينَةْ الْقُدُسْ، أَسْمَعَوْا كَلَامْ اللّٰهْ. دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: ”أَنَا نِجِيبْ فِي الْبَكَانْ دَا فَسَالَةْ وَ أَيِّ نَادُمْ الْيَسْمَعْ بَيْهَا يِنْبَهِتْ.

2 مُلوك 21:12

وَ فِي شَانْ دَا، دَاهُو اللّٰهْ إِلٰـهْ بَنِي إِسْرَائِيلْ قَالْ: «أَنَا نِنَزِّلْ فِي مَدِينَةْ الْقُدُسْ وَ فِي بَلَدْ يَهُوذَا مَصِيبَةْ التَّبْهَتْ كُلَّ النَّاسْ الْيَسْمَعَوْا بَيْهَا.

لُوقا 21:26

وَ النَّاسْ يَقَعَوْا مِنْ الْخَوْف وَ يَخَافَوْا مِنْ الشَّيّءْ الْجَايِ فِي الدُّنْيَا أَشَانْ قُوَّاتْ السَّمَاوَاتْ ذَاتْهُمْ يِنْهَزَّوْا.

إشَعْيا 29:14

وَ فِي شَانْ دَا، أَنَا نِوَصِّفْ لَيْهُمْ عَجَبْ بَعَدْ عَجَبْ وَ حِكْمَةْ الْحُكُمَاءْ تِوَدِّرْ وَ فِهِمْ الْفَاهِمِينْ يَبْقَى مَا فِيهْ.»

إشَعْيا 28:19

فِي أَيِّ وَكِتْ هُو يُفُوتْ، يَكْرُبْكُو أَشَانْ الْوَبَاءْ يُفُوتْ كُلَّ يَوْم، فَجُرْ وَ عَشِيَّةْ. وَ وَكِتْ تَسْمَعَوْا بِخَبَرَهْ، خَوْف شَدِيدْ يَكْرُبْكُو.

1 صَمُوِيل 3:10

وَ اللّٰهْ جَاءْ وَ نَادَاهْ لِصَمُوِيلْ مِثِلْ أَوَّلْ: «يَا صَمُوِيلْ! يَا صَمُوِيلْ!» وَ صَمُوِيلْ قَالْ: «كَلِّمْ، أَنَا عَبْدَكْ قَاعِدْ نَسْمَعَكْ!»

1 صَمُوِيل 4:10

وَ فِي الْبَكَانْ دَا خَلَاصْ، الْفِلِسْطِيِّينْ هَجَمَوْهُمْ لِبَنِي إِسْرَائِيلْ وَ أَنَّصَرَوْا فَوْقهُمْ. وَ أَيِّ وَاحِدْ مِنْ بَنِي إِسْرَائِيلْ جَرَى قَبَّلْ بَيْتَهْ. وَ الْخَسَارَةْ بِقَتْ كَبِيرَةْ فِي أُسْط بَنِي إِسْرَائِيلْ وَ وَدَّرَوْا فِيهَا 30 000 رَاجِلْ.

أيُّوب 41:9

قِدَّامَهْ، أَيِّ نَادُمْ عَشَمَهْ يِنْقَطِعْ وَ الْيِشِيفَهْ، الْخَوْف يَكُرْبَهْ.