1 صَمُوِيل 27:1 - الكتاب المقدس بالعربي الدارجي هنا تشاد

¹ وَ دَاوُدْ قَالْ فِي نَفْسَهْ: «يَوْم مِنْ الْأَيَّامْ، شَاوُولْ يَجِي يَكْتُلْنِي. وَ شَيّءْ آخَرْ نِسَوِّيهْ مَا فِيهْ إِلَّا نِعَرِّدْ وَ نَمْشِي بَلَدْ الْفِلِسْطِيِّينْ. وَ بَيْدَا، هُو يِخَلِّي مُطَارَدَتِي فِي كُلَّ بَلَدْ إِسْرَائِيلْ. وَ أَنَا نَنْجَى مِنَّهْ.»

1 صَمُوِيل 27:1 Referenca të Kryqëzuara

إشَعْيا 51:12

وَ اللّٰهْ قَالْ: «أَنَا! أَنَا بَسْ النِّصَبِّرْكُو. مَالَا إِنْتُو تَخَافَوْا مِنْ الْإِنْسَانْ الْيُمُوتْ؟ مَالَا تَخَافَوْا مِنْ بَنِي آدَم الْيَيْبَسْ مِثِلْ الْقَشّ؟

1 صَمُوِيل 23:17

وَ قَالْ لَيَّهْ: «مَا تَخَافْ أَشَانْ أَبُويِ شَاوُولْ مَا يَلْقَاكْ لِيَكْتُلَكْ. وَ إِنْتَ تَحْكِمْ فِي إِسْرَائِيلْ وَ أَنَا نَبْقَى نَايْبَكْ. وَ دَا أَبُويِ ذَاتَهْ يَعَرْفَهْ!»

أمْثال 13:12

الْعَشَمْ كَنْ يِطَوِّلْ، يِمَرِّضْ الْقَلِبْ وَ الْمُنَى كَنْ أَلْحَقَّقْ، مِثِلْ شَدَرَةْ الْحَيَاةْ.

زَبُور 116:11

وَ فِي بَرْجَلَتِي، أَنَا قُلْت: «كُلَّ النَّاسْ كَدَّابِينْ.»

1 صَمُوِيل 29:2

وَ كُبَارَاتْ الْفِلِسْطِيِّينْ جَرْسَسَوْا أَيِّ وَاحِدْ فِي رَاسْ مِيَةْ عَسْكَرْ أَوْ فِي أَلِفْ. وَ دَاوُدْ وَ نَاسَهْ جَرْسَسَوْا فِي الأَخِيرْ مَعَ الْمَلِكْ أَكِيشْ.

1 صَمُوِيل 25:30

وَ وَكِتْ اللّٰهْ يِتِمّ كُلَّ شَيّءْ الْوَاعَدَكْ بَيَّهْ إِنْتَ سَيِّدِي، هُو يِدَرِّجَكْ مَلِكْ فِي إِسْرَائِيلْ.

1 صَمُوِيل 22:5

وَ يَوْم وَاحِدْ، النَّبِي قَادْ قَالْ لِدَاوُدْ: «مَا تَقْعُدْ فِي الْبَكَانْ الْقَوِي هِنِي، أَمْشِي فِي بَلَدْ يَهُوذَا.» وَ دَاوُدْ قَمَّ وَ مَشَى فِي الْغَابَةْ الْأُسُمْهَا حَارِتْ.

1 صَمُوِيل 16:13

وَ خَلَاصْ، صَمُوِيلْ شَالْ دِهِنْ مِنْ قَرْنَهْ وَ مَسَحْ دَاوُدْ وَ دَرَّجَهْ قِدَّامْ أَخْوَانَهْ. وَ طَوَّالِي، رُوحْ اللّٰهْ نَزَلْ فِي دَاوُدْ وَ مِنْ الْيَوْم دَا، هُو قَاعِدْ فَوْقَهْ. وَ صَمُوِيلْ قَبَّلْ فِي حِلَّةْ الرَّامَةْ.

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

خُروج 14:12

وَ فِي شَانْ دَا بَسْ، وَكِتْ أَنِحْنَ فِي مَصِرْ كَلَّمْنَاكْ وَ قُلْنَا لَيْك: ‹خَلِّينَا سَاكِتْ! نَقْعُدُوا عَبِيدْ لِلْمَصْرِيِّينْ بَسْ. دَا أَخَيْر لَيْنَا مِنْ نُمُوتُوا فِي الصَّحَرَاء!›»

2 كُرُنْتُس 7:5

وَ وَكِتْ جِينَا فِي مَقِدُونِيَةْ كُلَ، مَا لِقِينَا رَاحَةْ. تِعِبْنَا وَ فِي أَيِّ بَكَانْ لِقِينَا مَشَاكِلْ وَ خَوْف قَاعِدْ فِي قُلُوبْنَا.

مَرْخُوس 4:40

وَ هُو حَجَّى لِتَلَامِيذَهْ وَ قَالْ: «مَالَا إِنْتُو خَايْفِينْ؟ لِسَّاعْ مَا عِنْدُكُو إِيمَانْ وَلَّا؟»

مَتَّى 14:31

وَ عِيسَى مَدَّ إِيدَهْ عَجَلَةْ وَ كَرَبَهْ وَ قَالْ: «إِيمَانَكْ لِسَّاعْ ضَعِيفْ. مَالَا شَكَّكْت؟»

عَدد 14:3

مَالَا اللّٰهْ يِوَدِّينَا فِي الْبَلَدْ دِي أَشَانْ يَكْتُلُونَا بِالْسَّيْف؟ وَ عِيَالْنَا وَ عَوِينَّا يَبْقَوْا كَسِيبَةْ. وَ دَا أَخَيْر لَيْنَا كَنْ نِقَبُّلُوا فِي بَلَدْ مَصِرْ.»

1 صَمُوِيل 26:19

وَ هَسَّعْ دَا، مِنْ فَضْلَكْ يَا سِيدِي، أَسْمَعْ كَلَامِي أَنَا عَبْدَكْ. كَنْ اللّٰهْ بَسْ لَزَّاكْ أَشَانْ تِطَارِدْنِي، وَاجِبْ أَنَا نِقَدِّمْ لَيَّهْ ضَحِيَّةْ. لَاكِنْ كَنْ مِنْ نَاسْ بَسْ، خَلِّي اللّٰهْ يَلْعَنْهُمْ! أَشَانْ الْيَوْم هُمَّنْ طَرَدَوْنِي مِنْ الْبَلَدْ الْأَنْطَاهَا اللّٰهْ وَرَثَةْ لِشَعَبَهْ وَ دَا مِثِلْ هُمَّنْ قَالَوْا لَيِّ: ‹أَمْشِي وَ أَعَبُدْ إِلٰـهَاتْ آخَرِينْ.›

1 صَمُوِيل 29:3

وَ كُبَارَاتْ الْفِلِسْطِيِّينْ قَالَوْا: «الْعِبْرَانِيِّينْ دَوْل جَوْا يِسَوُّوا شُنُو؟» وَ أَكِيشْ قَالْ لَيْهُمْ: «دَا دَاوُدْ مَسْؤُولْ هَنَا شَاوُولْ مَلِكْ إِسْرَائِيلْ. هُو قَاعِدْ مَعَايِ مُدَّةْ سَنَةْ أَوْ سَنْتَيْن. وَ أَنَا مَا لِقِيتْ فَوْقَهْ شَيّءْ فَسِلْ مِنْ عَرَّدْ مِنْ سَيِّدَهْ لَحَدِّي الْيَوْم.»

1 صَمُوِيل 20:3

وَ دَاوُدْ حَلَفْ لِيُونَتَانْ وَ قَالْ: «أَبُوكْ يَعَرِفْ عَدِيلْ كَدَرْ إِنْتَ رَضْيَانْ بَيِّ. وَ قَالْ فِي نَفْسَهْ: ‹خَلِّي يُونَتَانْ مَا يَسْمَعْ بِالشَّيّءْ دَا أَشَانْ دَا مَا يَبْقَى لَيَّهْ قَاسِي!› وَ لَاكِنْ أَنَا نَحْلِفْ لَيْك بِاللّٰهْ الْحَيّ وَ بِحَيَاتَكْ إِنْتَ، مَا فَضَّلْ بَيْنِي وَ بَيْن الْمَوْت إِلَّا شِبِرْ بَسْ!»

1 مُلوك 12:26

وَ يَرُبَعَامْ قَالْ فِي نَفْسَهْ: «فِي الْحَالَةْ دِي، مُمْكِنْ الْمُلُكْ دَا يِقَبِّلْ لِذُرِّيَّةْ دَاوُدْ.

1 مُلوك 12:28

وَ خَلَاصْ، الْمَلِكْ يَرُبَعَامْ لِقِي فِكْرَةْ وَ صَنَعْ عَجَّالْ إِتْنَيْن هَنَا دَهَبْ وَ قَالْ لِلشَّعَبْ: «إِنْتُو مَشَيْتُوا عِدَّةْ مَرَّاتْ فِي مَدِينَةْ الْقُدُسْ. وَ هَسَّعْ دَا، يَا بَنِي إِسْرَائِيلْ، دَوْل بَسْ إِلٰـهَاتْكُو الْمَرَقَوْكُو مِنْ بَلَدْ مَصِرْ.»

1 مُلوك 19:3

وَ مِنْ سِمِعْ الْكَلَامْ دَا، إِلِيَاسْ عَرَّدْ لِيِنَجِّي نَفْسَهْ. وَ قَمَّ مَشَى بِيرْ سَبْعَةْ فِي بَلَدْ يَهُوذَا وَ خَلَّى خَدَّامَهْ هِنَاكْ.

2 أخبار 25:17

وَ أَمَصْيَا مَلِكْ مَمْلَكَةْ يَهُوذَا لِقِي وَصِيَّةْ مِنْ مُسْتَشَارِينْ آخَرِينْ وَ رَسَّلْ لِيَهُآشْ وِلَيْد يَهُوحَازْ وِلَيْد يَاهُو مَلِكْ مَمْلَكَةْ إِسْرَائِيلْ. وَ قَالْ لَيَّهْ: «تَعَالْ نِلْقَابَلَوْا وَ نِلْحَارَبَوْا!»

زَبُور 55:7

أَيْوَى! نِعَرِّدْ بَعِيدْ وَ نَسْكُنْ فِي الْكَدَادَةْ. وَقْفَةْ.