1 صَمُوِيل 26:8 - الكتاب المقدس بالعربي الدارجي هنا تشاد

⁸ وَ أَبِشَايْ قَالْ لِدَاوُدْ: «الْيَوْم، الرَّبّ سَلَّمْ لَيْك عَدُوكْ! خَلِّينِي نَطْعَنَهْ بِحَرِبْتِي مَرَّةْ وَاحِدَةْ بَسْ وَ نِلَصِّقَهْ فِي التُّرَابْ! وَ مَا نِتَنِّيهْ لَيَّهْ!»

1 صَمُوِيل 26:8 Referenca të Kryqëzuara

1 صَمُوِيل 24:4

وَ خَلَاصْ، نَاسَهْ لِدَاوُدْ وَسْوَسَوْا لَيَّهْ وَ قَالَوْا: «دَاهُو الْيَوْم الْاللّٰهْ حَجَّى لَيْك فَوْقَهْ وَ قَالْ: ‹أَنَا نِسَلِّمْ لَيْك عَدُوكْ. وَ بَيْدَا، سَوِّي لَيَّهْ كُلَّ شَيّءْ التِّدَوْرَهْ.›» وَ دَاوُدْ قَمَّ أَدَّبَّ وَ قَطَعْ خَشُمْ خَلَقْ شَاوُولْ مِنْ وَرَاءْ.

1 صَمُوِيل 26:23

وَ اللّٰهْ يِكَافِي أَيِّ نَادُمْ صَالِحْ وَ أَمِينْ. أَشَانْ الْيَوْم، اللّٰهْ سَلَّمَاكْ لَيِّ وَ لَاكِنْ أَنَا مَا دَوَّرْت نِمِدّ إِيدِي ضِدّ الرَّاجِلْ الْاللّٰهْ مَسَحَهْ وَ دَرَّجَهْ مَلِكْ.

1 صَمُوِيل 23:14

وَ دَاوُدْ مَشَى فِي كَدَادَةْ زِيفْ وَ سَكَنْ فِي جِبَالْهَا فِي الْوَعَرْ. وَ فِي طُولْ الْوَكِتْ، شَاوُولْ قَاعِدْ يِفَتِّشَهْ وَ لَاكِنْ الرَّبّ مَا سَلَّمَهْ لَيَّهْ فِي إِيدَهْ.

قُضياء 1:4

وَ قَبِيلَةْ يَهُوذَا هَجَمَوْا عُدْوَانْهُمْ وَ اللّٰهْ سَلَّمْ لَيْهُمْ فِي إِيدَيْهُمْ الْكَنْعَانِيِّينْ وَ الْفِرِزِّيِّينْ. وَ فِي حِلَّةْ بَازَقْ، هُمَّنْ كَتَلَوْا مِنْهُمْ 10 000 رَاجِلْ.

يَشُوع 21:44

وَ اللّٰهْ أَنْطَاهُمْ الرَّاحَةْ مِنْ كُلِّ جِيهَةْ حَسَبْ الْحَلِيفَةْ الْحَلَفْ بَيْهَا لِجُدُودْهُمْ. وَ مِنْ كُلَّ عُدْوَانْهُمْ، وَاحِدْ كُلَ مَا قِدِرْ يِحَارِبْهُمْ وَ بَيْدَا، اللّٰهْ سَلَّمْ لَيْهُمْ كُلَّ عُدْوَانْهُمْ.

تَثْنِية 32:30

كِكَّيْف رَاجِلْ وَاحِدْ يَطْرُدْ أَلِفْ نَاسْ وَ رُجَالْ إِتْنَيْن يَطُرْدُوا عَشَرَةْ أَلِفْ كَنْ اللّٰهْ بَسْ مَا سَلَّمَاهُمْ وَ مَلْجَئْهُمْ مَا بَاعَاهُمْ؟

رَوْمَا 11:32

فِي نِظَامْ اللّٰهْ كُلَّ الْأُمَمْ مَرْبُوطِينْ فِي عِصْيَانْهُمْ أَشَانْ فِي الأَخِيرْ، اللّٰهْ يَرْحَمْ كُلَّ الْأُمَمْ سَوَا سَوَا.

نَاحُوم 1:9

يَا سُكَّانْ نِينَوَى، مَالَا شِلْتُوا نِيَّةْ فَسْلَةْ ضِدّ اللّٰهْ؟ هُو يِجِيبْ فَوْقكُو دَمَارْ كَامِلْ الْبَتَّانْ مَا يِتَنِّي بِضِيقَةْ آخَرَةْ.

زَبُور 31:8

وَ إِنْتَ مَا سَلَّمْتِنِي فِي إِيدْ عُدْوَانِي، إِنْتَ وَقَّفْتِنِي بِطُولِي وَ خَطَّيْتنِي فِي بَكَانْ وَسِيعْ.

1 صَمُوِيل 26:7

وَ خَلَاصْ، دَاوُدْ وَ أَبِشَايْ مَشَوْا دَخَلَوْا بِاللَّيْل فِي الْمُعَسْكَرْ. وَ شَافَوْا شَاوُولْ رَاقِدْ وَ نَايِمْ فِي أُسْط الْمُعَسْكَرْ وَ حَرِبْتَهْ عَلَيْ رَاسَهْ. وَ أَبْنِيرْ وَ عَسْكَرَهْ حَوَّقَوْه وَ رَاقْدِينْ.

1 صَمُوِيل 26:9

وَ دَاوُدْ قَالْ لِأَبِشَايْ: «لَا، مَا تَكْتُلَهْ! أَشَانْ اللّٰهْ مَا يَجْعَلْ بَرِي النَّادُمْ الْيَكْتُلْ الْمَلِكْ الْهُو مَسَحَهْ وَ دَرَّجَهْ.»

2 صَمُوِيل 16:9

وَ أَبِشَايْ وِلَيْدهَا لِصَرُويَةْ قَالْ لِلْمَلِكْ: «مَالَا الْكَلِبْ الْمَيِّتْ دَا قَاعِدْ يَلْعَنْ سِيدِي الْمَلِكْ؟ خَلِّينِي نَمْشِي نَقْطَعْ رَاسَهْ!»

إرْمِيا 40:15

وَ بَعَدْ دَا، يُوحَنَانْ وِلَيْد قَارِحْ مَشَى بَتَّانْ بِعَشِيرْ لِقَدَالْيَا فِي مِصْفَةْ. وَ قَالْ لَيَّهْ: «أَنْطِينِي إِذِنْ نَمْشِي نَكْتُلْ إِسْمَاعِيلْ وِلَيْد نَتَنْيَا وَ نَادُمْ يَسْمَعْ بَيَّهْ كَيْ مَا فِيهْ. وَلَّا إِنْتَ تِدَوْر هُو يَكْتُلَكْ؟ وَ كَنْ كَتَلَكْ، كُلَّ بَنِي يَهُوذَا التَّابْعِينَكْ يِشِتُّوا وَ الْفَضَّلَوْا مِنْهُمْ يَبْقَوْا مَا فِيهُمْ.»

1 صَمُوِيل 24:5

وَ بَعَدْ دَا، دَاوُدْ قَلْبَهْ مَا بِقِي لَيَّهْ حَلُو أَشَانْ هُو قَطَعْ خَشُمْ خَلَقْ شَاوُولْ.