1 صَمُوِيل 26:11 - الكتاب المقدس بالعربي الدارجي هنا تشاد

¹¹ اللّٰهْ يَسْتُرْنِي مَا نُخُطّ إِيدِي فَوْقَهْ، هُو الْاللّٰهْ مَسَحَهْ وَ دَرَّجَهْ مَلِكْ! هَسَّعْ دَا، خَلِّي نِشِيلُوا حَرِبْتَهْ الْقَاعِدَةْ عَلَيْ رَاسَهْ وَ قِرْبِتَهْ هِنْت الْأَلْمِي وَ نَمْشُوا.»

1 صَمُوِيل 26:11 Referenca të Kryqëzuara

1 صَمُوِيل 24:6

وَ قَالْ لِنَاسَهْ: «اللّٰهْ يِعَاقِبْنِي كَنْ أَنَا سَوَّيْت شَيّءْ فَسِلْ لِسِيدِي شَاوُولْ الْاللّٰهْ مَسَحَهْ وَ دَرَّجَهْ مَلِكْ! أَنَا مَا نُخُطّ إِيدِي فَوْقَهْ أَشَانْ اللّٰهْ بَسْ عَزَلَهْ.»

1 صَمُوِيل 24:12

وَ خَلِّي اللّٰهْ يَحْكِمْ بَيْنِي وَ بَيْنَكْ وَ يِكَفِّينِي كُلَّ الْفَسَالَةْ الْإِنْتَ قَاعِدْ تِسَوِّيهَا لَيِّ. لَاكِنْ أَنَا كَيْ مَا نُخُطّ إِيدِي فَوْقَكْ!

2 صَمُوِيل 1:16

وَ وَكِتْ رُوحَهْ قَاعِدَةْ تَمْرُقْ، دَاوُدْ قَالْ لَيَّهْ: «خَلِّي دِمِّتَكْ تَقَعْ فِي رَاسَكْ أَشَانْ إِنْتَ قُلْت بِخَشْمَكْ كَدَرْ إِنْتَ بَسْ كَتَلْت الرَّاجِلْ الْاللّٰهْ مَسَحَهْ وَ دَرَّجَهْ مَلِكْ.»

2 صَمُوِيل 1:14

وَ دَاوُدْ قَالْ لَيَّهْ: «كِكَّيْف إِنْتَ مَا خُفْت وَ رَفَعْت إِيدَكْ وَ كَتَلْت الرَّاجِلْ الْاللّٰهْ مَسَحَهْ وَ دَرَّجَهْ مَلِكْ؟»

رَوْمَا 12:17

كَنْ نَادُمْ سَوَّى فَوْقكُو شَيّءْ فَسِلْ، مَا تِسَوُّوا فَوْقَهْ شَيّءْ فَسِلْ. فَكُّرُوا وَ سَوُّوا الشَّيّءْ الْكُلَّ النَّاسْ يَرْضَوْا بَيَّهْ.

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

1 صَمُوِيل 24:4

وَ خَلَاصْ، نَاسَهْ لِدَاوُدْ وَسْوَسَوْا لَيَّهْ وَ قَالَوْا: «دَاهُو الْيَوْم الْاللّٰهْ حَجَّى لَيْك فَوْقَهْ وَ قَالْ: ‹أَنَا نِسَلِّمْ لَيْك عَدُوكْ. وَ بَيْدَا، سَوِّي لَيَّهْ كُلَّ شَيّءْ التِّدَوْرَهْ.›» وَ دَاوُدْ قَمَّ أَدَّبَّ وَ قَطَعْ خَشُمْ خَلَقْ شَاوُولْ مِنْ وَرَاءْ.

1 صَمُوِيل 12:3

وَ دَاهُو أَنَا وَاقِفْ قِدَّامْكُو. أَوْرُدُوا فَوْقِي شَهَادَةْ قِدَّامْ اللّٰهْ وَ قِدَّامْ الْمَلِكْ الْهُو مَسَحَهْ وَ دَرَّجَهْ. كَنْ أَنَا شِلْت تَوْر أَوْ حُمَارْ مِنْ نَادُمْ أَوْ ظَلَمْت نَادُمْ أَوْ سَوَّيْت فَسِلْ لِنَادُمْ، أَوْرُونِي! كَنْ شِلْت رَشْوَةْ مِنْ نَادُمْ أَشَانْ نَخْجَلْ مِنَّهْ وَ مَا نِأَوْرِيهْ الصَّحِيحْ، أَوْرُونِي! أَوْرُونِي أَشَانْ أَنَا نِكَفِّيكُو الشَّيّءْ الظَّلَمْتُكُو بَيَّهْ.»

2 صَمُوِيل 19:22

وَ لَاكِنْ دَاوُدْ قَالْ: «شُنُو الْبَيْنِي أَنَا وَ إِنْتُو، يَا أَوْلَادْ صَرُويَةْ؟ مَالَا الْيَوْم قَمَّيْتُوا ضِدِّي مِثِلْ عَدُو؟ هَلْ الْيَوْم، دَا يَوْم الْيَكْتُلُوا فَوْقَهْ نَادُمْ فِي بَلَدْ إِسْرَائِيلْ وَلَّا؟ هَلْ أَنَا مَا نَعَرِفْ كَدَرْ الْيَوْم، أَنَا بَسْ مَلِكْ فِي بَلَدْ إِسْرَائِيلْ وَلَّا؟»

زَبُور 17:4

أَنَا شِفْت عَمَلْ النَّاسْ وَ حَسَبْ كَلَامَكْ إِنْتَ، أَنَا حَفَضْت نَفْسِي مِنْ دَرِبْ السَّرَّاقْ.